[هوجاس]

صباحكم ورد ..

كما هو معتاد في بداية كل موضوع ممتد لمسلسل التحطيم ..

هارد لك لكل زعيم على وجه المستديرة ..

هارد لك لكل زعيم عشق هذا الكيان .. وخذله لاعبوه ولكن ..

هي ارادة الله ..

وقدر الله وماشاء فعل ..


موضوعي يتمحور على عدة نقاط سأسردها عليكم ..


( المثالية بين الايجاب والسلبية )

سيدي صاحب السمو : هل استفدنا من مثاليتك في حفظ حقوق الزعيم ؟؟

سيدي : هل كانت المثالية سببا في حصولنا على ابسط حقوقنا كجمهور ..

سيدي : هل كانت مثاليتك في ترك جيرتس يسرح ويمرح سببا في خروجنا من حلمنا ؟؟

سيدي : هل مازلت تعتقد ان المثالية في عالم كرة القدم خصوصا في اسيا واتحاد ابن حـ همام مجدية ؟؟ ولااتكلم عن اوروبا لاننا لن نصل لهم ..

سيدي : هل تعتقد ان جيرتس استمر حبا في الزعيم ؟؟ لا والله .. لانه لو كان يعشق الزعيم لما قبل بالتوقيع مع المغرب ..

سيدي : هل تعتقد ان ايريك جيرتس سيمتدح الادارة الهلالية في كل محفل؟؟ وهل هذا هو طموحنا ؟؟

سيدي : ماذا لو اتخذتم القرار المناسب سابقا في رفع شكوى على المدعو جيرتس لمخالفته الانظمة وتوقيعه لعقدين في وقت واحد ؟؟ واستفدتم من الشرط الجزائي بملغ مادي .. ورحلتموه الى حيث يريد ..

سيدي : هل تعتقد ان جيرتس هو ضالة الهلال؟؟؟ او انه الوحيد اللذي سينقذ الهلال ؟؟

سيدي : الهلال هو من يصنع المدربين .. وليس المدربين من يصنعون الهلال ..

سيدي : لو كان لي امنية عندك .. فاريدك ان تعيد النظر في كل ماقلت لك .. وتخبرني هل انا مخطئ فيما قلت ..

سيدي : شكرا لكل ماقدمت .. وسهل الله دربك ..

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

( وقود الزعيم )

نعم انتم وقود الزعيم ..

نعم انتم من يحرك هذا الكيان ..

لدي مثال لكم ؟؟ وسؤال في نفس الوقت ؟؟

هل تعتقدون ان جمهور الحالمي افضل منكم ؟؟؟

فريقهم لم يشم رائحة البطولات من اعوام واجيال ...

وجمهورهم لم يتوقف نبضه ..

وخذو الحكمة من افواه المجانين ..

وقود الزعيم : انتم شعلة الهلال ..

هل تفكيركم محصور في هذه البطولة ؟؟

هل انتهت البطولات ؟؟

بطولة غيرها الف بطولة ..

فقط ارتقوا بتفكيركم ولاتتركوا مساندة الزعيم ..

فهو في امس الحاجة لكم في هذا الوقت دون غيره ..


÷÷÷÷÷÷÷÷÷÷÷÷÷÷÷÷÷÷÷


( الاحد اما هي والا ماعندك احد )

فريقي العزيز ..

هذه اخر فرصة لك لتصحيح اخطائك ..

فإما هي او لا. .

اما ان تلملم جراحك .. وتنهض من جديد ..

والا فمصيرنا صعب ..

اتمنى منكم الاحساس بالمسؤولية ..

ان خلفكم جمهورنا ثائرا يريد من يروضه ويرضيه ..



وكلمة اخيرة اقولها ..


إن كانت العالمية صعبة كما يزعمون ... فالمحلية أصعب ...




موفقين ..

