[العسيري الهلالي]

بسم الله الرحمن الرحيم ..

الف مليوون مبرووك الرباعيه ضد الرائد

وإن شاء الله من فوز الى .. فوز ..

الروح الهلاليه عادت والدليل بدون مدرب وبدون رئيس نادي وبعشره لاعبين الهلال وبحمد الله وفضله يحقق الإنتاصارات ..


نقاط مهمه وسريعه

اذا صدقت التوقعات وتم تحديد يوم الاحد مباراه الهلال ضد الاهلي ...
فأنا لي تعقيب ..

الكل شاهد على القرارات التحكيميه واللي تضرر منها الهلال .. من سنين وليس في هذا الموسم ..

من بطولات محليه واسيويه واخرها وليس اولها مباراه ذوب اهان في ايران ..

الهلال مايوقفه الا التحكيم ..

المهم احنا شفنا او اغلبكم شفتو مباراه الاهلي والشباب اللي فاز فيها الشباب 2 - 1

وبعد المباراه شفنا مين يتكلم عن التحكيم رغم اني اشووفها زي غيري ان الشباب قدم مباراه رائعه وفاز بدون التحكيم ... يعني ماشفنا هالاخطاء من الحكم اللي تستاهل كل هالبكائيات ..

والشباب في هالمباراه كان قوي ويستاهل الفوز ولايوجد اخطاء تحكيميه ..

ومن بعدها مافيه الا بكااءيات في كل مباراه ينهزم فيها الاهلي من ادارته او لاعبيه او جمهورره اقصد اعلامه

اللي خلاني اقول هالكلام ..

انهم يبون يسببون حاله ضغط ع التحكيم ومن يقود التحكيم .. لأن مباراه الاهلي الجايه مع الهلال ..

فالحذر الحذر من البكائيات الاهلاويه .. او حتى القادسيه ..

مانبي تراضون الاهلاويه ع حساب نادينا

وأتمنى من اللاعبين انهم يكونون في حاله نفسيه جيده ويقدمو الفوز في المباراه ولا ينشغلوا في التحكيم اللي من الان انا بقولها التحكيم بيكون ضد الزعيم . الا اذا كان الحكم اجنبي مايدري عن طبخه الاهلاويه .

احنا ورانا دوري مانبي مشاكل تحكيميه وقهر (ظلم) تحكيمي

حتى لو كانت المباره مع القادسيه فحتى القادسيه مدربهم يقول بأقدم استقالتي بسبب التحكيم السعودي ..!

تكفى يامورينهو

فالحذر الحذر ..

- ماجد المرشدي نقدر لك حماسك في الملعب .. لكن كوره القدم فكر قبل ان تكون همجيه ياماجد .

- رادوي من بعد طرد ماجد المرشدي تحمل المناطق الخلفيه .. هكذا المحترفين ولا بلا .. تستفيد منه في كذا مركز .. هو والكوري ..

- ياسر القحطاني لاتستعجل في العوده ...

- محمد الشلهوب لله درك ايها القصير المكير .. فكر سامي ومهاره الثنيان وثقافه التمياط .

- شراحيلي .. لم تصل للمجد بمباراه فأعلم انك لازلت تحتاج مباريات اكثر وتركيز اكبر .. فأمامك مباريات اقوى من الرائد .

- سمو الامير عبدالرحمن بن مساعد - الهلال كل سنه انجازات وسنه قد تكون اخفاقات .. ولكن السنه القادمه هي لنا واسيا لنا ..

انا لااتفائل الا بالارقام الفرديه فهلال 2011 سيكون بطل اسيا بإذن الله

-

[العسيري الهلالي]

مشكوووورين ع الرفع

..

