[~ ذبحني غلاك ~]

بسم الله الرحمن الرحيم

.. اول شي مبروك التأهل يالزعماء ..


بتكلم عن جزئين
الاول .. حبيب قلبي واللى قريب راح يكون عريس .. الشلهوب ..
الثاني .. نقاط بقولها وبشكل مختلف ..





.. قولو يارب .. جعل اللى جابته الجنه ..

يازعماء ورب البيت محسودين على الموهوب ..
1_ أخلاص للهلال
2- يحترق داخل الملعب وبعيد كل البعد عن الغرور .. وأكبر دليل الكورة اللى عطاه نواف العابد في اخر دقائق عمر المباره ..

والكثير من المزايا والأمور الطيبه في محمد الشلهوب .. فديته ..


نقاط في بالي .. ونقاط كثيره وبقولها ...

.. جيرتس دخل المباره بتشكيله غلط أنت فايز بالثلاثه طبيعي الغرافه راح يهاجم نزل محوريين الغنام والبرقان ويلي ع الاطراف وبكذا تذبح الغرافه .

.. حسن العتيبي خروجه قدام الفيصلي الخاطئ المفروض خارج على الكورة في الهدف الرابع ولو تركزون تلاحظون أن فيه مجال يطلع ويقطع الكورة وبكذا حسن يبي من يشرح له هالنقطه ..

.. ياسر مدري هو حظ ولا ضغط نفسي وش فيك ياياسر جمهور الهلال ينتظر هالمباره ع احر من جمر وربي احرقت قلوبنا نبي قول وبس مانبي هدف خرافي تكفي يابو سعيد نبي هالاسيويه ..

.. عيسى المحياني بختصر وبقول أنت شخص ثاني .. ياحبي لك يالغالي ..

.. ويلي نيفيز وش فيكم ؟ وين ويلي الموسم اللى فات ؟ نيفيز نتأمل منك الكثير ..

.. نواف العابد من نهايه الموسم اللى فات وانت مو طبيعي أتمني ماتضيع وراى الاعلام بدري ع النجوميه ..

.. بطل وكبير وظلمك جيرتس يوم لعبك وحدك قدام وسط الغرافه .. أحبك يالغنام

.. سامي الجابر الله يخليك للهلال ويخلى الهلال لك يارب


.. ابو مساعد تكفي لا تسكت ع اللى صار اللى صار ماهو بسيط ..


كنت ناوي اروح لدوله قطر بس قدر الله وجتني ظروف صعبه صعبه صعبه ..



يارب أنك توفق الهلال في الاسيويه ..
أتمني الرفع