21/10/2010, 11:25 PM
|
| زعيــم مميــز | | تاريخ التسجيل: 31/03/2008 المكان: الرياض
مشاركات: 1,788
| |
|
فضفتي ( شبيه الريح + قصتي في الملعب امس )
السلام عليكم ورحمة الله وبركاته
اما بعد
الحمدلله حبيت اطرح عدة نقاط في خاطري اقولها
يعني وتعتبر وجهة نظر وحبيت اجمعها في موضوع
واحد
* مباراة البارحة /
صراحة مستوى سيئ لأبعد درجة لايوجد الى رادوي فقط لعب ميت حسبت اني بتدريبات صراحة مادري يلعبون نصف نهائي كأس آسيا ولا يلعبون مع نجران ولا الاتفاق لو لاعبنين يلعبون من قلب كان حرثوا الأرض
* جمهور الهلال امس /
اثبتنا امس من هم جمهور الهلال ومن هو النادي الأكثر شعبية صراحة جمهور كبير حضر وامس انا توجهت للملعب قبل العشاء بربع ساعة تقريباً
يعني مادري دخلت قال واحد تشتري تذاكر قلت بكم قال 30 يعني يكسب عشرة عشان مسك سرة مادري ليه ومشيت متجه للشباك قالي واحد ب25 يعني ليه مادري والله مسكت سرى وكان يعني قدامي حوالي 8 ولا 9 مشاء الله على طول السرة مشه المهم ناظرت البوابة زحمة جلست شوي الى اشوف نقصوا بشكل ماتتصورون واشوف الشعب يركض ياولد وش فيه خذيت التذاكر واتجهت للبوابة قالي سكروا البوابة ليه ياولد مافي امل  قال رح البوابة الثانية مفتوحة حطيت رجلي طيران الى البوابة الثانية لقيت مجموعة كثيرة يعني حوالي من 30 الى 50 واحد قالوا لا ممنوع الدخول ياولد ياشباب وشو الحل بعدين قالوا يالله خشوا دخلنا
قلت الحمدلله وانا قايل لخويي احجزلي مقعد لأن كان عندي شغل المغرب وقلت اذا ماجيت المغرب ماني بجاي خل احد يقعد فيه المهم جيت قلت اكيد راح المحل ورحت ورى المرمى يقاله بيلقا محل ياولد اناظر فل المفلفل صراحة ياولد ادور مقعد محجوز محجوز ياولد خلني ادق على خويي اتأكد ادق ادق فشل في المكالمة  ظغط على الشبكة وادق ادق عليه اخيرا مسك قلت ها المكان موجود قال ايه قلت عز الطلب  كفو احس الحياة رجعتلي بوابة كم بوابة 46 فوق وطيران لخويي لبه قلبه  دخلت جلست الى جو ناس والدرج حق الملعب جلسوا فيه مالقوا محل ياولد بداية بقى على المباراة تقريبا 10 دقايق كذا وقلت خلني اطلع اجيب موية عطشان من ركض يجيك العسكري قال اذا بتطلع ماتخش قلت لا هونت ياولد عطشان مافي حل بس هذي قصتي البايخة
* الي يتحدثون عن ياسر /
هل تعلم عزيزي منتقد ياسر بإن ياسر ويلعب بإبرة مخدرة في موضع الإصابة حتى لو الخبر غير صحيح ياخواني حتى راجع من إصابة وانت تنتقد ياسر حسب كلام الآخرين يعني ( مع الخير ياشقراء ) اسمحولي وشو بيد ياسر يمسك الكورة بيده ويحطها المرمى ياخواني الدفاع مسكر كم واحد في منطقة الدفاع يعني لو جت كورة لياسر اما المرمى وحاول يسحب ويستعرض تعال تكلم ولاكن الكورة لم تصله
ثلاث صور تغني عن الموضوع
 
* جريتس
جريتس مستويات الهلال مختلفة عن الموسم الماضي و3 هزائم ورى بعض اتوقع الموسم هذا تفكيره منصب للمغرب وللهلال واجزم ان الأكثر الهلال ولاكن عزيزي المشجع تخيل انت الآن في بلدة ومستقر فيها وبتنقل الى بلدة ثانية وفريق امانة مانك مفكر وين بسكن ووين بتواجد وشو الاعبين الي بختارهم اكيد البعض بيخالف ويقول وشو دراك قبل شهر مادري شهرين غادر جريتس للمغرب يعني غادر راح يستمتع في المباراة لا ياناس لاتوجد نار بدون دخان بس كلمة وفاة ( لن ننساك ياجريتس فأنت اعد الهلال الهجومي )
* استقالة شبيه الريح /
شبيه الريح جمهور الهلال يطلب البقاء معه الى اخر الموسم شبيه الريح اكيد الكيان الهلالي لم يقف على رجل ولاكن الاستقرار الاداري صراحة ياشبيه لن ننساك وماذا قدمت للهلال من لاعبين ومدربين واحترافية في الشغل ولاكن امس تقول اتحمل مسؤولية الخسارة لا ياشبيه الريح ليست تتحملها يتحملها الجهاز الفني والاعبين انت قدمت الي عليك ( اتمنى تستمر في رئاسة الهلال )
وفي الأخير اتمنى ان اكون وفقت في الموضوع وكان ممتع
تحياتي  |
الوضع العادي
