[محال غير الهلال]

السسلام عليكم ورحمة الله وبركاته

تحية طيبة لـ الأمه الهلاليه وكل عام وانتم بخير بمناسبة اليوم الوطني

والـ 1000 ـف مبروك الفوز يا زعماء بعد شق الانفس وعلى مثل ما يقولون ما بعد برد الشتاء الا نسمات الربيع

والحمد لله 120 ثانية من الفرحه نستنا 120 دقيقه كنا مصدومين فيها من الاداء الهلالي الباهت والضعيف

ونتمنى تكون درس للاعبين لانه التعب والمجهود اللي بذلته الادارة كان راح يروح هدر امس لكن الحمد لله عدت على خير ومبارة للنسيان يا هلال

\\

جيريتس صاحب الباليين

بصراحه من امس وانا اقرا واشوف مواضيع وتعليقات سواء من الاعضاء في الشبكة او حتى من بعض المحللين أمثال الكابتن فيصل ابو اثنين و الكابتن فهد خميس على انه جيريتس يفكر في المغرب من الحين بسبب التخبطات اللي صارت امس

جيريتس نتفق انه اخطا بتشكيله امس لكن مو معناه جيريتس يبي يترك الهلال و بيتخلى عن مهنيته بهذي الصورة - جيرتس لو في باله هالشيء كان من مبارة الرياض حط كل اللاعبين اللي كانو راجعين من اصابه في مبارة الذهاب ولا كان فكر فينا - الرجال صحيح اخطا امس بالتشكيله لكن بعد اللاعبين كان خطاهم اكبر - وش ذنب جيرتس بخطا حسن خيرات اللي تسبب بالهدف الاول ووش ذنب جيرتس بالهدف الثالث اللي الحكام اجمعو على انه غير صحيح الخطا وواضحه انه الغنام داخل على الكوره - ظروف المبارة جت عكس ما يتوقعها جيرتس لكنه ضبط الفريق في الشوط الثاني وكان مدانا نخلصها بالشوط الثاني لكن اراده رب العالمين ما شاءت - هدوء جيرتس مو معناه انه الفريق ولا على باله - يعني تبونه مثل جونيور يجلس يركض والاداره يمسكون فيه عشان يثبت لنا انه مهتم بالهلال

عتبي الوحيد على جيرتس انه يعتقد ان الهجوم طريقه ايجابيه بجميع الاوقات - كلنا ما ننكر انه الهلال هجوميا خطير جدا وكل انتصارت الهلال في دوري ابطال اسيا كانت بثلاثيه مع الرافه - لكن مبارة امس كانت تحتاج الى ان جيرتس يتعامل معها بطريقه متوازنه خصوصا ان فريقنا داخل وبرصيده 3 اهداف .

-

والنقطة الاخيرة شكر وتقدير للجمهور الهلالي والسعودي اللي حضرو لمسانده الفريق والحمد لله ربي ما خيب تعبكم تشجيعكم المتواصل لين اخر دقايق المبارة وخرجتو مبسوطين