[تاز الهلالي 9]

السلام عليكم عليكم ورحمه الله وبركاته

حياكم الله جميعا

اول شيء اقولكم هارد لك على الخروج المرير

ولا هي نهايه الدنيا ولاهي نهايه الكوره واللي مو كاتبها السنه ذي كاتبها لنا موسم اخر باذن الله


طبعا اتوقع امه لا اله الا الله يقولون خلاص ما عاد بنحضر مباريات 70000 ولا فزنا ومن ذا كلام التحطيم



انا اقوووول تكفووون بس مباراه الاحد لا احد يقولنا 3 نقاط لا لا ياجماعه وربي انها اكبر من كذا



مو بس ديربي برضو النصر يبي يرد الخمسه ^^^^ايه هين


وانتو تعرفون ان نص الشعب حاقد على الهلال على طريقه اذا لم تكن معي فانت ضدي


اقووول تكفون لا يدخلون اللاعبين وجمهور النثر اكثر منا

والله يجلسون سنين ماسكينها علينا


طبعا حاقدين ليش حنا اكثر منهم



بخصوص الاعضاء اللي رجونا في موضوع اللاعبين وجيرتس قريت مواضيع كثير في الشبكه ولكن القهر يجيك اخر كلامه اعذروني اثار الصدمه

طيب ياخي لو جلست يوم والا يومين او اسبووع مو لازم تدخل الشبكه وتقوم تسب وتلعن واخر شيء تقول والله اثار الصدمه


يعني مافيها شيء لو جلست اسبوع مانزلت موضوع

ارجو من الاعضاء الهدووووووووووء عند كتابه اي موضوع والصبر واذا الواحد حاس انه هادئ نزل موضوعك

عبدالله الحربي وعصام الشوالي

اقسم بالله يا عصام الشوالي انك استاذ التحطيم من الشوط الاول وهو خلاص الهلال باي باي عشمنا في الترجي ذبحنا بالترجي حقهم

لا احد يقولي ويش تبيه يقول روووح شوف ولد الديره ابو عابد الله يستر عليه يقول ياخي مالك صلاح انا مهزوم بس عطني حقي


سامحنيي ياعصام لكن انا رااح اقاطع تعليقك رغم اني من اشد معجبينك


موضووووع جيرتس /ما احب افتحه كثير خلاص وقع وبيروح والله يسهل له


من الغباء ان نفتح موضوع الاجانب في هذا الوقت خلونا نقفله لحين فتره الانتقالات الشتويه



ابن مساعد / اقسم بالله اكتب ذا الكلام وان الضيقه وانا اخوك بتذبحني لكن دامك قررت الله معاك ياصاحبي


والله ماشفنا منك الا كل خير ولن ننساك والله يوم طلع مع عبدالله العضيبي في الرياضيه واني اطالع فيه اني اقول الله يجعل بكل دقيقه وكل ريال حطيته للهلال يكووووووون في ميزان حسناتك ويوفقك



اخيرا ///من الدقيقه 70 والشعب يرسلي نكت على الهلال ورديت عليهم باللي كتبه الله

منها نصراوي يسالونه ويش انجازاتكم لموسم 2010


قال خروج الهلال من الاسيويه ..............الله يشفيكم


تحياتي