[الرياض تبتسم لك]

السلام عليكم ورحمة الله وبركاته

مساكم / صبحكم الله بالخير

يوم الإربعاء تاريخ 22/9/2010موعدكم ياجمهور الزعيم لقطر لمؤازرة الهلال في مباراته امام الغرافة وخلوها جولة سياحية مبسطة .. اهم شي اذا انت مسافر بر مهما كانت وجهتك لاتستغني عن
الـgarmin مساعد بشكل كبير ولا له غنى عنه حتى لو كان عارف بالديرة لأنه يعطيك أقصر الطرق والأماكن اللي تبغى غير تقدير وقت الوصول وأشياء كثيرة مالها حصر ..واللي بيروح قطر عن طريق البر يمسك طريق الشرقية ويدخل مفرق سعد وبعده الهفوف / سلوى واتبع اللوحات لأنها واضحة وطبعاً الطريق يمر بالأحساء وأخاف ان الناس تضيع لذلك اللي ما معه قارمن يتبع الطريق التقليدي اللي هو قبل ما توصل الدمام بمسافة معقولة تدخل مفرق الهفوف وما أدري إذا كان الطريق هذا لازم يمر بالأحساء ولا لا بس انه يختصر مسافة
المسافة 554 كم من الرياض إلى الدوحة والطريق فيه لوحات ارشادية كافية لا من ناحية المسافة ولا من ناحية الملفات والطريق فيه مسارين رايح ومسارين جاي ومخطط وآمن وفيه خدمات المشكلة انه ما فيه شبك على الجوانب يطلع لك بعير بالطريق خخخخخخخخ الخط طويل ولزوم الشاهي والقهوة معك
والهوية الوظنية مسموحة وايضا الجواز ..أول ماتدخل قطر تمشي حوالي 100 كم وتدخل الدوحة
عاد فيه شقق وفنادق عد واغلط ماشاء الله تبارك الله ..اهمها ماريوت قطر
الفندق مميز ويطل على البحر ..
وايضا ..
فندق Grand Regency Hotel-Doha
مميز وله سمعته في قطر
وايضا فندق Holiday Villa Hotel & Residence City Centre Doha
نفس الشي مميز ..
======
لاتنسون سوق واقف وهو سوق شعبي مشهور وفيه كافيهات حلوة ومطاعم وبرضوه محلات تبيع أشياء شعبي
همتكم ياجمهور الزعيم (الاربعاء القادم) اجازة رسمية لموظفي القطاع العام والخاص لانها توافق اليوم
الوطني.......الهمة ياجمهور الزعيم والمسانده في قطر كما حصل امام السد وحضر الجمهور بقوة .
نريد الحضور من اهل الاحساء والدمام واهل الرياض وجمهور الشرقية راح يبيضون وجهنا يوم الاربعاء القادم لكي
نزف الهلال لدور الاربعة ان شاء الله .. ونبهر القطريين ان شاء الله ...
وبنهاية الموضوع
أتمنى اني اعجبكم موضوغي والسموحة لو حصل قصور أو قلة بالمضمون ولكن هذا اللي الله قدرنا عليه ..