[زعيم دوم]

السلام عليكم ورحمة الله وبركاته

اول شي هاردلك الهزيمه والخروج المرير
بس مانقول الا قدر الله وماشاء فعل كل شي وقف بوجهنا حض واتحاد روماني وتحكيم فاشل
والاهم من كل هذا استقالة شبيه الريح والله هذي اعتبرها اقوى الخساير
وعندي احساس كبير انه راح يرجع لان كلنا ثقه بأعضاء شرف الهلال بثنيه عن الاستقاله لانه هو كفو من يرئس نادي القرن
ندخل بالموضوع
الهلال يلعب من بعد اعتزال سامي بدون كابتن مع احترامي للدعيع وهوساي ياسر مسك الكبتنيه بس ماطول فيها وقبله الدعيع كان يعني بالعربي
الكبتنيه يبيلها واحد حماسي ويصارخ على الاعبين ويوجهم ويبث في نفوسهم الحماس وينظم الفريق
ومثل مانتم شايفين بالاول كان الدعيع يعني الدعيع اذا رفع صوته ماحد يسمعه الا الدفاع
والحارس مو لازم يحتاج كابتنيه علشان يوجه الدفاع كل حراس العالم يوجهون الدفاع بدون كابتنيه
واذا كان نقاش مع الحكم عند خط الدفاع الثاني ماراح يتناقش مع الحكم وبكذا يتناقشون معاه الاعبين الثانين ويتحصلون على كروت
وهوساي نفس الحكايه اكثر وقته بالدفاع وان رفع صوته ماراح يسمعه الا الوسط ومن غير كذا مانشوفه يوجه الوسط كثير
يعني مافيه الا ياسر او رادوي وان كنت افضل رادوي لانه حماسي وروحه بالفريق اعلى روح من الاعبين الثانين يعني رادوي يتسحق الكابتنيه
ادري بيجي واحد يقول رادوي مايعرف اللغه العربيه ومايقدر يتفاهم مع الحكام بس الاهم من هذا رادوي يفهم لغة التكتيك بالملعب والتوجيه وبث الحماس في نفوس الاعبين
والله انا ماقول الكلام هذا لان هوساوي اخطأ لا والله كنت افكر من زمان بهذا الموضوع
واشوفه كل شوي نحتاج كابتن بس مانحصله بالملعب ترى الكابتن مو بس انه يحطها بيده وخلاص
وبعدين ترى لغة الاشاره واضحه بالملعب يعني لو كان رادوي كابتن راح يتفاهم مع المدرب بالراحه بلغة الاشاره اول يتفاهم معه اي لاعب مع ان اكثر مبارياتنا بحكام اجانب
والا مو بس اكبر عمر والا على الاقدم بالفريق ياخذها نبي كابتن بالفريق يوجه ويحمس الاعبين ويث بروحهم الثقه بالملعب

نبي قاااااااااااااااااااااائد بمنعا الكلمه مانبي بس تنحط على اليد وبس

اتمنا اني وفقت بما قلت
إن اصبت فمن الله وان أخطأت فمن نفسي والشيطان
تحيتي لجماهير نادي القرن