السلام على الكرام
علطول ابفتح التوماتيك وبسم الله ابدأ :
* الحمدلله على كل حال ونقطتين ضاعت بس المهم ان الروح والمستوى ok .
* الجمهور دايم يعاكس توقعات الاقلام الصفراء وبعض الاقلام الزرقاء الغير واثقه به حيث كانت التوقعات تشير الى غضب الجمهور وعدم حضوره مقارنه بجمهور النصر عندما غضب لتعادل الفريق مع خصمه اللدود والشوكه الدائمه له
(احد قال الفيصلي) فشتان بين الحالتين ومع ذلك كان للجمهور بصمه واضحه وكذلك تبين ان جمهور الزعيم ليس جمهور لاعبين كما يردد البعض ووبخاصه ان اغلبه جمهور ياسر وقبله التايب ومع ذلك حضروا مع علم الجميع بتأكد عدم مشاركة ياسر .
* اخيرا تخلى جيريتس عن قناعته ببقاءه على الكرسي طوال المباراة وان الثقل زين وتأكد بأن وقوفه له تأثير سحري على اللاعبين كما حصل امام النصر واتسأل لماذا سامي تغير عن الماضي وهو انه يتابع ببرود وهو جالس متناسيا حب اللاعبين له واستماعهم لتوجيهه ومن الممكن اكثر من جيرتس (وجهه نظر) .بس كان ودي اقتنع من اول .
* اعجبني باللاعبين احساسهم وتناسيهم يوم الاربعاء واحداثه ما عدا نوعا ما ماجد واسامه (وجهه نظر) .
* ااااااااه يارادوي لو الامر بيدي كان جنستك .
* تخيلوا لو برناوي لاعب يسار السؤال هنا / هل ويلي سيقدم مثل هالمستوى المميز ؟
انا اقول بعد اصابة الكوع صار يخاف من اي لاعب وسخ بلعبه مثل برناوي وزيدالمولد ولكن كان امامه ام الدجاج عفوا" حسينووووووه فهو لا يهش ولا ينش ولذلك ويلي لعب بارتياح ونفع الزعيم وهذا اعتقد موجود فقط عندنا وهو تعمد الخشونه مع اللاعب اللي يسبب لك قلق .
* الغنام - نامي - الشلهوب مستوى ثابت وجيد طوال المباراة .
* المحياني ما شاء الله مبرشم كروكي الباب بالشورت (قلت ماشاء الله) بس الله يهديه لو يخلي الهواجيس اللي توصله مكه الى ما بعد نهاية المباراة مثل كورة الراس .
* يقولون عبدالرحمن القحطاني منفلق راسه ليش ؟
انا اقولكم شفتوه يوم سجل الهدف الدبل كيك قصدي البلنتي اكيد بلنتي عندهم شكل ثاني غير هالشكل المهم يوم راح لجمهوره اعتقد شفتوه يوم نط ومن قوة النطه رجل الخط انحك وجهه من مسامير جزمة القحطاني (اعزكم الله) لانه صار تحته وبهاللحظه انفلق راس القحطاني من الكشاف اللي فوق . يعني لهالدرجه الفرحه فعلا باين الشحن النفسي له وان الهلال ما يبيه ولازم تقهرهم مثل نفسية السهلاوي يوم ينفض غباره ما درى انه يبي يغبر مع النصر وهو ما رفع كاس باذن الله .
* ودي اسأل حارس النصر وش قايلين له قبل المباراة هل هي مثلا خروج المغلوب او دور الاربعه او الهدف بهدفين او هم متعادلين مع الهلال بالذهاب على ارض النصر0/0 يعني ابفهم المسكين ناسي ان الهلال جاب التعادل وهو للحين يضيع الوقت فعلا اعتقد انه خليفة خوجلي الا على طاري خوجلي يقولون مطلع له شريط يحكي قصته ولعبه ..... ومدته 3 ساعات وبعد مشاهدة الشريط اتضح ان ساعتين وخمسين دقيقه كلها طايح يضيع الوقت والباقى كان يشوت ضربة مرمى 
. * عباسووووووووووه اخطاءه بس بالدقايق اللي لعبها اكثر من اخطاء رادوي والغنام ونامي طوال المباراة لا وما زال النصراويين يسمون رادوي بالجزار بس الصراحه تراه صدق جزار لانه فعلا ناحر حظهم نحر والله يجعله دووووووووووم .
