إمتاع هلالي فائق .. والسبب خطة نصراوية مُحكمة ( لا يطوفكم ) - نادي الهلال السعودي - شبكة الزعيم

أبـو زآيـد · #1 16/09/2010, 11:24 AM

بسم الله الرحمن الرحيم

نواف الهلالي يعود لكم من جديد

يالله حيهم .. مبسوطين هاه

يحق لكم والله مستوى رائع ومتعة وإبداع وأجواء جماهيرية خورافية طيّرت عقول الغرفاوية

حتى المعلقين كانوا ناوين يصيرون حياديين لكن مع متعة الزعيم نسوا أنفسهم

وبدؤوا يتغنون بـ الجن الأزرق

اليوم ومع الغيابات الكبيرة عن المباراة إلا أن الهلال أثبت أنه لا يوجد له منافس خليجي

سواء لعب بالصف الأول أو الثاني أو الثالث أو حتى صف رابع ج

يعني إذا كان الهلال في يومه فهو لا يُهزم بإذن الله ..!

أما الفريق الغرفاوي فـ عدم الاستهتار بالمنافس مو معناه إني أعطيه أكبر من حجمه

مثل ما سمعنا من مبالغات قبل المباراة من بعض الشباب ..!

يعني على حسب ما شفناه اليوم فـ الغرافة فريق عادي ولا يوجد فيه إلا لاعب لاعبين

هم اللي تقول يلعبون والباقي مستواهم أقل من عادي وحارسهم ضعيف والفريق بالكامل مرتبك جدا

ويحق له فهو أمام الجن الأزرق ..! عسى الجنية الزرقاء تدخل بجنينهو

ولا هو معنى هذا التساهل في مباراة الإياب لالالا إلا نلعب بجديه ونحترم أي خصم كان

ونصلح أخطاءنا أيضا لأنه أصلا التساهل وعدم احترام المنافس يمكن يقود أي فريق كبير

إلى الهزيمة من أي فريق صغير مثل مباراة برشلونة الأخيرة يوم انهزم من الفريق الصاعد والكوره مدوّره < احلف

طبعا الغرفاويين ولو هايط بعض جماهير المسيار اللي معهم

إلا أنهم متأكدين أن الهلال أفضل منهم

عشان كذا من الواضح إنهم اليوم جاؤوا بخطة الخروج بأقل الخسائر إضافة إلى محاولة إيقاع الإصابات

في لاعبي الهلال عشان يستفيدون في الإياب وشفنا كم انبراشة متعمدة على الساق تستحق الكرت الأحمر

ولكن الحكم تغاضى عنها

عموما مع هذي المعطيات اللي هي ضعفهم وارتباكهم الشديد كان الهلال يستطيع أن يفوز بنتيجة نصف درزن على الأقل

لولا مشكلة الهلال اللي أنا أعتبرها معضلة وهي ( ضياع الفرص ) < بصراحة عانينا من هالمشكلة كثير

ولا أدري متى نبي نخلص منها

والسبب في ذلك في مباراة اليوم هو عدم التفاهم الواضح في خط الهجوم ..!

طبعا الهلال بدأ المباراة وهو متخوف شوي وهذا طبيعي لأنه ما يعرف خصمه لكن من المعروف دائما

إنه بعد الهدف الثاني خلالاص يرتاح الفريق نفسيا ويلعب وهو رايق ويضاعف أهدافه ..!

أو الأمر الثاني وهو اللي حصل للأسف إن الفريق يرتخي ويعطي الخصم مجال للتعويض

وهذي مشكلة يجب تنبيه اللاعبين إليها في مباراة الإياب ..!

يعني نبغى اللاعبين مثل منتخب المكائن الألماني شدة وحده طول المباراة

( وإذا ضربت فأوجع ) < وجع وش دخل ذا الجملة

الشباب اليوم طبعا ما قصروا من الحارس أبو عتب اللي أبدع في صد ثلاث أهداف محققة

< ورود < لا ياشيخ

يعاب على حسن فقط إنه يرتبك إذا رجّعوا له الكوره لكن إن شاء الله يتخلص من هالسلبية وإن شاء الله يستمر على هالمستوى الجميل

وأنا بصراحة أعجب بعض المرات من تقييم الشباب لـ حسن يعني إذا أبدع طلعوا بعض الاخوان

وقالوا شفتوا قلنا لكم إنه قوي وفنان وإذا كان سيء طلعوا اللي غيرهم وقالوا شفتوا قلنا لكم إنه بينكبنا

