السلام عليكم ورحمة الله..
قلما ادخل الشبكه وقلما اكتب مواضيع بسبب ظروفي الدراسيه ..ولكن قلبي دائما مع الزعيم ..
فــ كلــلي أمل بأن يرفع الموضوع .. وقد لايرفع بسبب كثرة المواضيع في ذلك الوقت ..
ولا ملامه على المشرفين الله يعطيهم العافيه..ولكن اريد ان اوصل رأيي.. واريدكم ان تشاركوني بإرائكم..
عدم تقبل أرائنا ونقدنا لما حدث اليوم من البعض.. يعتبر قمع لنا
ولمشاعرنا العاشقه والغيوره على الكيان الأزرق..
هل نحن مطلوب منا التشجيع ..فقط ؟؟؟؟؟؟؟؟!!!!!!!!!!
نحن الفريق والفريق دوننا لايعني شيء وسيكون مثله مثل اي فريق بالقاع!!!!
لذلك بعد ان ملئنا الدره وغصت بنا ولفظت بعضنا للخارج..
وبعد ان اتى الحشود العاشقه من كل مدينه...
وبعد ان
((مات)) الكثير وهو في طريقه لمساندة تلك الأشياء المتحركه في أرضية الملعب!!!!!
وبعد ان احضر رئيسنا اجانب بالملايين وضغط على نفسه اقتصاديا ونفسيا وصحيا
ليوفر لهم مايريدون ..فقط ليحققوا تلك البطولة التي يطلق عليها البعض بأنها مجرد مباراة وخسرناها...!!!!!!!!!!!!!!!!!!!!!!!!
ويقول البعض نجيب الجايه!!!!!!!!!!!!!!!!!!!
طيب ياحلوين..
بعد ان تم احضار هؤلاء الأجانب اللي
((((كـــانوا)))) قمة والجميع راهن عليهم
وبالفعل ظهروا ولكن سرعان ما اختفوا في الوقت الأساسي الذي احضرناهم ليكونوا
فيه ولكن للأسف خذلونا خذلونا خذلونا واولاً خذلوه
أكررها للمره المليون لم يحزنني سوى ذلك الرجل الذي بذل وبذل .. وفي النهاية خُذل..!!!!!!!!
ومن ثم الجمهور الذي كما أسلفت فعلوا كل مايستطيعون فعله..حيث ان غالبيتهم
قد حضروا للمدرجات قبل المباراة بـ4 و5 ساعات !!!!!!!!!!!!!!!
وفي النهايه ارى تلك الأشياء التي تتحرك في الملعب ولا استطيع ان
احدد لها مسمى فأنا أعجز عن ذلك..!!!
حضر الجمهور الغفير..
وبذل الرجل الأمير..
ولم ينتج من هذا كله سوى عدم الإحترام والإستهتار والخروج المرير..!!
اريد ان اوجه رسالتين..احدهما للجمهور الذي يقول((ياما فرحونا))!!!!!!
واقول له: اذا كان لك صديق يفعل لك ماتشاء بمواقفه النبيله وصداقته الرائعة وفجأة
بدون سابق إنذار خانك في أمر ما أي انه باعك ولم تعد تهمه.. مع انك كنت تقابله بالمثل بل واكثر..
هل ستتركه أم ستقول لا فقد( كان)اعز صديق؟؟؟
بالطبع ستتركه ودون تفكير لأنه اساساً باعك ولم تعد تهمه..
هؤلاء هم لاعبين الهلال ..هم هكذا بالفعل خانوا الأمير وخانوا الجمهور اللي ماعندهم إلاّ يطالبون بحضوره.. ووعدوا انهم يبذلون قصارى جهدهم..
وشفناهم امس..
هل اوفوا بوعودهم؟؟؟؟؟
لا بل خانوها ..واشد خيانه..