* حسينووووووه كان يعالج اصابته الله يشفيه والا يسوي عمليات تجميل .
* يقولون شراحيلي طلع مرتين يطير ال ..... (الله يعزكم) وقت المباراة وان البي بي حقه كان معه وانواع الرسايل واهله داقين عليه يقولون وراك تأخرت ما رجعت للبيت وما صدقوا انه لاعب المباراة .واخر نكته تقول لو جيرتس طلع شراحيلي ونزل الجيزاني مكانه ولعب اخر واحد حارس كان صارت علووووووووووم .
* هل فعلا النصراويين زعلانين وراه لاعبين الهلال كانوا يلعبون لحالهم .
* اتوقع ان الملعب كان دحديره من الضغط عليهم .
* متى يصير هناك تنظيم لرابطة الجمهور فمسألة الوعد الملعب ما يصلح والله ياناس فيه جمهور وده يشارك مهوب بس يرقص ( يعني مثلا لو فيه رئيس قوي شخصية وكبير نوعا ما بالسن ويكون معه ما لا يقل عن 500 شخص وتسيجلهم عن طريق المنتدى بالاسم عن طريق الخاص ويكونون دائمين وانا اقولكم وش الفايده وهي انهم يشكلون قوة للجمهور وذلك بلبسهم زي موحد ومعرفة المطلوب منهم وبالتالي بدل مايسمع الجمهور شخص واحد راح يسمعون 500 شخص وراح يزيدون صدقوني والتسهيلات تكون لهم بحجز المقاعد وتجهيز التذاكر عاد على حسابهم او حساب المتبرع غير مهم تخيلوا الرابطه شكل واحد وصوت واحد وباقي الجمهور لا شعوريا وده يوقف معهم
. * ممكن يكون مدرب الهلال القادم ( باوزا ) سؤال بريء .
* شبيه الريح ودي بس شوي يوري اللاعبين النصف الاخر من شخصيته .
* اقسم بالله عندنا اعضاء شرف يقومون دول مهوب بس نادي ماشاء الله والله يديمهم ويكثر خيرهم وهذا الفرق بين الثرا 
والثرياء 
. * الا تعالوا ابسألكم صدق النصر يبي يسوون عزيمه مدري احتفال عشان مجرد مشاركه صدق اذا كان صدق فوالله هاذي ما ينفع معها والله اعلم الا الكوي بكريك واحتمال ما ينفع بعد 
. * كني حلمت البارح ان مدرب اللياقه اللي ولده تعبان يتمشى بكازا 
. * السؤال الكبير / هل تعرف صديق او قريب نصراوي يتمتع بكامل قواه العقليه ؟ والله سؤالي صدق ودي اعرف الجواب . * ما كل روماني روماني ويالنصر حالك والله بكاني .(لسان جمهور النصر) .
* اقول ولمو دولاب جديد للبطولات القادمه فالخروج من الاسيويه لقاح لها بأذن الله .
* نصيحه لا تدخل منتدى النصر ولو للترويح عن النفس ولا تناقش نصراوي لانه لو فيه 1% انه يفهم وش تقول ما شجع النصر واعتقد مع تكرار هذا راح تصاب تدريجيا بصداع نصفي .
* اقول اطمئنوا شبيه الريح لن يستقيل حتى ولو بعد نهاية الموسم والسبب واضح وبسيط جدا " .......... (السيف لا يضغف فوق الرؤوس العاصيه ) واسيا عصت ولن تفلت منه المره القادمه باذن الله . *** ادري طولت عليكم بس والله ودي اوسع صدوركم .
تقبلوني بصدر رحب يازعماااااااااااااااااء
الوضع المتطور