[رايــــق]

والله اتفق معك في كل ماقلت
ازيد عليك بس شي واحد

هل نفعت مثاليتك يابو مساعد مع اللاعبين المتخاذلين في اي مباراه
يابو مساعد لو اللاعبين لقو الشده والحزم ماكان هذا لعبهم مع ايران ابد



صدقني ان ياسر واخوياه قالو ان فزنا زين وان مافزنا ماصاير شيء

تخاذلو فانهزمو فاحترق الجمهور واستقلت انت يابن مساعد
اما هم ماحولك احد

الشده والحزم مع اللاعب وعدم الالتفات لاسم اللاعب هي من راح يوصلنا للعالميه

غيرها مافيه

لاهنت ياراعي الموضوع

[هلاليه زي القمر]

الشي الوحيد اللي ممكن يلام فيه سمو الامير انه يترك المدرب يروح وهو ساكت على حق النادي يعني كل ما اتمناه اننا نشوف المدرب يتعاقب بالايقاف لو ان شاءالله عشر سنين

زي ما ضيع البطوله علينا لاهو اللي راح وتركنا نجيب غيره ممكن يكون الوضع افضل من اللي كان والاهو اللي جلس وتعامل مع المباريات بجديه وحقق طموحنا

اما الرئيس ما قصر سوا كل شي شاف انه بيكون مفيد للهلال وماراح نلاقي رئيس زيه يبي يخدم الهلال اكثر من انه يبي يخدم نفسه واسمه

يعطيك العافيه

[Dr.b]

في عهد الامير عبدالرحمن بن مساعد لم نحقق بطوله ولو واحده امام الاتحاد
كل بطولاتنا قدام الاتفاق والاهلي والشباب

في عهد الامير محمد بن فيصل لم يفز النصر على الهلال في الدوري

الامير عبدالرحمن بن مساعد نعم مجتهد ومحب للكيان الهلالي ولكن لم ينجح كما نجح الامير محمد بن فيصل

[طيار هلالي]

بالعكس انا من اشد المؤيدين للأمير عبدالرحمن وسياسته

والدليل شوفوا كيف الانديه الثانيه صارت تتعاطف مع الهلال طبعا ما عدا الاصفرين الي مستحيل يتعاطفون معانا

وبعدين الفوز على النصر ماهو مقياس وزي ما قال الامير بالعربيه انه لعب مع النصر 12 مباراه فاز الهلال بسته وتعادل بخمسه وخسر وحده

بس الي كلنا نطالب الامير فيه هو حفظ حقوق الهلال

يعني قيريتس لو راح للمغرب بدون لا يتعااقب فهالكلام معناه أنه قدر يضحك علينا

يابوفيصل الرجال لو انه يحترمك زي ما يقول كان ماراح يوقع معهم وبعدها يجيك يقول تراني وقعت وبروح قبل لا ينتهي عقدي معهم بسبع شهور !!

يعني يسويها ويجينا ويحطنا قدام الامر والواقع ويقول انا بجيب لكم الاسيوية وبروح فلا تخافون !!

الهلال مثل ماجاب قيريتس يجيب الي احسن منه والهلال ايام كوزمين قلنا مستحيل يجي المدرب الي بينسينا كوزمين وجا قريتس وبتقريبا نفس الاسماء ونسانا كوزمين يعني معناها ان الفرريق هو البطل وهو الي صنع النجاح مو بس المدرب

عموما أتمنى قيريتس ما يترك النادي بهالطريقه ولازم يتعاقب هو والمغااربه خلهم يعرفون ان لله حق وجعلهم ما يتهنوون فيه واصلا الجمهور الرياضي المغربي ماهم راضين عن تعاقدهم مع قيريتس بسبب الفتره الزمنيه والمبلغ الكبيرر

[راحتي، قرب الزعيم :$]

يعطيك إلعافيه ..
الأمير الشاعر الذكي .. لم ولن يسكت ولن يتخاذل
لكن هل أحببتموه وقتاً و أعترضتو حينما خسرتم !!
هذا أنتم على طوول .. وقت الشدايد تصفطون تطلعون المشاكل وتبروزونها
ووقت الفرح ترفعون بالشخص أكثر من ما اعطى
تفكير لن يفيد أبداً ( لي فات الفوت - ردد يالليل ما أطولك )

[كل أزرق حلو]

أحسنت أخي .. المثالية لا مكان لها في عالم الاحتراف إلا في مثالية الاحتراف نفسه !

[هوجاس]

بارك الله فيكم وشارك لكم مروركم العطر ..

واشكر كل من عقب ..