[مناجي الهلال]

داهية هذا الزمان و ثامن السبع العجايب = من شموخ الكبرياء لحد سكرات المنيّه
يا مضامين الأخوة يا مصافيط الهبايب = يوم غنت لي لحنها بنت نجد البابليه
حي حيّ من حباني بالوفا ما اقفيت تايب = جيت كلي و أنت كلي يا اليمين الحاتميه
يا سمي أسمى سمو المفخره يوم الحرايب = بالسياسه و الفراسه والدها و القابليه
يا ترانيم الحياة اللي يسمونها وهايب = يا تفاصيل المكارم بالحروف الابجديه
يا براءة قلب طفل و يا تجارب عقل شايب = يا سماحة شيخ علمٍ ما اقترف ذنب و خطيه
يا تواضع يا مروءه ما يشوبنّك شوايب =يا تفاني يا عروبه يا نزاهه يا حميه
يا نفس وجه الصباح اللي من الذعذاع ذايب = شوفتك عيد رمضان ..وهرجتك عيد الضحيه
يا سلايل من يسوقه ما يحسّب للعقايب = عنده حياض المنايا مثل شرب الشاذليه
أبوفيصل ..و ابو فيصل راس عطيبين الضرايب = جاب نورٍ ما يقارن غير بالشمس الجليه
أنجبك و الشمس منها لك سمات و لك كسايب = الدفا ..و النور ..و الإشعاع .. و الطلة بهيه
فيك يا عبدالعزيز المدح و الابداع صايب = يكفي اسمك مقترن بالمرجله و العبقريه
إيه أبو تركي حزامي لا حزام أهل العصايب = كل ما يذكر معزي جا على لساني سميه


عبدالعزيز بن فهد لايرضى لصديقه وقريبه عبدالرحمن بن مساعد هذا الحزن او الضيق او الخروج بهذه الطريقة


انتظروا وقفة ابو تركي بلسان الامير عبدالرحمن بن مساعد