[NAIFCO]

بسم الله الرحمن الرحيم
السلام عليكم ورحمة الله وبركاته
اكتب لكم هذه الابيات المهداه الى لاعبي الهلال

لا يازعيم اقول وش صار وش صار
============ من بعد دور الاربعه وش حصلك
وانته بنيت العز في كل الاقطار
============ يبطي سعيد الحظ لا ما وصلك
كورتك كورة فن وشلون تنهار
============ مبدع ولا تنسى سنين مضلك
فنان فالملعب من يمين ويسار
============ كلن على فنك ولعبك وقفلك
خصمك ليا قابلك لا بد يحتار
============ انت الهلال وشامخن في محلك
ياما كسبة امرار وامرار وامرار
============ والانديه ياما ارتخت تحت ظلك
دورك كذا وحده على كل الادوار
============ من يعشق الكوره غصب مايملك
لا تعتذر مانيب قابل للاعذار
============ كم من بطوله سجلة في سجلك
ولا تستمع في كل خاين وبوار
============ اللي على درب العلا مايدلك
واختامها طالبك لا تطفي النار
============ خلك على كسب البطولات خلك


وسلامتكم