قد
((كانوا))شيء ثم
((أصبحوا))شيء.. فلم يحترموا وجودكم
في المدرجات وانتم تحترقون..هذا غير حرقة الدوحه بملعب الغرافه ..مازلت اتذكرها بمرارة...!!!
وبالمناسبه هم لا يلعبون بالمجان ..
بل بالملايييييييييييييييين ..
((الله يذكر ايامكم بالخير ياسامي،يوسف،سعدمبارك،الدايل،النعيمه،نواف،
ابواثنين،التيماوي.....))ناس كانت تحترق عشان الشعار مو عشان ملايين ولا شهره ولا غيره...
الرساله الثانيه للجمهور الذي يطالب(( ببقاء الرئيس))..
لاتصيرون أنانيين ..الرئيس سوى اللي ماسواه غيره ولا فيه احد بيسويه وسوف تذكرون هذا دائماً..
ضحى بصحته وماله ووقته وعائلته عشان ايش..؟
عشان الهلال وعشان يجيب مدرب وأجانب على مستوىو يرضي جمهوره وعشان
نجيب آسيا وهذا كله ماتحقق له..
ليش تبغونه يبقى؟؟؟
للمره الثانيه على التوالي يخذلونه..
خلاص الرجال تعب ..والله العظيم تعب..
تبغونه يبقى عشان مين؟؟
تقولون الفريق بيتزعزع.. مايتزعزع يا أخي..
ونفسيته وصحته وفلوسه بقريح يعني..؟؟؟!!!!!
عشان مين وعشان ايش...
أشباه اللاعبين اللي صرف عليهم دم قلبه وعاملهم احسن من معاملة أهاليهم لهم ..وش ردوا عليه..؟؟؟
اليوم شفتم وش ردوا عليه...
قمة الخذلان والعصيان..!!!!!!!!!!
قولوالي بس فيه احد فيهم يستحق الإحترام؟؟؟؟
فيه احد فيهم يستاهل انك تراعي مشاعره؟؟؟؟
فيه واحد فيهم يستحق الملايين اللي يقعد يطالب فيها ويفاوض الإداره عشانها؟؟؟
وهو كل واحد فيهم عارف لو بيطلع من الهلال مو بلاقي إلاّ الضيم ..يابيروح فريق منتهي ..
يابيعتزل ويروح ينضم للبطاله..
ومع ذلك قدروهم اكثر ممايستحقون..
لا أحد يقول عشان هالمباراه ياجمهور((ياما فرحونا))
هذه ليست مجرد مباراة دوريه او خسارة محليه ويسهل تعويضها..
هذي آسيويه صعبه صعبه..مع انكم ياما استسهلتوها.. واولكم سامي الجابر..
مع حبي واحترامي له ..كلما يطلع في لقاء يبين بطريقه او بأخرى ان المباراة في جيبه..!!!!!!!!!!!!!
حسافه بجد ملايينك باابو فيصل .. والله حسافه..
ليتك تبرعت بها لناس تبي علاج وتبي عمليات وتبي تنرد فيها الروح بربع اللي صرفته على هؤلاء..!!!
كان تفيدك دنيا وآخره...
قال ايش ..قال احتراف في السعوديه..
اللهم لك الحمد يارب..الذي لايحمد على مكروه سواك..
أشباه اللاعبين اليوم:
لاننكر انكم قد
(( كنتم)) شيء والآن أصبحتم شيء آخر..!!!!
ولكن لا أقول سوى اني لن أتابع مباراة لكم بعد الآن..
فأنا سأبحث عن مستقبلي وسأحترق لأجله هو فقط ولن اتابع اشياء تتحرك في ارضيه
ملعب كرة قدم ولا اعلم ماهي بالضبط كما سيفعل شبيه الريح..
وانتم استمتعوا بتلك الملايين التي وهبها لكم الرجل الأمير ولا تلتفون لأحد قط ..كما هي
عادتكم اللي بدأتم بها هذا الموسم..
..
الوضع المتطور
