[•●I| иƒşє 3źєźн]

السلام عليكم ورحمة الله ..

اخباركم يا زعماء اسسياء ../ ان شاء الله انكم بخير

تدرون وش الي خلاني اتهور واطلع لأيقونة ( موضوع جديد ) هو انتم لاني اشوف انكم بحسن نيه بتجيبون العيد ..!!

تدرون ليه لانكم تزيدون النار حطب .. يعني يجي كاتب اقل ما يقال عنه احمق يكتب مقال تافه ضد نادينا كبيير اندية اسياء

وانتم تجون تعلقون على كلامه وتجلدون فيه وليه وليه مع ان كلامه ما راح ينفعه الا بشي واحد انه نرفزكم وزاد الضغط على الاعبين بس ..

فـ نصيحه اي كاتب (احمق ) ياليت نسفهه لان نبـح آلــ... .. ما يوصل السسحاب ..

..

غيره ْ.. حبينا قرتس هذا العجوز الداهيه .. كثر الجدل حول رحيله مع انه مسستحيل يروح الا بعد الاسيويه , يعني كلامنا ممكن ضرره يكون اكبر من فايدته ..

فـ نصيحه نترك قرتس ورحيله لبعد الاسيويه .. ونفكر بالمباره الجايه والي بعدها ( اذا الله كتب لنا التأهل )

..

غييرهْ .. تدرون وش الي كان يعقدنا بالمواسم الي راحت .. الفرق الي بأخر ترتيب الدوري لانهم يلعبون بعشره دفاع ولاعب محور .. هذي وهي فرق متواضعه
ومستواها نوقطه فـ بحر الهلال .. انا من فتره حسيت ان مبارات الهلال يوم الاربعاء القادم مع فريق الربيع ولا الجبلين ( مع كامل احترامي لها ) مو مقابلين فريق
سبهان, تهاون وستخففا بالفريق الايراني بشكل محد يتصوره كأن الهلال هزمه عشره صفر هناك ..

فـ نصيحه تكفون لا تتهونون بالفريق الايراني عشان ما ننصدم بنتيجه تكسر ضهورنا زي مباراة الغرافه

..

اخيراً .. تخيل معي لو انت صاحي الصباح ولقيت ابوك وامك واخوانك يشجعونك وطلعت رايح لدوامك لقية عيال جيرانك يشجعونك كل هذا عشان عندك اختبار بالله وش تحس صدق فكر فيها اكتب احساسك ..

وبعدين تخيل تأثيرك لو حظرت الملعب وشجعت لاعبين الفريق الي تموت فيه وش بيحسون فيه ..

مأ ابي اقولك روح للملعب بس انت فكر وش تأثيرك على الاعبين بس ..


والسلام خير ختام

محبكم نفسي عزيزه ..