[اورند]

الوضع عندنا بالبيت مره متوتر وكل واحد فينا جالس ومايتكلم مع احد من القهر اللي يحسه ولا كان نبي نسوي حفله للفوز الخميس قدر الله وماشاء فعل الله يسامحكم يالاعبين خذلتونا اقسم بالله ليتنا طلعنا من الغرافه ولا شفت الاعبين بهالمستوا
اليوم الاعبين كانو قمة التهاون ماحسيت انهم يلعبون مباراة نصف نهائي والله حسيت انهم يلعبون مباراة كانهم يلعبون مباراة تحصيل حاصل او وديه يعني الحلم خلاص تبخر
ليش يالاعيبة الزعيم ليش سويتو كذا حتى القتاليه مافيه حتى الحماس ماحسيت فيه حتى ابوي اللي مايفهم كوره قال احسهم مالعبو زين
ماحسيت انكم تبون الفوز كانكم تبون التعادل والكوره تنقطع بسهوله وعند الباب نلقا عشره من الايرانين حول الاعب حسيت انهم من قلب يلعبون وحنا تلقاهم يتمخطرون عند مرمانا ويجي هدف غبي علينا وينهي كل شي والله انحرقت ومن منظر الجمهور صعب لما يطلع تقولون ليش ماشجعو انا اقول لكم ليش
لنهم حسو بداخلهم ان لاعبين ماهم باغين الفوز ويلعبون بكل برود والله اني اكتب ودموعي في عيني كنت احلم بالكاس الاسيويه ااااااااخ بس متى ناخذيك
صح ماكنت متفائله مره لكن كنت اتوقع على الاقل ان الروح تكون موجوده بايران كنا الافضل
لكن هنا كنا الاسؤا اخوي اللي معروف عند الكل بعشقه لزعيم صاحب 17سنه والله ان اخوي ذا من كثر حبه لزعيم اخاف يصير فيه شي ودايم امي ربي يخليها لينا تتمىفوز الهلال علشانه و من يوم جا الهدف حق الايرانين طلع من عندنا برا البيت وجلس يرا من القهر تخيلو هالشي رجع وحسيت ادموعه بعيونه شوي وتنزل غصبن عنه حاولت اني اهديه واقول له انا متاكده ان الهلال بيفوز وستهدي بالله وانا داخلي احترق وعارفه انه ماراح انفوز بعد العب اللي شفته
بعد الهزيمه طلع برا مره ثانيه جلس عند الدراج و من القهردموعه تنزل غصب ويقول انا ابفهم ليش ليش حتى العب زين مالعبو و بعد التعب هذا كله نطلع بهالبرود حاولت اهديه لقيت نفسي اخس منه بس سويت نفسي متماسكه ومابينت وانا من جوا احترق من القهر واقوله عندنا بطولة الدوري والسنه الجايه الاسيويه انعوضها و و و حسيت انه يقول ايه هين بيصير كل سنه كذا ومدري وش اقول وقتها له بس ودي اخفف عنه الاحباط اللي هو فيه لاتلومننا عشق الزعيم يسوي هوايل
لمتى كل سنه نقول السنه القادمه ونعرف ان البطوله الاسيويه بطوله ممله مو مثل ابطال اوربا على الاقل سنه وحده وينتهون مو مثلنا سنتين وعلى ايش تنظيم جدا سيئ بننتظر يازعيم اسنين واسنين حتى يجي جيل ويفرحون بهالبطوله
تدرون اليوم من تمنيت تمنيت العابد والفراج والله فقدتهم احسهم يلعبون من قلب وروح ماجايني نوم ولا اعتقد اني بنام مع هالقهر يارب سترك بس ماقول غير لاحول ولا قوة الابالله العلي العظيم ويارب تعوضنا وتعوضنا خسارة شبيه الريح فقدنا اللي اغلى من البطوله اللي هو شبيه الريح خساره والله انه خسارة المجتمع الرياضي كله مدري ابكي على الاسيويه ولا على شبيه الريح لكن الاسيويه تتعوض السنين القادمه لكن شبيه الريح من يعوضه ؟
واقول لبعض الشامتين اللي شفت ردودهم بالمنتديات والله غير يبقى الهلال همكم وان طال الزمن
وحرة الهزيمه راح تطلع على روسكم وبنشوف شطارتكم السنه الجايه وراح اضل احبك ياهلال حتى اخر يوم بعمري