[عاشق النمر والذئب]

اسئلكم يا شباب هل لمستم من التشكيلة ان المدرب يشارك بكأس آسيا للأندية ام بطولة سنيه اولمبيه القصد منها اكتشاف مواهب جديده وتجريب اللاعبين !!!


ابتكلم بالدليل من اعمار اللاعبين

1- سلطان البرقان
الاسم سلطان البرقان
الفريق الهلال
الجنسية سعودي
تاريخ الميلاد 15-02-1983
الخبرة الدولية : اول مرة يلعب خارج المملكه مع الهلال في بطولة آسيويه .
العمر 26 سنة
اغلب مبارياته ((احتياط))
2- نواف العابد
الاسم نواف العابد
الفريق الهلال
الجنسية سعودي
تاريخ الميلاد 25-01-1990
الخبرة الدولية : شبه معدومه ولا توجد له خبرة محليه حتى نقول خبرة دولية .
العمر 20 سنة
3- سلمان الفرج
الاسم سلمان الفرج
الفريق الهلال
الجنسية سعودي
تاريخ الميلاد 01-08-1989
الخبرة الدولية : معدومه واول مرة يشارك في مبارة آسيويه
العمر 21 سنه
4- احمد الفريدي
الاسم أحمد الفريدي
الفريق الهلال
الجنسية سعودي
تاريخ الميلاد 29-01-1988
العمر 22 سنة


5-عبدالله الزوري
الاسم عبدالله الزوري
الفريق الهلال
الجنسية سعودي
تاريخ الميلاد 29-07-1987
العمر 23 سنة

6-عبدالعزيز الدوسري
الاسم عبدالعزيز الدوسري
الفريق الهلال
الجنسية سعودي
تاريخ الميلاد 10-10-1988

العمر 22 سنة .

تخيلوا اكثر من نصف الفريق لاعبين صغار بالسن فكيف يا جيرتس بتقارع فريق اعمارهم بالثمان وعشرين والتسع وعشرين والثلاثين كله خبره !!!!!


في حين تم ركن لاعب الخبرة المخضرم محمد الشلهوب واللاعب الخبير عيسى المحياني وتم اعطاء الفرصة للاعبين الصاعدين وكما لو كانت بطولة سنيه !!! و ايضا لا ننسى اللاعب الخبير وليد الجيزاني ايضا برى التشكيله تماما في احباط للاعب المنتقل حديثا مع العلم انه سجل هدف هام امام الغرافة ينم عن موهبة تهديفيه !!

مابقى الا سلمان مؤشر ورائد الصويلح وتكتمل رصة الفريق الاولمبي

جيرتس مصيبة اذا ما كنت تعرف تميز بين نصف نهائي بطولة آسيويه وبين بطولة سنيه اولمبيه !!!!

الشلهوب ظلمته ظلم واضح ولا ادري وش بينك وبينه تسيء له ويحسن اليك ونفس الشيء المهاجمين الهدافين وليد الجيزاني والمتألق عيسى المحياني .. جنبت لاعبين الخبرة واستعنت بالصغار فكانت فضيحة بجلاجل وهزيمة مخجلة لا تليق بالهلال وقد تطيح بآماله لأنك اساءت التقدير باستهتارك الواضح باشراك لمجموعه من قليلي الخبرة واقصاء الخبراء !!

[عاشق النمر والذئب]

انتظر ارائكم وتفاعلكم مع الموضوع .

احترم رأيي من يخالفني مثل ما احترم رأيي من يؤيدني .

[ماأبي غير الزعيم]

والله صادق أجل الشلهوب أحتياط والعابد أساسي ياعيني!!!!!!!

[دكتور رياضيات]

لا يكثر بس وش هالانتقاد الهلال بغئ يفوز
بعدين العابد ماتشوفه يقطع كور؟
طبعا الشلهوب هجومي والعابد دفاعي
ثاني شي يوم تقول البرقان والفرج ياخي عزيز والغنام إصابه ورادوي مع المنتخب من تبي يطبب بدالهم؟ الشمراني محور مثلا؟
طيب الدوسري وش فيه بالعكس لعب كم دقيقه لعبه أفضل من ويلي فن وتسحيب
رجاء تابع المبارة مره ثانيه

[ماأبي غير الزعيم]

