السلام عليكم
مباراة مجنونة
مباراة اثبت فيها الهلال انه زعيم اسيا
مباراة اثبتت ان هجوم الهلال مازال يصنع الفارق
لاعبين الهلال يذرفون الدموع بعد نشوة الانتصار الثمين
هزيمة بسبب الغرور بسبب غطرسة جيريتس
كل هالجمل اللي قريتوها اسمحوا لي اقولكم بلوها واشربوا مويتها
خسارة الهلال يتحملها كل طرف صحيح
خسارة الهلال جيريتس كان له سبب فيها صحيح
لكن جيريتس بدأ مباراة ومعه 11 لاعب
بعد دقيقتين تفاجأ بعدم وجود اي لاعب وبيده 3 تغييرات
ايش المفروض يسوي !!
جيريتس قال لياسر والفريدي تكفون ضيعوها !!
جيريتس هو اللي قال لخط الدفاع تكون افتحوا مخططات وساحات واستراحات لمهاجمين الغرافة ؟!
انا عني شخصيا اؤمن بأن المدرب لايمكن ان يتحمل اكثر من 30% من اي مباراة سواء فوز او خسارة
اما الـ70 % فهي من المفترض انها تكون على اشخاص يلقبون بـ لاعبي كرة قدم !!
11 لاعب ما شفت فيهم احد يصرخ على كورة !!
11 لاعب ما شفت احد فيهم يركض ويقطع كورة !!
11 لاعب والفريق متأخر بهدف والدقائق تروح ماشفت فيهم احد حاول يحتك مع الخصم حتى لمجرد تأدية واجب !!
حياتي كلها وانا هلالي ماعمري بكيت لاجل الهلال
حياتي كلها وانا اتمنى الفوز لاجل الهلال ولاجل رئيس وجماهير وحتى اعداء الهلال
الا هالمرة كانت غير لاول مرة ماهتم فيها بغير الهلال
لاول مرة اكون على وشك الاغماء عشان الهلال
لاول مرة اتمنى مقابلة لاعبين الهلال
ابغى اشوف عيونهم ابغى اعرف وش تبريرهم !!
معقولة ياهلال تنتهي مباراتك وانت خسران بالاربعة
وتتفاجأ بلاعبينك يضحكون ويفرحون !!
صحيح تأهل لكنها مباراة
ماعودتني ياهلال الا تفرحني بذهب
مدري مين فينا تغير انا ولا انت ولا الزمن !!
للاسف ياهلال شكلي من البداية ماكنت اعرفك
ولا لاعبينك بيغيرونك علي وتصير تفرحني بتأهل ولا نقاط الخصم !!
جاوبوني هذا الهلال !!
جاوبوني انا هلالي والا انتوا بس الهلاليين !!
آآآآآه ياهلال
قلتها بعد ماشفت الفرحة وسط الملعب
آآآآآه ياهلال
قلتها بعد ماشفت الاحتفالات اللي صارت في المطار !!
آآآآآه ياهلال
اخاف اردد هالكلمة بعد ضياع حقك ياهلال
كتبت هالموضوع بعد ثلاث ايام ولسى القهر فيني !!
لااحد يقول قاسي ولااحد يقول جاحد !!
الاسيوية مو حلم قرب يتحقق
الاسيوية مو طموحنا
اسيا تزعمناها ولما اشوفها بيد غيري لابد اني اسعى لها
لانها من ممتلكاتي ولا ليش انا زعيمها !!
اهداء للاعبين الهلال
&
قفلة الموضوع
الموج عالي والبحر غدآر .. يالي تخاف من البحر تجنب امواجه
}{ خارج الموضوع }{
افضل السيئين
المحياني
لو ماقدمت لنا غير هالمباراة يكفيني
وكثر الله خيرك
البرقان
عودة من انتقال واول مباراة بهالضغوط وتظهر بهالشكل ماقول غير خالد عزيز انتبه على مركزك
وكثر الله خيرك
الغنام
لعبت الشوط الاول كامل وماكان فيه غيرك يركض في الملعب
وكثر الله خيرك
نامي
في ضل عدم انصافك وتحميلك اكثر من طاقتك في اغلب المبارايات
الا انك اثبت عالاقل في هالمباراة نقدر نرتجي منك خير دام اصحاب الخبرة والكباتن خذلونا هالكثر
وكثر الله خيرك
الأسوأ ياسر
مو لانه ضيع كم كورة بس لانه استهتر بكم كورة
ولان ياسر قائد منتخب لابد يكون عنده المقدرة بصرخه وحدة يرجع الفريق بأكلمة لوعيه
لي يونق
لانه ببساطة تحول من افضل لاعب في استلام وتسليم الكرات
إلى لاعب مرتبك يلعب اول مباراة له مع فريقه ضد حضور جماهيري صاخب !!
ويلي
لاعب منتخب السويد الجناح الطائر مايقدر يفرق حالة كان الكورة علينا ولا ضدنا
اللاعب الدولي فريقه متاخر وراح يخسر بطولة ويدور الطرد !!
تحياتي
انا هلالي ولا انتوا بس الهلاليين !! 
الوضع الشجري
