[فيصل بن عبد الله]

**

شبيه الريح وش باقي : من الآهات و الخسائر اللي تشبه عقد اللؤلؤ في حال انقطاع خيطه !
شبيه الريح .. ماهو أنت , لا والله ماهو أنت اللي تترك فريقك في أصعب الظروف , زعيمنا يحتاجك
في هذه الظروف أكثر من أي وقت مضى .

إن أردت النصيحة و الشورى فلا تنظر لنا كجماهير فأرائنا تبنى على العاطفه ! , ولا تنظر إلا أعضاء الشرف
فنظراتهم اتكالية , بل أذهب لذاك (العود) شيخ الرياضيين ../ عبدالرحمن بن سعيد , وأطلب مشورته فعندهـ الرأي
الفيصل .



**





شبيه الريح : أبيك بكلمة رأس أبي أعطيك رأيي سواء كنت غلطان ولا على الصح !! [وبتكلم في النقطه هاذي بالعاميه]

شبيه الريح أنت تدفع من حر مالك على لاعبين متخاذلين وأنا أعطيك مثال , أغلب اللاعبين الاجانب خذوا كفايتهم من الشهرة وكفايتهم من المال أيضاً , لكن لو فكرت فيها و جبت لاعب فنان ولكن غير مشهور , صغير في السن - جيبه و عطه فلوس وخله يلعب قدام 70 ألف متفرج و شوف وش بيسوي ؟ .. بيحفر الملعب حفر عشان يرضي الكيان الهلالي .



**



امتنعت عن الكتابة من فترة طويلة جدا بالنسبة لي -ليس لشيء- إنما لأحساسي التام بأن هذه البطولة ليست لنا
وابتدأ احساسي منذ اول مباراة مع ذلك الفريق الأيراني , وانتهى بذلك الحلم الذي تجسد بنفس نتيجة مباراة الإياب
وللمعلومية صدقت أحلامي للمره الثانية ففي مباراة الغرافه في الذهاب حلمت بالاهداف الثلاثة وجات وحلمت بهدف الإياب
وليتني مانمت ذيك الليله



**



بعد المباراة قفلت اخلاقي إلا على مكالمة خويي أبو سعد (نصراوي) قالي اطلع معي و ماهي مكتوبه لكم وش نقول
قلت أمر الله وصار , رحنا لمطعم ماك و يوم بنوقف السيارة وقف واحد جنب قزازة أبو سعد وبكل بجاحة عطاهـ النظرة السامجه أم نص عين وقال لها أنت هلالي ؟؟ نقزت له قلت أنا هلالي وش تبي خير إن شاء الله ؟
قال لا أبد بس حبيت أعلمك أنكم خسرتوا قلت وبعدين وش صار يعني قام الرجال يبربر النصر والنصر وحسيت إن
النصر هو اللي مطلعنا مادرا إن فريقه قبل السالفه ذي بحوالي أربع شهور طالع من بطولة ومتسطر وملعون أبو
خيره ,,المهم مالكم في الطويلة عطيته زبدة الحكي وقلت له الوعد الأحد قام و تفلت وقال بالحرف الواحد : نذر علي
لو فاز الهلال على النصر لأذبح ذبيحه <<مدري وش الكرم اللي هل على بنو حالم بس بغيت أثبت كلمة الرجال
وخذيت البن حقه وقالي الوعدة بكره ..




و الوعد بكره يا أبناء الكيان الهلالي عليكم بمساندة الهلال في أقسى ظروفه فمن لا يساند هذا الكيان في أقسى الظروف فلا حاجة لنا به في الرخاء

تحياتي لكم ../ فيصل بن عبدالله