طبعا ما ننكر الجيل الذهبي اللي حقق البطولات الاسيوية . ولكن في نفس الوقت لا نخفي الحقائق وان نفس الجيل ايضا خرج من بطولات اسيوية خلال مسيرته نعم حقق بطولات ولكن في نفس الوقت مرت على اللاعبين ضروف وخرجوا من بطولات خارجيه وايضا محليه وخسروا مباريات سهلة و ايضا هناك لاعبين كبار في تلك الفترة احرجوا الفريق والجماهير في مباريات من خلال ( الطرد) او ضياع الفرص . ولم نكن في تلك الفتره نقسو عليهم او نقلل من اخلاصهم للهلال .
علينا الآن مثل ما وقفنا مع الثنيان وسامي والتمياط والتيماوي وابو اثنين والجمعان وغيرهم من النجوم ان نقف ايضا مع نجوم الهلال ومن يحمل شعار الفريق .
طيب الحين المباراة إنتهـت واللي صار صار !!
وش الحل بنظرك ؟!
نبكي على اللبن المسكوب زي مايقولون ؟!
ولاّ نفكر بالجاي وبالمستقبل ؟!
أتفق معـك ان اللعيبة " خذلونا " وأحرقوا قلوبنـا بيوم الاربعاء المشؤوم ..
بس خلاص لازم نفكر قدام شوية ، قدامنا مباراة ديربي لو سمح الله خسرناها بينقلب النادي فوق تحت !
والاوضاع بتصير صعـبة جداً على الإدارة واللعيبة وبيصير ( موسم كارثي ) بالنسبة لنا
وماأستبعد نشوف ’ نتااايج كوارثيـة ‘ ، صحصحوا ياعالم !
لانكرر غلطـة الإتحاد ، ونبكي قدام عشر سنوات من حر نتيجـة ساحقـة !
ومين مين ؟ من الجـار والعدو اللدود لنا !!
يا رجال لاعبينا وخاصة ياسر يوم كان بدون اسم كنت تشوفه يركض ورا الكورة ويضغط حتى على الدفاع يخش عليه لين يقطعها والحين ياسر يركض ورا اخر موضه نظارات عشان يلبسها ويصور بالمنتدى الخاص حقه او الهلال ويحطها بالبوم صوره بالمنتدى الخاص وتكبر على الكورة ويبيها تنقطع من غيره ويصنعها غيره له وهو بس يسجل والله انها تعد بالاصابع في مباريات كثيره بالفترة الحالية اللي ياسسر يركض من غير كورة او يصنع لنفسه مكان شاغر او فرصة واللاعب اللي ما يصنع لنفسه الفرضة وخاصة بالهجوم مو لاعب....... بصراحة الى متى عذر ياسر او جمهوره انه الدفاع ممسكينه؟؟؟ نتقبلها مبراه او مباراتين بس مواسم الحين تمر وهو ممسك معقوله تضيع هجمات وتموت قبل تبدا الهجمه لانه مستسلم للدفاع ولا يتحرك لانه بيقول بعد المباراه والله الدفاع ممسكني!!!! هذا حل ومريييح نفسه وفيه جمهور بيقول عنه بعد المباراه انه ما قصر ولا بمباراه ضد القيصلي يجيب ثلاث اهداف ويجي يكشخ علينا هنا بأربعين صورة للهدف الواحد.... اذا ما تلعب قدام لاعبين ايرنيين او كوريين او الاتحاد وتصنع لنفسك وتصير خطير وانت عليك رقابة ولا تراك منتب نجم ... واذا منتب قدها ياخي قل للإدارة تجيب مهاجم معاك اجنبي وخلصنا ....
اااااةةةةةةةةةةةةةةةةةة يا قهري
لا عبين تشبعو بالملايين طبيعي يكووون التخاذل
وينك يبو يعقووووب وينك ياسااااااااامي
ومعا هذا احبك يا هلال والوعد يوم الاحد
وفيـه اللـي يقـول واتفـق معـاه ان اللعيبـه هـن السـبب ,
طبعا هم السبب !!
اكيد المباراة قوية .. واكيد كانوا مضغوطين نفسيا ...
لكن ولا واحد منهم قدم شي بسيط يشفع له ...
أدائهم ولا اداء لعيبة حواري في حصة تمرينيه قبل اللقاء ...
تمنيت اشوف واحد منهم تزيد حماسته مع تقدم الوقت وتأخر النتيجه ...
تمنيت واحد منهم (ينبرش ) ويخربها .. واشفع له و اقول : يحب الهلال ومو هاين عليه
تمنيت واحد منهم الاقيه في غير مركزة واقول ذابحه برود البقيه ويبي يسوي شي !!
كل ماتجي الكاميرا على وجه واحد فيهم .. تشوف انواع البرود واللامبالاة ... كل واحد ينتظر الكورة تجيه الين عنده !!
