[(whatever)]

السلام عليكم
اسعد الله اوقاتكم بكل خير
على هونكم ياشباب فيه ملاحظات غابت عن البعض
اولاً انا مو زعلان من نتيجة امس ولا مبسوط طبعاً لكن (مرتاح نفسياً)
فوزهم علينا بهدف في الشوط الأول مو نهاية المباراة وخاصة ان الشوط الثاني في الدرة
(كل واحد وضميرة فرصة وجات لنا)

ثانيا اللاعبين ماقصرو بصراحة ولاتنسون ان فيه لاعبين لعبو في غير مراكزهم وهالشي يلخبط الفريق بكاملة ويفقده اهم ميزة (التجانس) والأخطاء في الحالة هذي واردة ولكن الحمدلله لم يكن هناك اخطاء كارثية والنتيجة بكاملها ليست كبيرة وكان بالإمكان تعديلها امس ولكن الله ماكتبها

ثالثاً مباراة 20 اكتوبر بيكون الهلال كالعادة ساطع ومتكامل بإذن الله (بعودة نيفيز ورادوي) وبيدخلون الملعب للفوز فقط
وهذي افضل وضعية للزعيم لأنه بصراحة مايعرف يلعب للتعادل (عندنا مدرب فاصل الريوس)
في الحالة هذي بيكون الفريق اكثر تركيز وبدون قيود (هجوم ناري) وهذا افضل اسلوب للهلال


همسات
ولي مو اول لاعب يضيع ضربة جزاء ولن يكون الأخير
الشاطر حسن احسنت وابدعت وانقدت الفريق من خسارة كبيرة وسهلت الشوط الثاني
بقية اللعيبة بيض الله وجيهكم ماقصرتو وكنتو نجوم وظهرتو في مكان اشبه بغوانتانامو بمستوى جيد والخسارة بهدف تعتبر نتيجة منطقية ومعقولة ومباراة الرد سنكون بإنتظاركم وانتظار ابداعاتكم بإذن الله



بالتوفيق للزعيم


هذا اول موضوع لي ولكني متابع قديم
واتشرف بوجودي بينكم وان شاء الله نبارك لبعض بعد النهائي

دمتم بخير