لا يا شباب التقييم ماهو بالشكل هذا ..! التقييم أي لاعب يبدع كلنا نقول أبدع وإذا ما أبدع نقول ما أبدع من دون ما نجرّح بأحد

يعني كل مباراة لها تقييمها

أما قايلكم وما قايلكم هذي ما تنفع

أيضا نامي اليوم ممتاز وقدم مستوى جميل ويحتاج فقط للثقة في نفسه ومن جمهور الهلال

حتى يتفادى مسألة المناولات القليلة الخاطئة والعرضيات الضعيفة

أسامة كالعادة ما شاء الله تبارك الله مثل الجبل ولا واحد قدر يهزه

كناطح صخرة يوما ليوهنها فلم يهنها وأوهى حيله وتعب نفسه يونس محمود أووووو < عايش جو المباراة

خيرات ممتاز جدا ومستوى عالي وغطى خانته باقتدار وأتمنى استمراره في المباراة القادمة لأنه أكثر

جاهزية من ماجد

لي يونق

يكفي أن أقول هذا اللاعب ليس في مستوى آسيا إطلاقا ..!!

يتحرك وكأنه في البريمرليغ ..! جبهة يسرى هجومية دفاعية محكمة الله لا يضره

رادوي

سلامتكـ والآه عنك عساها بعيد

الغنام لا زال يقدم المستويات الجميلة من بداية الموسم وأتمنى إنه يستمر على هالشيء

خصوصا إنه من اللاعبين اللي يصابون بالإرهاق سريعا وينزل مستواه مع منتصف الموسم

لكن إن شاء الله مع المحافظة على التدريبات والتركيز يكون مستواه من أفضل إلى أفضل ويستاهل لاعبنا الخلوق

الفريدي أحمد قبل قلت أنا قبل < تحس الجملة غير مفيدة

قلت إن البرود الموجود فيه هو ما تحتاجه في المباريات

الكبيرة والمشحونة فـ يجيك رايق وهادي ويتصرف بحكمه مثل ما شفنا اليوم من مستوى ممتاز وشكل ثنائي خطير مع ياسر في كذا هجمة

فقط أتمنى إنه أمام الباب يكون أكثر فعالية ولا تضيع مثل الفرصة اللي ضاعت أمس

الشلهوب يا حبي لك ولعبك وأخلاقك وكلك على بعض شو مهضوم كتير < جذبني عرق خوالي < إيه هين

يعني خبرررة محمد أمس لعبت دور كبير في المباراة

نيفيز رائع كما كانت جميع مبارياته هذا الموسم ولا شك أنه من أفضل اللاعبين في المباراة

ويبدو إن كلام شبيه الريح صحيح عندما قال إنه سيصبح أفضل اللاعبين الموسم القادم

تحركات رائعه ومراوغات ذكيه وتسديد قوي ولا يعاب عليه إلا الأنانية في بعض الأحيان

يعني لابد فقط إنه إذا كان زملاؤه فاتحين معه فالتمرير أفضل من التسديد العشوائي

المحياني وياسر مستوى ممتاااز ويحتاجون فقط للتفاهم أكثر ويا لبيييه لو المقص جاي هدف يابو عزوز

لكن الكرت ما كان له أي داعي

الجيزاني ما أروع من هالإطلالة إطلالة

بالنسبة للمباراة القادمة في قطر

يجب إننا نتنبه لعدة أمور وهي إصلاح الأخطاء الفردية اللي ذكرناها إضافة إلى التخلص من السلبيات العامة مثل :

ضياع الفرص السهلة : فيجب إننا نركز أكثر ونلعب على أن أي فرصة هي الفرصة الوحيدة في المباراة فلا تضيع ..!

ثانيا التفاهم أكثر وأكبر بين المهاجمين يعني لحد يوقف نتحرك مع بعض حتى نسوي فرص أكثر وخطورة أكبر ..!

ثالثا عدم الارتخاء أثناء المباراة يعني مثل ما قلنا نبي مكائن ألمانية لأن الارتخاء ربما يسبب نتيجة عكسية لا سمح الله ..!

رابعا شفنا بعض الاتكاليه وعدم الضغط على حامل الكره وهذا الأمر يجب الانتباه له فالحركة والضغط وعدم الاتكالية

هي ترمومتر المباراة وتركها هو تسليم المباراة للخصم ..!

