مرااااااااااااااحب 
.
# هاردلكم التعادل .. أنا اقول زين طلعنا بالتعادل على الوضع الحالي , كومه مصابين / الروح نوعاً ما مفقوده / إستبسال الفرق قدامنا . ولازم تعرفون يا بنو هلال .. إن الدوري مستحيل مستحيل يكون وضعه زي العام الماضي .. العام الماضي كان كل شي فينا زين .. وكنا مستحيل نزعل أو نشجب و نستنكر , السنه هاذي الوضع تغير , مدرب مشى بدري / إصابات بالهبل / وعدم إستقرار برضوا موجوده .
# الفريق يبي له نفضه قويه جداً عشان يصحصح .. وعشان ترجع له الروح القتاليه [ متأملّ ] خير إن هـ النفضه جايبها معه الأرجنتيني .. اللاعبين لازم يحسّون إن وراهم مدرب مستقر و رسمي .. ولا ما يلعبون صح .. بعدين على الطاري .. انا استغرب على اللاعبين انهم وحتى " ولو " عارفين ان المدرب ماشي ما يلعبون صح .. ياخي لا تلعب عشان المدرب .. إلعب صح عشانّا حنّا .
# كررت هـ السالفه اكثر من مره بالخيمه وبرجع اكررها هنا ولحد ما توصل لـ الفاتيكان .. الدوري هـ السنه طريقه ما هو مفروش بالورد .. لكل الأنديه الحق إنها تسعى له ولا حنّا الوحيدين الموجودين على الساحه .. وسالفه إني اتعادل مع القادسيه ومع " الأهلي " ذي ترا والله ما تمشي .. لازم كل مباراه احط قدامي هدف الـ 3 نقاط .. صحيح وضعنا لا زال [ جيد ] لكن برضوا من يضمن نجران بـ أرضه .. ؟! ترا النصر اللي هو النصر متحمس للدوري وبرضوا الإتحاد .. يعني فيه منافسين .. وان شاء الله اللاعبين يعوون ذلك .
# عيسى المحياني : عزيزي , أنت على عيني وراسي .. واحب لعبك , لكن ترا يا جماعه والله ما يعول عليه ابد .. هذا يدخل بديل للاعب يصير اوكيه .. أما انه يبدا من بدايه المباراه لا ! كل هذا الكلام ابي ابين اني ابي مهاجم .. وإن شاء الله انه جاااي بالطريق .. ولا نبي أي مهاجم .. نبي واحد عليه القيمه يا بو فيصل .
# يقولون لك " الزوج " على حسب ما تعامله الزوجه .. والزوجه على حسب ما يعاملها الزوج .. وكلن يتعود على الثاني على اساس هـ الشي .. بالظبط بالظبط .. زي اللي صار مع جماهير نادي الهلال .. جمهور متعود على المنصات .. جمهور متعود الذهب .. جمهور متعود على الرُقي .. جمهور متعود ان أي إداره تجي تعطيه كم كاس و تمشي .. وهذا اللي حاصل معنا .. وهذا اللي مخلينا ما نوقف ما شاء الله .. هـ التدليع اللي حنّا عايشين بـ نستنكر على إي إداره انها ما تعاملنا بنفس الطريقه .. اللي هي بتعطينا الكؤوس وتجي اللي بعدها .. فـ هذا سبب مهم من اسباب نجاح هلالنا .. ويااااااااارب لك الحمد .
# كلنا نزعل على أي هزّه بالفريق .. لكن بسألكم .. [ فيه فريق بالعالم بيرفكت ولا تجيه أي هزّه .. ؟! ] حنّا زعلنا من التعادلات الأخيره بدون شك .. لكن الطريق والله لا زال قدامنا مفروش بالورود .. وترا على فكره الورود داااايم فيها شوك !
# امـوت على البطره .. جمهور يزعل من تعااااادلات .. يا أنت يا هلال .. كبييييير
# قدامنا 3 مباريات مؤجله .. ما نبي منها إلا الـ 3 نقاط .. و المستوى نتفاهم فيه بعدين # تعيين عبدالكريم الجاسر قرار قليله عليه كلمه " في محله " . نبي الإداره تُقلّ بالظهور الإعلامي حتى يصير لـ أي توضيح لها مستقبلاً فيه " هيبه " 
[ مليان تفائل ]
# ألف الحمد على سلامه الأمير عبدالرحمن بن مساعد ..
* أذكر انه قال بمقابله .. يا التخفيف أو العمليه .. 
شد حيلك يا بو فيصل , نبي الخيار الأول 
الوضع العادي