تح ـياتي

[رادوي ملك الهلال]

مبارتنا الجايه مع القادسيه يوم الاحد
وان شاء الله بنفوز وبدون تحكيمهم الي يصيحون فيه

[انثى تختصر النساء]

كلام حلو
وعموما موب فريقنا اللي يبكي ويشكي من التحكيم
الهلال بحد ذاته مصيبه على الفرق الثانيه حتى والتحكيم مش ولا بد
بالنسبه لبقية النقاط الخاصه باللاعبين معاك في كل كلمه
والمرشدي غلط ولازم يفهم غلطته

[كاسر انوف الاصفرين]

هلا بالعسيري

كلامك كله عقلاني وصحيح ودائما متعودين من الطحالب وغيرهم من حالميين وتشاديين وغيره هالبكائيات

ولكن اهم شي عندنا فريقنا وخاصه تنشيط المناطق الخلفيه ومحاولة تجهيز اللاعبين الاحتياط بدل المرشدي والزوري اللي يرفع الضغط....


اقدر اقول كلمه وهي لله درك من زعيم تلعب بدون رئيس وبدون مدرب وبدون نائب رئيس وناقص لاعب وتفوز


ب4 اهداف ماشاء الله تبارك الله ...


تخيل جاني رساله من زميل اتحادي يقول فريقكم بطل فعلا فعلا فعلا والدليل شوف الاتحاد السنه الماضيه بعد فقد الاسيويه والهلال السنه هذي بعد فقد الاسيويه واحكم بنفسك كيف الفرق ..

رديت عليه : انها النوايا الحسنه من اداره ولاعبين وصحافه وجمهووووووووووووووور انه التوفيق من رب العالمين ...

[هلالي نادر..]

كللامممك صحييح

بس الهلال ان شاء الله بيفوووز ولو كان التحكييم ضدنا ..

[arwano20]

لو تصغر الخط بس

بإذن الله ربي يوفق الهلال ونواصل الانطلاقه

شكرا

[العسيري الهلالي]

إقتباس الرسالة الأصلية كتبت بواسطة arwano20 لو تصغر الخط بس بإذن الله ربي يوفق الهلال ونواصل الانطلاقه شكرا

تم التصغير لعيونك

ومشكوورين ع التعليقات جميعااا

واللي رده يحتاج تعقيب بعقب عليه

تحياتي

[الهلال الاسباني]

كلام رائع اخوي


عواااافي

اوفقك الرأي

[هلالي موسيقار]

الاهلي بيلعب السبت مباراه مدري من معه مستحيل الاحد مع الهلال

[الثرباني]

إقتباس الرسالة الأصلية كتبت بواسطة هلالي موسيقار الاهلي بيلعب السبت مباراه مدري من معه مستحيل الاحد مع الهلال

- | الأهلي Vs الهلال |

التاريخ / 1 - 12 - 1431 هـ

يعني بعد مباراه القادسيه

[FAISAL AL7RBY]

الله يعطيك الف عافيه

بااذن الله الهلال لن يوقفه التحكيم

تحياتي لك

[Saleh Al-Shehri]

بالتوفيق للزعيم في كل الاحوال ..

وان شاء الله الفوز هلالي حتى لو خلوا لجنة الحكام تحكم المباراة ^_^


شكرا لك

[حمووود88]

شكرااااا

تدرون اخواني اخواتي

اتمنى تكون اهداف الزعيم تكون من نصف ملعب الخصم

صواريخ ارض جو او جووووووووووو او ارض ارض

ابيها تكون تبعد الشبهات ابيها تخلي الحكم يفغر ولاعبين الخصم يحطووو ايديهم على خصرهم

ومدربهم واحتاطهم يجلسوو على الارض منهارين

هههههههههههههههههه خخخخخخخخخخخخخخخ

[العسيري الهلالي]

إقتباس الرسالة الأصلية كتبت بواسطة حمووود88 شكرااااا تدرون اخواني اخواتي اتمنى تكون اهداف الزعيم تكون من نصف ملعب الخصم صواريخ ارض جو او جووووووووووو او ارض ارض ابيها تكون تبعد الشبهات ابيها تخلي الحكم يفغر ولاعبين الخصم يحطووو ايديهم على خصرهم ومدربهم واحتاطهم يجلسوو على الارض منهارين هههههههههههههههههه خخخخخخخخخخخخخخخ

هههههههههههههههههههههه

اذا انت ودك انا ودي حتى الحارس تجيه كوره ينفظ امهاا في قول الخصم

شكرا لطلبتك الحلووهـ،