[البيرق]

اولا الحمد لله على قضاءة وقدرة وانتهت المباراة بخيرها وشرها ..
ويبقى الزعيم زعيم رغم انف الحساد

صديقنا عبدالرحمن بن مساعد هذي رساله لك من زعماء حضروا امس كعاتهم ولبوا لك ولناديهم من كل ارجاء الارض كان همهم كهمك وطلبك كطلبهم قلوبهم كقلبك على الزعيم يساندون بكل جوارحهم كما فعلت ...
صديقنا عبدالرحمن خسرنا كما خسرت وزعلنا مثل ما زعلت .. عبدالرحمن ياخي بطوله وراحت ولاهي اول بطوله تروح مباراة وخسرناها ولاهي اول مباراة لكن كذا تجازينا بعد ما حضرنا كذا تسوي فينا ... ابوفيصل مانبي بطولة ولا نبي نفوز ولا نبي جيرتس نبيك انت انت وبس .. ابو فيصل اكاد اجزم ان بعض الزعماء ما حضروا الا عشانك وماجو للملعب ومعهم اطفالهم الا لخاطرك .. تدري ليش عشانك تستاهل من يلبي لك ..

ياحبيبنا ضربتين بالراس توجع حنا جمهور الزعيم مانستاهل تسوي فينى كذا .. واذا عشانك مستحي مننا عشان حضرنا وتبي تستقيل ياخي ما نحضر ابد بس اجلس ولاتروح وحنا مانجي للملعب ..

تصدق اننا كلنا فخر بزعيمنا وزاد فخرنا بعد ماجيت وصرت كبير الزعماء.. تعودنا على اسلوبك تعودنا على اخلاقك تعودنا على حبك ..

واقسم بجلال الله ان اكثر الزعماء مدينين لك بسمو اخلاقك الي جالسين نتعلمها كل ماتكلمت فلا تحرمنا منها عشان كذا حنا شارينك واقسم برب الكعبه لآتبرع لوجه الله على مقدر واحتسبها لك ولوالديك ان جلست تعلمنا ماتعلمت منهم ..
اخيرا ياصديقنا ابو فيصل مواطي رجليك تسوى عندنا البطوله الاسيوية وغيرها