السلام عليكم ورحمه الله وبركاته
جمعه مباركه على الجميع 
,
الف مبروك التأهل الصعب 
بنرجع للمباراه شوي ..
الحمدلله أولاَ وأخيراَ
على التأهل لـ دور الأربـ 4 ــعه
مباراه صعبه ذبحتنا والله 
من عرفت كوره القدم وانا ماعمري شفت مثل مباراه السعوديه والبحرين والهلال والغرافه 
مباراه اعصاب لكن ارجع وأقول الحمدلله أولاَ واخيراَ 
,
برود جيرتس أعجبني !!
اتوقع ان جيرتس بين حلين لاثالث لهم :
الأول : تسجيل هدف مبكر 
الثاني : تقفيل المنطقه الخلفيه 
جيرتس اختار الطريقه الأصعب " الأولى "
تشكيله انتحاريه دخل فيها
تمنيت نلعب بمحورين
لان الفريق متقدم بـ 3 في الذهاب
مايحتاج نجازف !
نأمن المنطقه الدفاعيه ونلعب على المرتدات والفاولات ان جاء هدف ولا ماراح نخسر شي ., لكن اللي اعجبني فيه " بروده " !!
برود جيرتس خلى اللاعبين يركزون في الدقائق الاخيره واللي موب مقتنع .. يشوف وش سوى مدرب الغرافه يوم تنرفز لاعبينه ضاعو وتشتتو !! ,
تغيرات (أجباريه) انقذت الفريق ..
دخول " سلطان البرقان "بدلاَ من المصاب "عبداللطيف الغنام "
كان في وقته لكن لازالت المشكله موجوده
الا وهي نلعب بمحور واحد فقط !!
لكن اكمل السلطان عمل الغنام 
وكان حلقه وصل بين الدفاع والوسط وانتعشت منطقه المحور 
وبدخول " الحاسم عيسى " بدلاَ من المصاب " ثياقو نيفيز " تحرك كثيراَ وربط الوسط بالهجوم وكان دخول الاثنين " السلطان و الحاسم " انعآش للفريق وتغير أدى الفريق للأفضل هجمات , تسديدات , كثرة الركنيات , ,
السلطان يرفع معنويات زملائه
بعد الهدف الرابع للفريق القطري كثير من المتابعين " غسل يده " من التأهل لكن اللي شاف سلطان البرقان يتطمن ان فيه روح للحين !! 
سلطان البرقان بعد الهدف الرابع يصرخ لزملائه وكنه يقول " يمدينا ياشباب نعوض " اللقطه ماتعدت 3 ثواني !! الا اني ارتحت وحسيت ان راح نجيب قول ونقلب الطاوله " الصور أبلغ من الكلام "
,
في النهايه :
يعجبني البديل .. اللي يصنع الفارق
أخوكم : أزرق والقلب أبيض 
ماذا فعل سلطان البرقان بعد الهدف الرابع للغرافه !! 
الوضع الشجري
