[هلالي91]

السلام عليكم ورحمة الله وبركاته ..

حقيقة كلنا شفنا البيان الاتحادي , والي شفنا فيه انواع البكائيات على التأجيل وعلى انها تفيد الهلال محليا في منافسات الدوري , وماتفيده آسيويا , وانها ضد الاتحاد ..



اول شي وقبل مانرد عليهم اقول شي حلو تم تأجيل المباراة مع الاتحاد , ولايهم كلام الاتحاديين في اننا

خايفين من ان نلعب معهم , كلام صراحة مدري كيف يقوله مسؤول نادي او صحفي !!!

مدري كيف تتطور انديتنا وتدعي انها محترفة , وتفكيرها ماتعدى حاجز ( هم خايفين منا ) !!!

السالفة ومافيها الهلال راح تتأجل احد مبارياته اكيد مع (الاتحاد او الاتفاق) ولكن بعض عقول

(الحواري) قالت ليش تتأجل الاتحاد ما وتأجلت الاتفاق وهي اقرب طبعا لمباراة (ذوبهان ) من مباراة الاتحاد ..

وانا حقيقة قبل ما ارد ما (اشره) عليهم لاني مثل ماقلت وضح مستوى الاحترافية في بعض مسؤولين

الاندية والصحفيين وصار كل تفكيرهم في انهم هذاك الفريق خايف منا وماوده يلعب معنا وان كل شيء ضدنا !!

واذا جينا نرد عليهم فبيكون بالتالي :

1- لو افترضنا مباراة الاتحاد لم تؤجل ولعبناها وفزنا ( عشان نشيل كلمة الخوف الي ازعجونا فيها ) اكيد وبدون اي شك راح تتأجل مباراة الاتفاق لان صعب جدا تلعب مع الاتحاد وكلاسيكو وبعدها تلعب مباراه دوريه (الاتفاق) وراح يكون بعدها مباراة خارج ارضك ومع فريق قوي ..


2- بعد تأجيل مباراة الاتفاق راح يكون الهلال توقف عن المشاركات 9 ايام من مباراة الاتحاد الى مباراة (ذوبهان) وهذا بدون ادنى شك راح يكون ضرر على الفريق وراح يقل المستوى اللياقي ورتم الفريق وهذا مو من صالح الفريق ابدا انك تقعد 9 ايام بدون ماتلعب مباراة


ردينا الحين على كلامهم واستغرابهم ليش تتأجل مباراتنا معهم ومباراة الاتفاق ماتأجلت ..


الحين راح نضع الحل الافضل والاقرب للصواب هو :

1- تأجيل لقاء الاتحاد لكي يجهز الهلال لاعبيه المصابين وحتى غير المصابين الي لعبوا 120 دقيقة وبذلوا مجهود لياقي كبير ..

2- ان يلعب الهلال مباراته مع الاتفاق الجمعه (تم تقديمها ) لكي لايفقد الفريق حساسية المباريات ولايقل معدل اللياقة ..


وهذي كل السالفة وماتستاهل كل هالتضخيم , وتصور انها ضد الاتحاد , وانها لمساندة الهلال محليا ..

حبيت فقط ارد على البيان الاتحادي ومحاولته ايهام ان التأجيل لمصلحة الهلال (محليا ) وضد الاتحاد !!





اعتذر على طول الموضوع , والموضوع للنقاش في اي جزئية في البيان الاتحاد



..