السلام عليكم ورحمة الله وبركاته ..
اتمنى تفاعلكم .. واتمنى طرحكم للكلمات المناسبة
هذا الموضوع مشغلني من فترة طويلة .. ونظراً لصعوبة تطبيقه كنت شايله من بالي نهائياً ..
وهو وجود 50 ألف مشجع هلالي في الملعب بلا صوت ..
مانسمع غير طقطة الرابطة ..
وهذا الشي صراحة شي يفشل .. لاقدام اللاعبين "الاجانب بالذات" .. ولا قدام العالم اللي تتابع المباراة في بيوتها سواء في السعودية أو خارجها ..
انا وش استفيد من جمهور بدون صوت ؟
70% من أهمية الجمهور في الصوت ..
تذكرون اصوات الجمهور الايراني في مباراتنا الاخيرة معهم ...؟
والله يا اني طقتني ام الركب وانا جالس في البيت .. فكيف اللاعبين اللي داخل الملعب ؟
بأصواتهم قدروا يرعبون ويشتتون الخصم .. وفي نفس الوقت يعطون لاعبيهم حماس ودعم غير طبيعي ..
صراحة بديت اشك ان صمت جمهورنا هي اللي خلت لاعبينا طول المباراة باردين ..
واللي يخليني ازيد شك هو طقطة اللاعبين إذا سمعوا الجمهور يتفاعلون مع اي حركة مهارية .
طيب الحين عرفنا وش اهمية صيحات الجماهير ...
طيب وش الخطوات ؟ وكم نحتاج من شخص يعرف ذا الخطوات ؟
بس نحتاج واحد داخل الملعب للتوجيه و يكفينا 500 شخص داخل الجمهور يطبقون توجيهاته .. ووقتها كل الجمهور بيعرف الطريقة وبيصير هذي صيحات جمهور الزعيم .. الاكثر في المدرجات .. والاهم هو : الاكثر تأثيراً ..حتى لو كان الجمهور 10 آلاف بس .. فبصوتهم يقدرون يسوون الهوايل ..
طيب لازم يكون فيه بداية وتنظيم ..!
ممكن نقول تبدأ الصيحات كل 10 دقائق من المباراة ..
يعني مع بداية المباراة صيحات ..
مع الدقيقة 10 صيحات ثانية ..
والصيحات لمدة دقيقه وحده كافية جداَ
والدقائق الاخيرة من المباراة تكون الصيحات كل 5 دقائق ..
وبكذا اصوات جماهيرنا بيخصص لها كاميرات ومايكرفونات خاصة ..
نبي نشتهر بأصواتنا .. لابتواجدنا فقط .
اما طقطقة الرابطة مانبيها .. هذي ازعاج بس على الفاضي
هذي نماذج لصيحات الجماهير .. وشوفوا اللي بالاحمر كيف يتم التوجيه .. (هذا جمهور نادي بشكاتش التركي) ...
http://www.youtube.com/watch?v=GtLxpMyh13g YouTube - World's Best Football Fans 
الوضع العادي
