[هنري الغزال]

اولاً : ما ادري اقول مبروك و الا ايش لكن الحمد لله على التأهل الي جاء بطلوع الروح
ثانياً: قمت بتحويل ارقامي ( 3 ) ارقام للموج الأزرق واجهة معاملة سيئة جداً ، و كأن المفروض منك الا تحول باقتك للموج الأزرق و الإجابة ببساطة " يا اخي اذا كنت محول الباقة عشان النقاط ترى النقاط ما تجيك حسب سياسة الشركة الا اذا كان رقمك جديد من موبايلي انا ابسئل كيف يعني رقم جديد
اتمنى من الشركة تغيير نهجها مع العملاء خاصة اننا لا نريد تبرعات انما نريد حقوقنا فقط

[ابووائل]

نفس المشكله واشوف الشركة كل يوم في تخبط والله يستر لا يكون بتتجة زى الاتصالات

[رمش أزرق]

طيب غير رقمك !!
وانتهت السسسسسالفه ؛

الله يكون بعونك

[هنري الغزال]

كيف اغير رقمي اغير رقمي و رقم الوالده و زوجتي
بعدين ليه احنا الي بدلنا ارقامنا من البداية قبل الموج الأزرق الحين هذا جزانا

[حاتم]

عووووووافي يالغالي
لا تـعليق هل كثرة فلوسهم واردو تطفيش الزعيم
مشكووور........
اتوقع وان شاء الله يتعدل الوضع

[هنري الغزال]

الف شكر لمروركم اتمنى من الشركة انها تعدل الوضع

[HRS.Eng]

بصراحه لك حق
بس انا بالنسبه لي الاشتراك والسعي وراء الاشتراك من اجل دعم الهلال ومايهمني خدمه سيئه ولا جيده
بس المفروض الشركه تسعي لتسهيل الامور لمشتركيها حتى لا تخسرهم

[الهلالي بيانكو]

الشركه عرضها معروف ....

أنا كانت عندي شريحة مفوتره و قبل عرض الموج الأزرق لما جاء الموج الأزرق حولت لكن ما استفدت من شيء فاتصلت وسالت و قالوا ...
تطلع لك شريحة ثانيه و تكون باقتها الموج الازرق ... هذه سياسة الشركه

[جنوني هلالي20]

انا بصراحه على الموج الازرق ولله الحمد لكن كيف حولت من الاتصالات الا موبايلي على باقه ثانيه بعدين كلمتهم عشان يحولون للموج الازرق وجلست تقريبا اسبوعين وانا اطارد فيهم بالقوه حولو لي

[الموذي]

يا رجاااال حتى النقاط ذالينا عليه يالله تدق عليهم وتذكرهم تقول ترى الهلال فاز بالمباراة وين النقاط
اتمنى ان يكون الشريك الاستراتيجي له دور فعال في خدمة مشتركي الموج الازرق.


وبالتوفيق للهلال في الاستحقاقات القادمة.

[ابداعات 20]

بخصوص الي قالو غيرو ارقامكم

يا اخوان ارقامنا على الاتصالات

والكل يعرفها ومعنا اكثر من 4 سنين

وبننقلها للموج الازرق ولموبايلي

ليه ماتشملنا انا صارت معي شخصيآ

انا مانقلت عشان نقاط وصدقه انا نقلت عشان ادعم زعيمنا

بس المعامله تكون احسن من كذا وتقدرون اننا نقلنا من الاتصالات لكم

[هلالي دووووووم]

ياخي النظام واضح وصريح وغلطك انك ماسالت قبل ماتحول

معروف ان النقاط ماتيجي الا اذا كان الرقم جديد

ادري ان هذا الشي المفروض يتغير لكن هذي سياسة موبايلي لانه ياغالي الكل راح يغير الى الموج الازرق سواءا الهلالي او غيره

وموبايلي بهذي الطريقه تريد عملاء جدد ومن ابسط حقوقها لانه اذا وصل عدد مستخدمي الموج الازرق الى 400 الف راح تدفع للهلال 20 مليون ريال

[كـآريـزمـآ الهـــلآل]

إقتباس الرسالة الأصلية كتبت بواسطة هنري الغزال اولاً : ما ادري اقول مبروك و الا ايش لكن الحمد لله على التأهل الي جاء بطلوع الروح ثانياً: قمت بتحويل ارقامي ( 3 ) ارقام للموج الأزرق واجهة معاملة سيئة جداً ، و كأن المفروض منك الا تحول باقتك للموج الأزرق و الإجابة ببساطة " يا اخي اذا كنت محول الباقة عشان النقاط ترى النقاط ما تجيك حسب سياسة الشركة الا اذا كان رقمك جديد من موبايلي انا ابسئل كيف يعني رقم جديد اتمنى من الشركة تغيير نهجها مع العملاء خاصة اننا لا نريد تبرعات انما نريد حقوقنا فقط

لازم تطلع رقم جديد وتحطه موووج ازرق بس اذا حولت رقم مستعمل للموج الازرق مايرسلون لك نقاااااااط ..


بأختصار مايبون الهلال يستفيد يبون الفايده لهم لحالهم لأنك اذا حولت ما استفادوا لأنها شريحه قديمه لكن اذا صارت الشريحه جديده بيستفيدون من زيادة العملاء ,,

بأختصاااااااار سرق ونهب ,,,

[كـآريـزمـآ الهـــلآل]

إقتباس الرسالة الأصلية كتبت بواسطة عاشق هذا الكيان لحول ولا قوة إلا بالله حسبي على الظالم اللهم ياحي ياقيـوم أسئلك بكل إسم سميت به نفسـك أن تجعل الهلال يخرج من آسيـا وينتكس إنتكاسـه عظيمـه اللهم ياذا الجلال والإكرام ياقهـار أسئلك أن تجعلهم يتندموا على تأجيل هذه المباراه اللهم أكتب لنا الفوز في المباراه وأجعلنا نرد لهم الدين دينين ياحي ياقيــــــوم وصلى الله وبـارك على نبينا محمد وعلى آله وصحبه وسلم دعوة المظلوم مستجابه شكراً لك

سلامات يالاخو ,,,

وش تحس فيه ,,,

وااااااااضح ان تأجيل المباراة طلع لنا المعرفات القديمه المغبره اصحاب الميول المنافسه ..

المباراة تأجلت يالاتهادي

[المتميز دائمآ]

عشان كذا أنا مو مشترك بالموج الأزرق ولا راح أشترك


مو معقوووووووووووله أبغير رقمي اللي تعرفني فيه كل الناس من 7 سنوات


بس باقة ديرتي حلوووه


بالتوفيق للزعيم ولصاحب الموضوع