[مجنونة القحطاني]

اول شي اقول الحمدلله عالخروج من نصف النهائي وبخساره بسيطه
ثاني شي الكل ليش زعلان؟؟؟عادي هذا حالنا من عشر سنوات كل مرة نقول هالسنه ياهلال اسيا تبيك والسنه اللي بعدها
الف الف الف شكر لكل الجماهير اللي حضرت
ثاني شي هذي خساره متوقعه لان اخر مباراه حضرت فيها الروح الهلاليه والاصرار والعزيمه وحضر تكتيك المدرب هي مباراه الغرافه 3_0 ومن مباراه الغرافه ال4_2 وكنت متاكده ان الهلال لن يصل للنهائي لان الهلال انتهت الروح من اللاعبين حتى مباراه الدوري مع الاتفاق الهدف اللي بالحظ اللي دخل وبعده ماشفنا ولاشي يذكر
في مباراه اليوم المفروض نيفيز+ياسر+رادوي مايكونو اساسيين لان الاثنين غير جاهزين وجايين من اصابه ورادوي له 3 مباريات او 4 ماشارك مع الهلال يعني لاعبين مو جاهزين كيف تلعبهم في مباراه مصيريه زي هذي؟؟ المفروض الغنام بدل رادوي عيسى والجيزاني في الهجوم الدوسري بدل نيفيز العابد بدل الفريدي
اذا استمر الحال على ماهو عليه رح تكون فرصه للاتحاد والانديه الاخرى للبطولات
وتاجيل المباريات ابدا ماكان في صالحنا
الغرافه لعب معانا في الرياض وفزنا عليه لانه مالعب ولامباراه في الدوري يعني اول مباراه له في الموسم بعكس الهلال
لكن لما الغرافه لعب في الدوري مباراه والهلال مالعب الغرافه كان الاقرب للتاهل
والفريق الايراني لعب مباراه في الدوري لهم قبل مباراه الذهاب والاياب بعكس الهلال المرتاح
انا قبل كذا تكلمت في موضوع وقلت ان لازم بعض اللاعبين يكونو كبدلاء لاااااااازم
حتى نقدر نبني فريق ياسر الى الان مارجع ولاربع مستواه اسهل الفرص يضيعها ونيفيز واغلب اللاعبين
الجمعان في اعتقادي صفقه فاشله لانه لما لعب في ايران كم دقيقه مافعل ولاشي عكس الجيزاني اللي يملك مهارات وهداف
الحل هوا موسى الشمري افضل حل حتى لو ناخذه على سبيل الاعاره
وشباب الهلال . ليش الهلال من بين الانديه الى الان ماصعد لاعبين بعكس الاتحاد والشباب والنصر والاهلي وغيرهم من الانديه
يجب التعاقد مع موسى الشمري والتعاقد مع مدرب محترم وقدير وعالمي
جريتس لو احترم الهلال ماكان وقع العقد مع المغرب وهو مرتبط مع الهلال
الاهم هو التفكير في البطولات المحليه
مباراتنا القادمه مع النصر العام الماضي الاتحاد خسر النهائي من الفريق الكوري ومباشره كانت اول مباراه له مع الهلال
الان الدور عالهلال اول مباراه له بعد خساره اسيا هو النصر والنصر غير عن الاعوام السابقه عشان نقول سهل الفوز عليه
لازم الحضور الجماهيري عشان يكون حافز ومعنوي للاعبين لو انهزمنا بهذي المباراه يعني الدوري راح لحد يجي ويقول لسه بدري
من وقت ماهزمنا الاتحاد 5 والدوري شبه محسوم لنا كان
وفتره الانتقالات الشتويه لازم نجيب لاعبين محليين مثل موسى الشمري ومدافعين
اسامه لم بعد اسامه اللي اول ماجاه للهلال سبب الهدف اليوم يتحمله اسامه وكم مباراه قبلها يتحملها اسامه
عبدالرحمن القحطاني طلب الهلال ولكنه راح لغيرنا وفيه لاعبين لازم مايروحو علينا اعاره الفريدي للاهلي وبداله تيسير الجاسم مثلا او محمد السفري
ياسر+الفريدي+اسامه+نيفيز مكانهم الاحتياط
الدوسري المظلوم+الشلهوب+عيسى+العابد لازم يكونو اساسيين
عالعموم حتى لايكون مصيرنا مثل الاتحاد الموسم الماضي لازم ننسى اسيا ننساها نهائي وتفكيرنا ينصب في البطولات المحليه ودعم الجمهور اهم شي الاتحاد العام الماضي مابدا يرجع لمستواه غير مع وقفه الجمهور واعضاء الشرف وباذن الله اعضاء الشرف مو مقصرين بس الاهم دعمكم ياجمهور امام النصر يكفي شماته