اولا ابارك للامير الشاعر ولنائبه وللاجهزه الادارية والفنية وجميع جمهور الزعيم هذا التاهل (وهو الاهم ) ولكل مباراة دورس مستفادة ... انا بصراحه عندي كم نقطه وودي تشاركوني اراءكم فيها وقبل كل شي فيه كلمه قالها اميرنا المحبوب في احد القنوات
(جميعنا بشر وكلنا نخطيء) :
1-
جريتس : والله هالمدرب عقليه ومخ وتكتيك وجعل الهلال له طعم اخر ... لكن في هالمباراة ارتكب خطا فادح جدا جدا حينما لعب بدون محورين .. وبدا المباراة بوليهامسون بدلا عن عيسى المحياني وان شاء الله بعد هالمباراه يتعلم ويستفيد ويكون اكثر خبره بفريقه وينتبه لهالنقطه بدون المجازفه بالزعيم .
2-
ياسر القحطاني : انا اشوف انه لاعب من الطراز الاول .. لاعب متمكن يخلق لنفسه انصاف الفرص ... وصدقوني لو ياسر مو لاعب كبير ما كان المدرب الداهيه (واغلبكم يتفق معاي في ان جريتس مدرب داهيه) ابقى عليه اساسي مع العلم ان المحياني على دكة البدلاء . لكن والله صدقوني ياسر لاعب كبير .. والمشكله في الجمهور يريد كل هجمه بهدف ..
سؤال للي مدحوا المحياني (يستاهل) لكن .. الهجمه اللي اتى منها هدف ياسر .. مو المفروض هدف من قدم عيسى نفسه ؟؟؟ سؤال ثاني .. اللي متابعين كاس العالم .. تتذكرون الانفراد لروبين امام اسبانيا في نهائي كاس العالم ؟؟ لاعب عالمي وكبير والكل يشهد بمهاراته العاليه .. وانفرد بالحارس الاسباني وضيع .. جميع لاعبين العالم يضيعون فرص محققه للاهداف .
3-
حسن العتيبي : انا مادري اللي يطالبون بانهاء عقده .. هل هم صادقين ؟؟؟ ارجعوا للمباراة الاولى للغرافه وشوفوا الفاولات اللي تصدى لها ببراعه ... يمكن الهدف الثاني اللي يتحمل فيه خطا .. لكن الاهداف الباقيه ماله اي دخل فيها ...
ولاتنسون الهجمه اللي بعد الهدف الاول مباشره (الدقيقه 5) وانفراد يونس محمود في الشوط الاضافي وتصدى لها ببراعه .. لو ماتصدى لها كان الحين الزعيم في خبر كان ... حسن والله انك بطل يا بطل خليك على مستواك بس .
4-
الفريدي : هذا اللاعب مبدع ويلعب بعقله قبل رجله ... لاعب يفكر قبل ما يلعب ... لاعب داهيه بس انتم اصبروا عليه شوي عطوه فرصته لسا صغير ويحتاج لخبره .. نصيحه ادعموه وسوف ترون مواهبه وابداعاته .
(واذكروا ويلهامسون في اول موسم له مع الهلال ماذا كان يقول عنه الجمهور)
كلمه اخيرة :
يا جمهور الزعيم ... اللاعبين بشر .. لهم مشاكلهم الخاصه ولهم ظروفهم .. ويحترقون اكثر مننا لاجل الزعيم (والكل شاهد الدموع) صدقوني اللاعبين يحترقون اكثر وحماسهم وحرصهم على الفوز اكثر مننا جميعا ... وراح اعطيكم مثال : اللاعب ميسى .. افضل لاعب في العالم .. لم يسجل ولا هدف في كاس العالم .. ومع برشلونه مسجل 45 في موسم واحد .. ويتهمه الجمهور الارجنتيني بانه غير مخلص لوطنه ؟؟ هل هذا معقول ؟!!!
عموما اتمنى منكم نسيان هذه المباراة ودعم اللاعبين ورفع معنوياتهم في المباريات القادمه لكي تجدون مايسركم وان شاء الله انهم ما راح يقصرون ابدا ابدا ...
هذا اول موضوع لي معاكم ... تقبلوا تحياتي
الوضع الشجري
