[بهنس]

السلام عليكم ورحمة الله وبركاته

اول شي قدر الله وما شاء فعل فقدنا بطوله غاليه علينا كان ودنا من اسنين ناخذه لكن الله ما كتب الشي اللي حنا نبيه وماهي اخر بطوله ولا اول بطوله فقدناها لكن اللي ودي اقول ليه كل رئيس عربي كل ما فقد شي قدم استقالته
وهو ناجح من الاساس لو نشوف السنه اللي فاتت كان الهلال هو المسيطر علي البطولات ويلعب علي النهايات كلها هذا ماهو ناجح من الرئيس والادراه خسرنا بطولة اسياء وقدم استقالته الامير عبدالرحمن بن مساعد علي شان بطوله خسرها
اللي ودي اوصله من الحديث انا اتمني ان الامير عبدالرحمن بن مساعد ما يستقيل علي شان بطوله ماهو اخر الطريق قدامنا البطوله الجايه من اسياء وما ودنا ان الهلال يدخل في مشاكل من استقالة الامير واتمني انه يرجع عن قراره.
صحيح ان الهلال امس ما قدم مستوى يذكر في المباراه ولا شفنا اي هجمه تكون خطره علي الفريق الايراني
وما في يده اي شي الامير علي شان يغير في النتيجه هو ما قصر وسوى اللي يقدر عليه من المكافات وتسليمه لرواتب الاعبين المتبقيه والباقي في الملعب لكن بصراحه الهلال ما قدام شي في المباراه امس ليه يكون الوم علي الرئيس رغم انه ما قصر في اي شي في الهلال وقدم لنا بطولات في السنه الماضيه وهذا ماهو فشل منه بالعكس كل انسان يخسر ويربح وماهو اخر الطريق عندنا ان شاء الله في بطوله جايه من اسياء ونقدر نعوض فيها .
والحين نفكر في البطوله المحليه وننسي اللي راح من الهلال هذي بقدرة الله لو الله كاتب ان الهلال ياخذها كان امس فزنا وقدر الله وماشاء فعل واتمني من الجمهور انه يكون واعي باللي فعله الامير عبدالرحمن بن مساعد ولا ننسي انه ما قصر معنا وقدم للهلال اغلا البطولات وبصراحه انا اتمني انه ما يستقيل ويتراجع من قراره وهذي امنية كل هلالي .