[[ البيرق الأزرق ]]

سلام
...
كيفكم يا زعماء نادي القرن
...
بصراحه اشوف فيه حمله ولا اعلم هل هي منظمه او مصادفه
وهي بخصوص شبيه الريح وسامي الجابر
...
لن ازكي الاثنين فـ عندهم من الاخطاء ما يكفي طرحه سابقا من عقلاء الهلال
ولكن ان تستمر الحمله بهذا الشكل ومع استمرار الامير بمنصبه وسامي بموقعه
فهذا نعتبره امر مرفوض جملة وتفصيلا << تكفي يـ ...
...
انتقنا شبيه الريح
وانتقدنا سامي
وعرفناهم بالاخطاء
وهم بالاصل عارفينها قبل ما نتكلم
واعترفوا بكل شيء
...
يعني خلاص نبتل ع الانتقاد وتصيد الاخطاء
وما ورانا شغله الا الريس وسامي
النقاط تروح علينا وحنا شغالين
كلها منك ياسامي وانت السبب يا شبيه الريح
...
ما اظن بقي احد من الهلال ما دمرناه
واتوقع نطب بعد فتره بـ مرجان ونـ
اللاعب مسكين صار ينزل الملعب وسيقانه تصافق فـ بعض
والثاني يلعب والخوف مرعبه
والخاسر الوحيد من ذي كلها >> الهلال فقط
نرجع للسبب فـ ذي كلها
حنا الجمهور اللي فـ الملعب والا اللي فـ المنتدى
...
اقسم بالله ما يغبني الا اني اشوف حال الهلال كذا
ونروح نلوم الريس وسامي
ليش ما نحول لومنا وعتبنا ونستبدله بدعم لهم
ليش ما نوقف نقد وندعم اللاعبين
ليش ما نستبدل التسفيل والسب برفع المعنويات
ليش ما نصفق ونشجع بدل ما نصفر ونشتم
ليش ما نكون عون لهم بدل ما نصير فرعون عليهم
...
والله اذا استمرينا ع ذا الحال ماحد خاسر الا الهلال فقط
واذا قعدنا ع اسلوبنا ما نشوف الا التفرقه بين الجمهور الهلالي
جمهور للاسف بدت عوامل التقسيم تدب فـ قلوبهم ونفوسهم
هل هذا اللي يستحقه الهلال منا
هل هذا الكيان الذي عشقناه يستاهل منا ذا اللي قاعد يصير
...
لازم نصبر ونتحمل هلالنا فـ السراء والضراء
هلالنا اللي افرحنا طوال سنين كثيره
ما يستاهل نتحمله فتره مؤقته
ما يستاهل نصبر عليه اسابيع
ما يستاهل نوقف معه شهور
...
يعني بالله عليكم اذا تخلينا ع هلالنا بذي الازمه من تبون يوقف معه
يوقف معه بنو فقر والا بنو تشاد مثلا
هم هالحين مكتفين ورافعين حتى ايديهم ع الاقلام
لانهم يشوفون من كفاهم شر التعب والتأليف والتفرقه
وهذا اللي يبون يوصلونه
وانتم بين خيارين
اما ان تستمرون بزعزعة الكيان
واما الوقوف بالمسانده والدعم والصبر والتحمل وزرع الثقه

فـ لكم الاختيار

فمان الله