خامسا بالنسبة للعرضيات العتيبي أبدع اليوم ما قصر لكن ليش أصلا الكوره تاصل العتيبي ليش ما فيه تغطيه صحيحه

للمهاجمين في المنطقة ..!! هذي المسألة تحتاج تركيز أكبر وتصحيح ..!

طبعا إذا كان فريق الغرافة ماهو ذاك الفريق الخطير ولا قدر يستغل هالسلبيات فربما الفريق اللي نقابله

في نصف النهائي أو النهائي ما يرحم .. عشان كذا يجب الجد وعدم التهاون في إصلاح أي سلبيه عندنا

فـ آسيا مهب سهلة بالشكل اللي شفناه أمس والشباب وبوهانج لا يقارنون بالغرافة مع كامل احترامي ..!

آخر نقطة هي ربما يستخدم الغرافة أساليب في مباراة الإياب لتخويف اللاعبين سواء في الملعب

أو الفندق أو ألعاب ناريه أو غيرها .. والتجهيز النفسي للاعبين للتعامل مع مثل هذي الظروف

بحيث يدخلون المباراة بأعصاب هادئة هو اللي يبي يقضي على آمال الغرافة بإذن الله

الخطة النصراوية المُحكمة

هذا الله يسلمكم يسمونه مورينهو العرب

كاتب الموضوع يعلمهم قبل المباراة عشان يفوزون

إلا مورينهو الفقر والله

أنا من يوم شفت لعب الغرافة أمس حوسه وأنا داري إنهم مطبقين نقاطه بحذافيرها

مسوي لي قاري الفريق فنجر على غفلة

هذا الزعيم اللي على قول وفعل ..........
.......... ما له شبيه بآسيا ما لـه حـلـي

فوق الثريا منزله لا ما نزل ..........
.......... وإلا على سطح القمر له منزلي

من واجهه من خاصمه أذعن وذل ..........
.......... غرّافه بنار الثـلاثـه مـنـصـلـي

هذا وهو ما كان صفه مكتمل ..........
.......... كيف لو يلعب بـ رادوي وويلي

المعذرة حبايبنا على الإطالة ، لكم مني أرق التحايا ،،،

اكوي لاني · #2 16/09/2010, 11:27 AM

أول رررررررد

موضوع رايق تسلم والله يا نواف

أما النصراوي خخخخخخ

Ronaldinho VS Yasser · #3 16/09/2010, 11:28 AM

ههههههههههههههههههههههههههههههههههههههههههه والله تحطيم لهم

فتى بسيان · #4 16/09/2010, 11:30 AM

هههههههههههه

يحلموون لحد الحين .

والله مساكين

هلالــي شقراوي · #5 16/09/2010, 11:32 AM

أول رررررررد

موضوع رايق تسلم والله يا نواف

أما النصراوي خخخخخخ

ظـامي العويرضي · #6 16/09/2010, 11:33 AM

رايق خلي مزاجك رايق

طيب ممكن نلعب بالأشبال ؟

الله يرج بليسك

تحياتي لك على هالابتسامات الرايقه على الصبح

رايــــق · #7 16/09/2010, 11:33 AM

يعطيك العافيه وماقصرت

احترام الخصم دائما هو الطريق للفوز في اي مباراه

امس احترمنا الغرافه وفزنا عليه كما احترمنا غيره وجندلناه ولكن ضياع الفرص السهله مشكله كبيره وياخوفي منها

حذاري من الغرور في قطر

لاهنت

ابونهار · #8 16/09/2010, 11:37 AM

اوما مورينيو العرب
هههههههههههههههههههههههههههههههههههه

لا تنسون اليوم عندهم ديربي مع منافسهم التقليدي الفيصلي...!

لمبارد-8 · #9 16/09/2010, 11:39 AM

هههههههههههههههههههههههههههههههه
ذا النصراويه

تسلم يمينك يانواف

هامور ولكن أزرق · #10 16/09/2010, 11:41 AM

يعطيك الف عافية على الموضوع

..+ هلالي رفحاوي +.. · #11 16/09/2010, 11:42 AM

يسلمو على هيك موضوع

صراحة تحليل رائع

ومنطقي للمباراة

والنقاط التي ذكرتها عن اللاعبين

صحيحة وفي مكانها

بالتوفيق للزعيم في مباراة الرد

وبالنسبة للفقراوي توحفه صراحه

خخخخخخخخخخخخخخخخخخخ