إقتباس الرسالة الأصلية كتبت بواسطة دكتور رياضيات لا يكثر بس وش هالانتقاد الهلال بغئ يفوز بعدين العابد ماتشوفه يقطع كور؟ طبعا الشلهوب هجومي والعابد دفاعي ثاني شي يوم تقول البرقان والفرج ياخي عزيز والغنام إصابه ورادوي مع المنتخب من تبي يطبب بدالهم؟ الشمراني محور مثلا؟ طيب الدوسري وش فيه بالعكس لعب كم دقيقه لعبه أفضل من ويلي فن وتسحيب رجاء تابع المبارة مره ثانيه

أخوي دكتور أولا أسلوبك وكلن ورايه بعدين أي العابد دفاع العابد الشوط الاول طامر في الهجوم يبغى ياسر يصنع له أي دفاع ياعمي
العابد كل همه يجيب هدف والمشكله ماهي مهمته

[20 رامي الهلالي 20]

اسمحلي انت منت فاهم التكتيك اللي دخل فيه المدرب

العابد اذا بغيته هجمومي ينفع واذ بغيته دفاعي برضو ينفع اما الشلهوب هجومي بحت

وبعدين انت تقول الفرج والعابد والفريدي والزوري والدوسري المفروض مايدخلهم المدرب !!!!!!!!!!!!!!!!!!!!!!!

اتحداك تحط تشكيله من عندك بدون اللي ذكرتهم وبدون الغائبين رادوي وعزيز والغنام وخيرات
استنى ردك

[القيصر 13]

.

.

غيرتيس قرأ المباراة صح

بس ما يقدر غيرتيس يدخل يسجل البلنتي بدال ويلي

ولا قال للاعبين افتحوا الحيطة (:

[القناص المحترم]

بالعكس هذا الشي يفرحنا انهم لاعبين صغاااار ويخرجون بنتيجه اعتبرها جيدهـ
مع انهم ضيعوا ضربه جزاء وكوره العابد في العارضه وضربتين جزاء ما احتسبت لنا
وأن شاء الله الاياااااب باذن اللي ماتنام عينه بطاقه التأهل للزعيم برجوع رادوي ونيفيز
واسترداد عافيه يااااسر

[الكل بكف والهلال بكف]

خلآص يا شباب شوط وآنتهى..
باقي شوووط ولابد من وجود
لآعب مهم تدرون من هو هالآعب..

(( جمهوور الزعيمـ ))
وأنآ أول لآعب رآح يكوون موجود..
وأبي 70 ألف لآعب معاي..

[ابو ريان 100]

لا تنزل موضوع مرة ثانية

هذا رأيي و شكرا

[Dr.mjno0on]

يعني وش تبي توصله
...
تبيه يلعب مهاجم وهو ناقص
...
لو فتح الملعب اليوم كان شفنا الانتقادات جيريتس ومدري شفيه ويفكر في المغرب
...
ركزو عالحضور المباراة الجاية وبس...

[البـــرنـــس الهلالي]

ياخي ماقصروا اللي تقول عنهم اولمبي ..

وجيريتس ماقصر بعدد بس الحظ والتوفيق ماحالفنا ..

والمباراه هذي انتهت وباقي ان شاء الله الشوط الثاني ..

بالتوفيق للزعيم ..

[القيصر 13]

.

.

غيرتيس قرأ المباراة صح

بس ما يقدر غيرتيس يدخل يسجل البلنتي بدال ويلي

ولا قال للاعبين افتحوا الحيطة (:

[ليلنا الذكرى]

صح صح

المفروض انه قال يا سامي انت من اعمار الفريق الايراني

البس وعلى الملعب عشان نصير زيهم

بلا فرج بلا عابد بلا هم والا لا كان المفروض كذا

ياخوي وش عرفك انت في الكوره وربي من كلامك انك من جنبها

العابد سو كل شئ بالمباره الي تقول عمره عشرين سنه

والفرج قفل المحور وعليه حمل كبير يلعب مكان رادوي

والشلهوب ما لعبه لان العابد والفريدي افضل من الشلهوب في الحاله الدفاعيه

الحين الي يسمع بعض التعليقات يقول الفريق مهزوم 5 صفر

تراها واحد صفر وفيه مباره بالرياض وفريقنا كان ناقص خمسه اساسي يعني بدال ما تسجل موضوع شكر تجي تتفلسف

وراح نفوز وراح نتأهل للنهائي

بس فكنا من مواضيع زيادة المشاركات واحضر بالملعب شجع ان كنت صادق

[الـــذيبss]

غيرتيس قرأ المباراة صح

بس ما يقدر غيرتيس يدخل يسجل البلنتي بدال ويلي

ولا قال للاعبين افتحوا الحيطة