السلاااااااام عليكم
بالبداية يقولون ان رئيس ولاعبي النصر يحتجون على مباراة اليوم يقولون الهلال يلعبون لحالهم وما يلعبونا 
@@ صراحه ليتنا لاعبين بدون حارس ، ما كان منه فايده
وجودة زي عدمه .. لدرجة اني رحمته قلت ليت واحد من الجماهير يجي يجلس يسولف معه يوسع صدره
وصدق لو اننا ملعبين بداله بالفريدي ولا الدوسري ابرك ومخلين اخر واحد حارس .
@@ النصر اذا ما فاز على الهلال او حتى قدم مستوى والهلال كذا !!! متى راح يفوز ؟؟؟
@@ انا ما يقهرني الا الي يقول ديربي
قل ديربي النصر من الفيصلي
مع التعاون
مع احترامي للناديين لكنهم من الانديه الي تقارن بالنصر .
@@ لوهله <<< متعوب عليها هالكلمه .. المهم لوهله توقعت انها مباراة سله من كثر ما يلمسون الكورة بايديهم .. بغيت اروح لموقع الفيفا قلت يمكنهم غيروا النظام ولكل لاعب لمسة يد . بس يوم حسب فاول على المحياني لمسة يد عرفت انهم ما غيروا النظام .
@@ ما احب اقول شيء عن الحكام ... لكن هم يغصبوننا نتكلم .. بلنتي النصر في البداية فاول لهوساوي .. وبعدين فاول ثاني على ريان بلال ( كبس + دعس على قدم المرشدي ) ..
لو ان هذا البلنتي محسوب عليهم ، كان سمعتوا كحيلانهم نطالب صاحب السمو الملكي الرئيس العام لرعاية الشباب بحماية حقوق النصر وطلعوا كل اعضاء شرفهم ، وطلعوا جماهيرهم يقولون هذا نادي الرعاية .. والحكم ولد عم ويلهامسون وفي رواية انه ولد خال رادوي .. بس الاكيد انه ما يقرب لنفيز ولا لـ لي يونق
@@ يضل الهلال زعيم حتى لو كانت الفنايل فقط في الملعب لترعب جميع الفرق القزمه التي تحاول ان تتعملق .
@@ لأول مرة في حياتي اشاهد فريق يحتفل انه شارك في بطولة وحقق فيها المركز السادس من 8 فرق
هنا الفرق .. فرق تحتفل بالبطولات ولا ترضى بالمركز الثاني .. وفرق لمجرد المشاركة تحتفل .. العبوا على جماهيركم ليست المرة الأولى التي تلعبون فيها عليهم .. كذبتم عليهم ان الحكام مع الهلال حتى صدقوكم ، وكذبتم عليهم ان الاتحاد السعودي يدعم الهلال ضد باقي الفرق رغم ان الاتحاد السعودي يذبح الهلال من الوريد للوريد حتى يرضيكم .. ومع ذلك يصدقونكم .. ولهم عشر سنوات يفتخرون بلقب مشاركه بينما جميع فرق العالم يلقبون انفسهم بالتاريخ والبطولات .. وليس مجرد المشاركة .. هذا الفرق بين ثقافة جماهير البطل وجماهير الفرق الداجه .
@@ يقولون قيرتس بكى بحرقه في المؤتمر الصحفي واعلن ان هذه كانت اخر مباراة .. صراحه يا قيرتس ما قصرت والله يهديك للإسلام .. صراحه العام كان امتع موسم للهلال في نظري .. لكن المغرب اخذتك منا كمدرب واخذت عقلك وقلبك وتفكيرك هالموسم ... رح ونبي نتابع مبارايات المغرب ان شاء الله عشانك ...
@@ بالنهاية شاهدت ناس تحب لاعب وهو المفضل لها في الفريق وهو النجم رقم واحد ومن تصوت له طوال المباريات ، شاهدت عالم تحب نادي وتعشقه وتفضله حتى على منتخب بلادها ، شاهدت جماهير تعشق بطولة معينة تتمناها وتفضلها على أي شيء ثاني .. لكن لأول مرة اشاهد جماهير تعشق رئيس ناديها اكثر من اي بطولة واكثر من أي لاعب واكثر من الهلال حتى نفسه ... فعلا تبقى انت رئيسنا واغلى من أي بطولة ....
بعد كل هذه الضروف .. اقول بالفم المليان الهلال ولد كبيرا ليبقى كبيرا
في آمان الله
بالتوووووووفيق للهلال في جميع المباريات والبطولات القديمة ..
اراقب من بعيد
الوضع الشجري
