[هلاليه ذوق!]

السلام عليكم


يا نااااااااس وش اللي قاعد يصير
وش فيه الهلال منبوذ وعلى الهاااااااامش ولا احد معطينا وجه
وش فيه الهلال
تراه ممثل للوطن مثله مثل الاتحاد والشباب
يعني وش معنى الاتحاد والشباب ماتنظمون للمنتخب لانهم يمثلوون الوطن
طيب الهلال وش يمثل لايكون الهلال ماهو سعودي وحنا ماندري
قسم بالله شئ يقهر
ماعندنا احد يتكلم والكل يتحكم بلاعبيننا واحنا اكلين تبن وساكتين
وين الاداره وين رئيسنا ليه ماياخذ حقنا
من عندنا الحين يتكلم احنا نحترق وننقهر ويجينا الضغط
ولا احد داري عنا
وفي النهايه تطلعون لنا بالتلفزيون بعد كل فوز
وتقولون احنا نسعى للرضى الجمهور
اين رضى واحنا نشوف لاعبيننا متمرمطين بين بلد لبلد ومنتخب وهلال
وتعب وارهاق واصابات
معقوله الهلال يبحث على الاسيويه والله ماصدق خصوصا في هذا الوقت بالذات
يعني لو قبل كان قبلنا لانه لسى الاسيويه في بدايتها
لكن الحين بين مبارتين مصيريه اسيويه وخروج مغلوووب ونسكت
قممممممممممه القهر والنرفزة يا سمو الامير تراه الهلال امااااااااااااااانه
ادري محد حاس فينا غير اهلنا
لكن مالنا الا المنتدى نطلع حرتنا فيه ونكتب اللي في خاطرنا

حسبي الله ونعم الوكيل

يا اداره الهلال مااسامحكم
اذا ضيعتو الاسيويه من بين ايدينا
والسبب انظمام لاعبيننا فقط للمنتخب
بالاخص في هذا الوقت بالذااات



كلامي كالعاده ملخبط لاني كتبته وانا مقهوووره
ماني داخله للشبكه الا بعد الاسيويه
لاني خلاص وربي تعبت من القهر
وادارتنا م
اهي حاسه فينا
ولا هي حاسه باللاعبيننا
ولا بالهلال



الله معاك ياهلال ماعندك غير ربك يساعدك اما البقيه لاحول لهم ولا قوه