[يكفي]

بسم الله الرحمن الرحيم

صبـآآحكم زعآآمة السعودية والشرق الآوسط وآسيآآ
ومسآآآئكم مسرآآت في قآدم الآيآم
...

الموضوع تركت فيه التنسيق على جنب وحبيت يكون بعفوية ..

* نادي القرن في اوروبا لم يحصل على ابطال اوروبا من عام 2002 .. ونادي القرن في آسيآ لم يحصل على ابطال اسيا من 2002 .. فهذآ شئ يحصل في كبار أندية العالم ..

* بخصوص اللي يمن علينآ بحضورهـ .. انا غبت عن اختبار في البترول ومسكت خط من بدري وجلست ورا المرمى وخسرت .. ولا زلت متفائل .. صحيح حزنت بس متفائل ..

* أشكر الجمهور اللي حضر .. بيض الله وجيهكم .. حضوركم له فوائد مستقبلية خاصة على نفوس اللعيبة ..

* عبدالرحمن بن مساعد .. بيض الله وجهك .. ودنا انك تتراجع عن قرارك .. ولكن على اي حال .. انت جعلت الهلال نادي سعودي من طراز اوروبي .. وراح تسهل المهمة على من يمسك النادي من بعدك ..

* قيرتس .. قمت تخورها في النهاية .. بس لعلمك .. منت اول ولا آخر مدرب في الهلال .. مثل ما نسيتنا كوزمين .. بيجي من ينسينآ انت

* سامي الجابر .. ما اتوقع بتترك الهلال لأنه مع الأسف في دمك ..

* اتركوا المتشمتين يتشمتون .. لأنه ما تحصل لهم الا قليل .. فهذه فرصتهم ..

* بخصوص المتشائمين .. الهلال يمرض ولا يموت .. تبغا نادي تفرح معه دايم .. افلقني ان لقيت ..

* من شاف مصيبة الجآر .. اقصد مصيبة غيره تهون مصيبته

* بخصوص المتفائلين .. أحيكم والله .. لأن الهلال في تحسن مستمر .. ودام انه صآر منافس على الآسيوية .. فيه مرة من المرات بيآخذهآ .. اهم شئ دخلنآ المنافسة

* أكل العنب حبة حبة .. في البداية كنا ندخل الآسيوية بالموت .. ونخرج من الآدوآر الأولى .. بعدهآ صرنآ نوصل دور 16 ونخرج من ام صلال .. بعدهآ صرنآ نوصل نصف النهائي وخرجنا من فريق اخرج البطل ووصيفه الموسم الماضي .. أتوقع الموسم الجاي النهائي .. .. والبطولة

* الهلال لديه رجالات وراه يشتغلون ومآ ينخاف على الهلال .. فكونوا متفائلين الله يرحم والديكم ..

* بدلا من البكاء .. لنضع خطط التعديل للموسم القادم .. فلا ينفع البكاء على اللبن المسكوب

* تذكروا قول الله جل وعلا (( ان الله لا يضيع اجر من احسن عملا )) .. اجتهدنا وتحسنآ .. والقادم أحلى

* أتوقع فوزنا على الغرافة .. لم يكن درس .. بل كان مخدرا .. جعل الفريق يشعرون بأنهم لا يقهرون ..

* الدرس الكبير كان في الخروج من الآسيوية ..

* اتمنى يحتكون اللاعب برادوي كثير يقولون انه راعي فلة .. والصاحب ساحب .. لعله يرد الروح الحماسية لهم ..

* جمهور الهلال العاشق لكيانه .. المباراة القادمة مع النصر .. طالعوا جماهير اوروبا .. ينهزم الفريق ويحضرون اكثر في المباراة اللي بعدهآ

* اخواني جمهور الزعيم .. بدل من ان نحزن ونسدل الستار على ما مضى لنبحث عن الحلول .. فمهر الآسيوية غآلي ..

* في الزمن الغآبر .. كان اللاعبون الهواة يلعبون من قلب .. وفي زمن الاحتراف .. المحترفون يلعبون بلا روح .. بس دامكم تبونها احتراف .. لا تضمن محلك انت وياه يامن تلعبون بلا روح ..

* لاحد يطب علي يقول يجب خلخلة الفريق .. الفريق على ما يرام .. بس يجب عليه كم اضافة تزيده حلة وجمال

* من وجهي نظري المتواضعة .. لو تكون الخطة بالطريقة هذه يكون احسن ..
العتيبي

الزوري المرشدي هوساوي (( ظهير سعودي ))

عزيز رادوي

الشلهوب نيفيز

(( محترف )) (( محترف ))

-- يصير عندنا البديل المناسب في الهجوم والوسط اذا جابوا واحد سعودي .. مو يخلون المحترف في الاحتياط ..

-----------------

هذآ اللي عندي وان شآء آلله مآ آكون آطلت عليكم .. بس حبيت نطلع من جو التشاؤم للتفاؤل ..