السلام عليكم و رحمة الله و بركاته 
صبااااااااااحكم فل و زهور و عود و زيتون ( اسود) 
بناء على طلب الاعضاء اقدم لكم قصيده غزل جديده باسم : دستو رحبي.... اتمنى انها تعجبكم و بانتظار اراءكم و انطباعاتكم..... بسم الله.... يا من دخلتي دون طرق للأبواب
للبيت حرمه من دليل الشريعه
جيتي و اهملتي العباره على الباب
( مغلق الين الموت يبكي ضجيعه)
ما خاصمك حارس ولا ردك حجاب
و ما وقفك غلظ السلاسل المنيعه
كيف الحرس لانوا؟ و كيف القفل ذاب؟
و ليه العزوم الرافضه لك مطيعه؟
هذا خفوقي يخضعه كل جذاب
و روحي بعد ما شافتك لك خضيعه
ما هو خضوع اللي غدا ضمن الاسلاب
لكن خضوعي من جمال الطبيعه
و الحب يحيي القلب لو السهم صاب
صابته معه كل الحروف البديعه
ما يقتل الرجال سوى حب كذاب
و الكذب يا أهل العشق ارذل طبيعه
يا ما حلا حب سرى بين الأصحاب
الصدق وسمه و المشاعر رفيعه
ادخل خفوقي اليوم ولا تعمل حساب
انا باثث منزلك درر يا بديعه
هذا القلب يفداك و هو لك يجاب
انا شاري قلبك و قلبي لك ببيعه
بافرش لك الطيبة يا اطيب الانساب
و اكتب على البرواز ( لا للقطيعه)
بس غلقي يا بنت من دونك الباب
و لا تطلعين في يوم طلعه سريعه
اخاف هبات الهوى تدز هباب
بغلق عليك الباب و تصبح وقيعه
و تحول يا خلي بين قلبي و الحجاب
لا القلب داني لك و لا انتي رفيعه
دستور حبي صار مفتوح الكتاب
هذي يميني و هاتي عهدٍ و بيعه
هذي القصيده اهداء لكل عاااشق 
واتمنى ان تعجبكم و لا تبخلووووون علينا بتفاعلكم المميز 
اخوكم اليامي 
### دستور حبي - قصديه حب - بناء على طلب الاعضاء### 
الوضع الشجري
