[هلالي غامق جدا]

بسم الله والصلاة والسلام على رسول الله
قدر الله و ما شاء فعل....
اللحين يا شباب النادي محتاجني أنا و أنت و أنت و أنت....
الهلال عشقي و عشقك محتاجنا كلنا...
يا زعماء ليه الإهتمام الزايد ببطولة حنا أكثر فريق حققها...
الأمير عبدالرحمن بن مساعد ما قصر و بيض الله وجهه.. لازم نعطيه حقه من الشكر و الدعاء له..
الهلال واجه صعوبات كثيرة الكل شافها.... إصابات و تحكيم سيء.
الهلال اللحين مدربه بيروح... والله لو ما تكاتفنا اللحين ... هلالنا بيتعب
لازم ندعم اللاعبين من اللحين لأن الموسم في أوله
لازم نتمسك بالأمير عبد الرحمن بن مساعد و نرفض رحيله و ندعمه.
لازم نكون مع الزعيم قلباً و قالباً ... هذا دورنا اللحين و إذا ما وقفنا مع الهلال و مع أبو فيصل متى بنوقف.
شفتا كثير من التواقيع تقول: لن تمشي وحيداً يا هلال.....هذا وقت تنفيذ هالمقولة اللحين.
والله لو أني في الرياض ما يوقفني غير بوابة النادي و أنا رافع لافتة تقول "فداك البطولة يا أبو فيصل". على شان أثبت أن الهلال لن يمشي وحيداً. حتى لو ما مشى معه غيري.
الله ما كتب تكون البطولة لنا و أنا لو خيرت بين الحصول على البطولة الآسيوية وبين بقاء الأمير عبدالرحمن والله يختار يقال الأمير.
تعرفون ليه؟
لأن الأمير يخطط لبعيد و حنا سفنا في أقل من سنتين وش سوى. و لأن الأمير طموحه كبير ولن يترك الهلال إلا بعد أن يحقق طموحاته الكبيرة. اللي من كبرها راح تكون البطولة الآسيوية صغيرة مقارنة فيها

يا زعماء لندعم الهلال والأمير واللاعبين وصدقوني الأيام الجاية بتكون أحلي
خلونا نثبت أن الهلال عشقنا و مهما صار لنكون معه.
و دمتم
أرجو الرفع لأهمية الموضوع