[فهد الفراعنة]

السلام عليكم و رحمة الله و بركاته



أوّل شيء الحمد لله الذي بشكرهِ تتمُّ الصالحات


و ابارك لكل هلالي التأهل رغم إن ماكو شيء يستحق المباركة



جيرتس كل دقيقة واحد مسوي مووضوع يسبسب المدرب كأنه هو الغلط في الهلال

بالله يياللي تقولون جيرتس لعب بطريقة هجوميّة و المفروض يلعب بمحورين و زيادة فلسفة و كلام مدري كيف جاي

تعالوا خلينا نراجع تشكيلة الهلال آخر 6 مواسم

تلاقونها 4 - 5 - 1
و ذا معروف
نجي للي الناس تنتقد فيه جيرتس إنه لعب بمحور واحد المفروض يلعب بمحورين

قلّي بالله من متى الهلال يلعب بمحورين ثابتين ...؟!!!
من ايام عزيز و الغامدي الهلال كان يلعب بمحور ثابت مثل الغنّام و محور متحرّك مثل الفريدي
الموسم الماضي عزيز محور ثابت و رادوي محور متحرّك

و بعدين تعالوا من كثر اللاعبين اللي عندنا في المحور اللحين
ما عندنا غير 3 لاعبين الغنام و البرقان و الفريدي و بينهم اثنين دفاعيين

مع العلم إن الفريدي هو انشط لاعب هلالي في الشوط الاول مع ياسر


* اعترف غن جيرتس غلط اكثر من خطأ لكن درس


***

نجي للّي يتكلمون على نواف العابد بالله تبيه يصير كرستيانو مثلاً ..؟!!!
الغرافة كل ثقله في جهة نواف العابد من فهيد الشمّري و ميرغني الزين و يونس محمود ذا أوّل شيء
ثاني شيء كم عمر نواف ...؟!!!
28 أو 35 ابك توّه ما تعدّى العشرين و مستواه يتطوّر و الفرق اللي قدّامه بعد تتطوّر
و على فكرة اللي يسمعكم يقول إن لاعبي الهلال كلّهم كانوا في الفورمة إلا العابد و هو نكبنا .. الفريق كلّه طايح من الدفاع إلى خط الهجوم كلّهم تعبانين ..


***


ياسر القحطاني شفتوا دموعه ...؟!!!
بالله ياللي حاطّين دوبهم دوب ياسر كل ما ضيّع فرصة جايين ياسر فيه و ياسر فيه ..
اعقوا اعقلوا
ياسر امس ضيّع هدفيين محققين و المرمى فاضي
بس سجّل هدف رغم إنه لا يسمن و لا يُغني من جوع إذا تكلّمنا عن الناحية الفنيّة و الابداعيّة فيه
ياسر و الشلهوب و ويلي اكثر لاعبين احترقوا في الملعب سووا كل شيء
ياسر مهاجم لوحده بين دفاع بنّيتهم الجسمانية قوية كان يحتاج لاعب يتحرّك معه و يسمح له بالخروج عن الرقابة و صار اللي يبيه يوم دخل عيسى


***


حسن العتيبي
اذكر إن مباراة الذهاب اللي قبل اسبوع و تذكرونها بعد
كان افضل لاعب هلالي حسب تصويتكم و إن الدعيّع جاء واحد ينسينا ابدعاته
بالله وش سوّا امس حسن....؟
كثير رموا عليه الخسارة
يعني على هدف واحد صرتوا كذا ...؟
الدعيّع ياما اخطأ و اخطأ و تذكرون اخطائه في آخر دقائق المباريات و لا حد هجم عليه


***


يعني بإختصار قبل 3 ايّام بس قاعدين تمدحون المدرّب و كل اللاعبين و لمن جات المباراة طلبتوا برحيلهم ..؟!!!!!!
عجبي ..!!!!
يا قوم هل فيكم رجلٌ رشيد ...؟!!!!!




فاصلة :

أنا لا أنفي أن جيرتس ما اخطأ في المباراة و لكن عندما نحمّله كل المسؤوليّة هذا اكبر خطأ





و السلام على من اتّبع الهدى