[جنون كرة الهلال]

السلااااااااام عليكم يامعشر الزعماء ومعشر نادي القرن ومعشر اي شي بس خلوها عليا

اولا: اشكر ادارة المنتدى على تفعيل عضويتي بعد عناء طال شهور تصدقو اني مسجل من سنتين باسم ثاني وماجاني التفعيل وكنت اتصفح المنتدى من غير تسجيل وحالي مقهور ماكنت اقدر اشارك او اضع او اسوي اي شي في المنتدى بالعربي صرت مثل الجمهور اللي يحضر بالملعب وساكت انا اتمنى من ادارة الموقع ان تلتفت لجميع االعضاء الذين يسجلون وتفعيل عضويتهم باسرع وقت لان الصراحه بغيت ابطل اشجع الهلال بسببكم << جيب غيرها بس

وبعد تفحيط وتهيط وترفيع على كفرين تم اختيار الاسم المناسب في المكان المناسب ( جنون كرة الهلال ) وش رايكم انا شكلي خرجت عن اطار موضوعي لكن والله فيا حره من العضويه والحمد لله تفعلت

نرجع الى خلوها عليا .....

الحقيقة كله كووووم في مباراة امس وفشل المخطط النصرواي اكرمكم الله كووووم ثاني والله شي يفشل صراحه فضحونا كسعوديين في منتدى الغرافه وجردونا من الوطنيه وكأننا ليس فريق سعودي وانا اجزم بان الغرفاوين عارفين انهم متخلفين لان اغلب اعضاء الغرافه كانو يردون عليهم بلغة العاقل

ترى يا اخوان بعض النصراوين اكرمكم الله << تصدقو لما اقول النصر اقول اعوذو بالله مادري مايفرقون عن ابليس المهم بعض النصرواين متخلفين في عقولهم مايعرف عن ايش بيتكلم وكل همه الوحيد كيف نهاجم الهلال لو يشوفو فريقهم ينهزم يتهزاء ينضرب من الزعابيل هههه ينزل درجه اولى والمضلات الشمسيه برضو تفكيره في الهلال والحقيقه انا بالنسبه لي ما الومهم والله الهلال طلع الشيب لمحبيه بفنه ولعبه والقابه وبطولاته فكيف للغير ااااااه يالهلال

مو مشكله انك تكره غريمك وانا اشوف ماهو بالغريم الا والله غريمهم فريق حارتنا وحتى حارتنا افضل منهم عقليا وفكريا لكن المشكله تشويه السمعه والله يا اخوان صرت اشك انهم من الوطن ولا من وين في كل دول العالم اي فريقين غريمين لبعض يكرهو بعض لكن بحدود نفس الوطن ومايطلعون اكاذيب للغير الحقيقه النصر <<اعوذو بالله فريق من كوكب اخر يستحق ان يقال عليه فريق الزمن الاخر نظرا لشهرته لكرهه للهلال خخخخخخ

فاصل قصير باروح اتروش عشان ذكرت النصر يمكن ثلاث مرات خخخخخخخخخ


هذا الكلام لاينطبق على جمهور المسيار حتى جمهور الاتحاد لما تدخل منتداهم تحس انك تقرا شريط سبيس تون مواضيع مالها داعي ضد الهلال ماهم عارفين يحلون مشاكلهم جاين للهلال والله حاله ومن مواضيعهم وردودها يقولون يارب مايفوز الهلال يارب يارب يارب الله يحرقهم الله لايوفقهم يارب يوفق بابا وماما و و و و و و <<< موقلت لكم شريط اخبار سبيس تون يمين الله يا اخوان شي يضحك وطبعا ليس كل جماهير الاتحاد هكذا انا اقول البعض

فكونا من الهياط اللي فوق خلونا بفريقنا الحين


حسن العتيبي يوم شفته امس نسيت اللي سواه من قبل امس بدع فوق العاده وبرضو مانبغا نمدحه فوق العاجه عشان لايخربها هههههه يعيب حسن خروجه الكثير من المرمى لمناطق تبعد عن المرمى امتار طبعا هذا ليس بمبارة امس ولكن المباريات اللي قبلها

هوساوي ولد حارتي اااااه يالبيه عليك بس ياهذا الادمي انا حابه من زمان من يوم كان في الوحده ايش اخلاق وايش ادب وايشتواضع وايش ايش ايش ماشاء الله عليه صدق فارس عوض ابو كلبشه مهاجميت الغرافه امس كانو بسجن ابو كلبشه
خيرات كان مكمل بارع لهوساوي ومستواه في تقدم رهيب ماشاء الله عليه وهذا هو البديل المناسب في المكان المانسب
لي يونج يا اخون هذا المفروض يكون افضل لاعب في السعوديه انتظام وتالق ومستوى ثابت
نامي يمين الله هذا الادمي شكل ثاني صار رهيب جدا تطور مستواه صار محبوب وهو والله اهل لهه المحبه وتكفي اخلاقه احس انه على نياته
رادوي امس خلاني اكره الكوره وش حكايته مع الوحده وبعدين مع المنتخب واخرها امس صلو على النبي واذكرو الله الله يستر بس
الغنام كفيت ووفيت وكنت اهل لثقة جيرتس وابدعت
الشلهوب اللاعب الكبير لما يظهر في هذه المباريات ولو كتبت لين بكره ماراح اوفيك حقك
نيفيز الولد هذا صار مبدع ماهو زي العام لكن يعيبه النرفزه الزائده على لاعبي الهلال كذا مره شفته يضايق منهم لما يطلبوه كووره
ياسر ماقد شفت مهاجم مثلك ياتسجل او تتيح لغيرك التسجيل بسهوله واللي عنده ياسر مايطلع خاسر ان شاء الله
المحياني انا متاكد لة اعطيت له الفرصه كامله راح نشوف مستواه اللي كان في الوحده ولازم تفاهم اكثر مع ياسر وهو لاعب كبير وناضج كرويا

العابد بالله خل عنك الغرور يازينك اول ماضهرت في الهلال الغرور يقتل موهبتك ياراجل ارجع مثل اول نحبك
الجيزاني من يوم شفته في الحزم زمستواه تطور كثير وفرحت لما جاء الهلال وهدف امس كان اغلى هدف منه لجمهور الهلال

الفريدي <<مخليه في الاخير هذا اللاعب ملخصه في كلمتين ( يخربها في التحيات ) لعبخ رائع مهارات استلام رائع تمرير لاكثر من مره رائع لكن اذا كان كل هذا بدون نهايه وش الفايده منه انا الصراحه لعبه يطربني لكن كاني اشوف مسلسل مكسيكي ماله نهايه والله مو تحطيم له لكن ياريت ينتبه لهذه النقطه المهمه|.
فارس عوض امس فاتح على وناسه انطرب الحبيب منكم تصدقو تفرجت المباراه وعايدها اربع مرات مين ماينطرب واذا هذا الجمهور كلو فيه ساب المباره وجالس يغني معكم خوفي لكان يشكشك وماشفناه

وفي النهايه هذا هو اول موضوع لي في معقل ومعشر الزعماء وبين جمهوره الرقم الصعب اللي امس تمتعت عيني برويتهم الا على فكره كيف مبارة بندكور كان ورا البيبان اماكن فاضيه كثير وقال 52000 الف وامس الملعب ممتلى ويقولو 53000 الف غريبه والله ولا لايكون من المخططات هههههههههه

شكرا لكم واتمنى اذا كان هناك نقد يكون هادف