تتمنى في هاللحظة انك تكون مكانه وتنفيه من الوجود !
ولا واحد فيهم .. رفع راسه وشاف ابن مساعد والنار اللي جالس عليها ... وتذكر كل اللي قدمه لهم .. وقال لعيون شبيه الريح !!
بلاش بن مساعد ..
مافي احد لف راسه (360 درجه ) وشاف انه ولا مقعد فاضي وحس بقيمة وجماهيريه الشعار اللي وضع على صدره ..
واكتشف انه بهالموقف مو اهل لهالشعار!!
برود ... اجساد خاوية بلا روح ...
ياليت ابن مساعد يظل في الرئاسه ليحقق وعده الاخير .. ( والوحيد ) الذي لم يحققه !!
اللاعب الذي لا يقدر الشعار مكانه الدكه ... اللاعب اللي تمادى في تعاليه على الشعار مكانه المدرج ( عشان ) يتفرج !
ياليت تكون خطوته الاخيره اذا عزم بالرحيل ... رح تكون فترة رئاسة ذهبيه ( من حيث الادارة ) !
فرق كبييييييييييييييييييييييييييييييييير .. والله كبير !!
حتى على صعيد اللعيبه الاجانب باستثناء قلب الهلال (رادوي) !!
وش نقول ... نقدم لهم دروس في الحماسه وحب التضحيه واحياء الروح المعدومه عندهم !!
طيب بلاش هالدروس لأن نتايجها فطريه وماتحتاج تعليم
نعلمهم ان القرش اللي ياخذونه حرام اذا ماحللوه ...
نعلمهم ان لا يوسف ولا سامي ولا ابو اثنين ولا الدايل ولا غيرهم ... حصل على نصف الدعم المادي لأحدهم !!
والله هم المفروض يدفعون للنادي امتنانا للبسهم شعار أكبر منهم وليس العكس !
كأننا نكافئهم على انتساب اجسادهم الخاوية لمكانة هم لا يستحقونها .. ويبدو لي انهم غير مدركي ذلك !!
يعني بالمختصر يبي لهم فركة اذن ... وقووووويييييييه بعد ...
نعم وجود لاعبين لا ينتمون للهلال ولم يصنعهم الهلال لن تجد منهم حماس او قتاليه ابطولات
لان همهم الوحيد جمع المال وعدم الاصابة ويعلمون بعدم وجود العقاب
يعني الهلال فريق تم تجميعه من القادسية والوحدة والانصار والحزم وغيرها فكيف يأتي الحماس
وكيف تأتي البطولات
ابي اعرف وش الفايده من موضوعك غير زيادة تشنج بجمهور مايعرف غير الفوز فقط والا بذبحك من الوريد للوريد، ماخليتوا احد بحاله وذليتونا بالجيل الماضي، جيل انتهى بترجعه بموضوعك جيل وراح يعني ماكانوا يغلطون، لاحول ولاقوة الا بالله ، اذا بنتم على هالحال والله ماراح نشوف نجم بالفريق من نقدكم الجارح، خلوا اللاعبين بحالهم والله لو الهلال متأهل كان شفنا عجب العجاب وخذ قصايد مدح وانهم افضل من اي جيل وياويلك لو تغلط كل الي نبيه شوي من المنطق شوي من الانصاف
الموضوع هنا على مواسم فيها لاعبي ومنهم ياسر مو بمستواهم!!!! ياسر له كم عن مستواه واللي بيرد علي بمباراه الفيصلي سجل 3 اهداف اقول فكنا ورادوي هو من فتح الباب للباقين وخلاهم يتقدمون ولا قبلها مستسلم للرقابة. وقدام الغرافة بالرياض ينفرد بالباب ويلحقه المدافع يعني معقوله البطئ هذا وفوق هذا يشوتها ولا شوتت لاعب حواري. وله موسمين وحنا صابرين عليه واخرتها بما انه فيه ناس تدافع عنه بالجملة الشهيرة (ياخي ياسر ثنين مسنترين عنده) يعني شلون نرضى بمستواه هذا؟؟؟ يا انه يبدا يتحرك ويفتح لنفسه اماكن شاغرة او انه يتحرك يصنع لنفسه فرصة... أما انه يجلس يتفرج على اللي يتحرقون ورا امثال رادوي يبي يصنع هدف وهو واقف واخر المباراه يصفق للجمهور ويطلع يقولي ممسكيني عشرة مو منطق .... كل الموسم ممسك اعتزل وريح العالم واجلس انت ونظاراتك صور لين تقول بس برى الملعب وحطها بكل المنتديات.... شكرا لعقلاء الهلال وجمهور الهلال بس... وانا مع مقوله سجل لي بالملعب وسو اللي تبي اما انه تمطرس بحاسبك على كل ثانية انت بالنادي مهما كنت يا نجم النجوم
............
الوضع العادي
