20/09/2010, 10:21 PM
|
| زعيــم متألــق | | تاريخ التسجيل: 15/08/2005 المكان: القصيم
مشاركات: 1,451
| |
الاعمــــــــى والخـــــــــــروف ][ تيماوياتي ][
عشقي تيماوي يعود اليكم من جديد   مدخل رأيت الهلال ووجه الحبيب *** فكانا هلاليـــــن عند النظــــــر مقدمه يحكى بالاساطير انه كان هناك رجل اعمى من يوم ولد , دعا الله كثيرا ان يعيد له النظر ولو لحظه واحده , استجيب له دعاؤه وعاد اليه النظر , كان امام هذا الاعمى لحظة رجوع النظر خروف شاهده ومن ثم عاد اعمى كما كان , بعد فتره كل ماجوه الناس يقولون له شرينا سياره قال هي مثل الخروف والا الخروف ازين ؟  قالو شرينا ثلاجه قال هي تشبه للخروف والا الخروف ازين .؟ هذا الاعمى يذكرن باخواننا بالله النصراويين اللي كل ماطلع لاعب جديد قالو هو مثل ماجد والا ماجد ازين .؟ هو يشبه لماجد لا لا ماجد ازين خخخ وكل سنه نفس الموال يعاد علينا ( ابشركم تراهم اليوم جابوه مدير فني للفريق خخخ ماقلتلكم انهم نفس خوينا راعي الخروف مايعرف الا هالخروف ) تيماوياتي ** في الوقت الذي يجندل فيه الهلال الفرق الاسيويه بالثلاثيات اخواننا بالله يعانون امام الفريق الصاعد , وعلى قدر اهل العوم تاتي العزائم ** يدرك الهلالييون تماما ان حتى اللعب على المباراه النهائيه خساره بينما غيره جن جنونه لانه فقط لعب بالبطوله بعد غياب دام سنوات عديده , وتعظم في عين الصغير صغارها وتصغر في عين العظيم الكبائر ** اذا لعب الهلالييون كل مباراه على انها هي المباراه النهائيه فكاس العالم مسالة وقت فقط ** شفتوا الغرافه وشلون بدأ المباراه وهو يتنافض .؟ هذي هي هيبة الجمهور الهلالي الكبير والمطلوب مننا كهلاليين هي مباراه وحده بس باياب دور الاربعه واخر مباراه نحضرها بالملعب بالامل الاسيوي , فلذلك انا لاطالب بـ 70 الف متفرج بالملعب فقط , بل اطالب بان يكون عدد الجمهور خارج الملعب اكثر من اللي داخل الملعب >> طيب وشوله ياغبي يكفي انهم يملون الملعب وبس ** على طاري الجمهور انا بديت اشك ان جماهير النصر مخلوقات فضائيه لاننا نسمع بهم ولانشوفهم خخخ ** اذا هم فعلا يعتبرون انفسهم جمهور كبير نبي صوره واحد فقط تثبت انهم ملو الملعب عن بكرة ابيه بمباراه رسميه .؟  ** بمسجد حارتنا برمضان كل الجماعه اللي يصلون هلاليين , حتى اننا اخر الرمضان بغينا نصلي التراويح بالطقم .؟ بالمدرسه بالجامعه بالاستراحات بالمدرجات الغلبه دائما للهلالييين ولكن ياليت قومي يعقلون ** مباراه الاياب لم تحسم بعد والكوره ماينعرف لها انا معكم , والمفروض مانستعجل ولكن هذا على صعيد اللاعبين والاداريين اما نحن كجمهور نبي نفرح بكل جزئيه بهذه البطوله يعني نبي نحللها تحليل والله يلوم اللي يلومنا ** شفتوا جريتيس كيف فرح بالهدف الثالث .؟ وشفتوا وشلون الفريق لعب بالغرافه بكل ثقه .؟ وين اللي قالو جريتيس بيلعب بدون طموح .؟ ** من يتهم اعلام الهلال انه مطبل فهو لايفقه بكرة القدم شيئا , عرف منذ القدم ان صحافة الهلال قاسيه جدا وقت مادعت الحاجه فهي سبق وان كتبت عن النعيمه اللاعب الهلالي الاول بعد مانخفض مستواه ( النعيمه يشرب من حليب السباع ويقطع الكوره ) ** وسبق ان كتبت عن الهلال ( الهلال جنازه تنتظر الدفن ) وبعدها شكلت لجنة الهلال الثلاثيه وعاد الهلال بطلا كما كان واعلاميين الهلال كبار محنكين ليسوا مجرد مراهقين مشجعين كما بالصحف الاخرى يعني لاقنا تركي السديري ولا صالح الهويريني ولا عثمان العمير ولا محمد الكثيري ولا صالح السليمان فنحن نتكلم عن عمالقه كبار ** بالمناسبه اتذكر مقوله جميله جدا لعثمان العمير يقول فيها ( هلالييون واشربوا من ماء البحر ) وهي اهداء لكل من يشكك بزعامة الهلال ولاتقولون لي حياد , فالحياد هو ان تنصف الهلال ** استغرب ان يطلق على فريق لقب العالمي وهو لم يفز بجميع الالعاب حتى سباق 100 متر سوى ببطولتين خارجيه رسميه , واحده منهم من مبارتين وبالتعادل خخخ شفتوا ان الالقاب مجرد كلام فاضي ؟ ** هل فارس عوض عندما يتغزل بالهلال هلالي .؟ هل عندما يقول الشوالي ان الهلال لم يبقى لنا بقواميس المديح شيئا كان لبس طقم الهلال .؟ هل الحكم الياباني والكوري متربين بحواري العريجاء .؟ هل شفتوا فيلمبان وبن همام ياكلون فصفص بالمدرجات الجنوبيه .؟ لا طبعا لا ولكنه الجهل لعشاق اللون الاصفر ** يقول التاريخ ان السد القطري بوابة للهلال نحو الاسيويه , هل يعيد التاريخ نفسه ونرى الهلال بطلا لكاس اسيا .؟ ** منذ القدم والهلال هو الفريق السعودي الذي اوصل السعوديه الى المجد , لعبنا بالفرق الاسيويه عام 96 وحققنا البطولات ومن ثم قال الثنيان لسلطان بن فهد ( عطنا طقم المنتخب ونجيب لك اسيا ) وفعلا صرخ الحربان المعلق الكويتي الشهير بمباراه الصين ( لانهم الهلالييييون يعرفون هذه البطوله تماما ) ** ولكن الصحافه والمتعصبين لاينصفون الهلال ولسان حال الهلال يقول : وان هدموا مجدي بنيت لهم مجدا ** الهلالييون كل همهم تحقيق البطوله والدوري والكاس وكانهم ماعمرهم شافو كاس اما اخواننا بالله النصراويين فليس لهم هم الا موبايلي وايهم اكثر جمهور والمداخلات بالقنوات الفضائيه وكانهم شبعانيين بطولات ( فعلا المفاهيم تغيرت ياساده ) ** بالهلال الكل يصنع الكل يهدد الكل يسجل , فعلا انها الكوره الهولنديه الشامله ** يتكلمون عن جمهور قوي ويعايرون الهلالييون انهم جمهور ساكت ولا له تاثير , ونسوا او تناسوا انهم اول جمهور مارس الشحاذه بالمدرجات عندما علقوا ( نبي بطوله يانصر ) وليتها وقفت على كذا بل انهم سبق وان علقوا بالمدرجات ( نبي هدف يانصر ) ** الهلال يتفوق بالملعب ويحصد البطولات واحده تلو الاخرى وجمهور الجار ليس لديهم الا كلمتين ( وصلنا العالميه وفيه بلنتي بالدقيقه 35 الشوط الثاني مانحسب ) ** اخيرا وعلى حب الهلال نجتمـــــع مخرج فلم أدري من حيرتي فيهــــــما *** هلال السماء من هلال البشــــر فتى الرس المدلل عشقي تيماوي - المملكه العربيه السعوديه - الملحق |
![الاعمــــــــى والخـــــــــــروف ][ تيماوياتي ][](iconimages/t931573_rtl.gif)
يحوسون الا لازم يجبون غروب بالهلال ازعجونا بالجماهير وانا اكثر وانتم اقل ياخي خل الملعب يجي فل ذيك الحزه تعال كلمني 
الوضع العادي
