[الزعيم الروقي]

بسم الله الرحمن الرحيم

قبل كل شيء الف الف مبروك فوز الزعيم ، وقطع نصف المشوار امام نصف نهائي اسيا


من جن بالهلال فهو عاقل ،، ومن جن بغيره فهو مجنون

أدخل بصلب الموضوع ،، من مدرج الهلال اليوم ،،
جاء سعود الروقي ،، بعمر الطفوله ،، وبعشق الازرق اللي ينبض به كل هلالي ،، بسنواته السبع
ليدعم زعيم اسيا في مشواره القاري ،، كما هي عادته طوال مباريات الهلال في الموسم السابق
وكان الجواب ( عسكري ما يسمح بدخوله للملعب )


قصت سعود :
منهو سعود :
مشجع هلالي بسنواته السبع قنصته عدسة اخوي المصور احمد الشيمي وهذي صور سعود



كما هي عادت سعود ،، يزعجني من قبل شهرين عشان يكون في المدرج ،، ويوم المباراة من ضواحيها
محد ينام ولا يرتاح الجميع على اهبت الاستعداد ،، سعود ناوي المدرج الازرق ،، ويبي مكان في الواجهه
يعني العصر في الملعب ،،


قبل ملابس العيد :

جهز تي شيرت المباراة قبل ملابس العيد ،، وكان تي شيرته عليه صورته مع ياسر،
( لكن مركبه من احد محلات طباعة الصور ) ،،
فهو يحلم بأن يكون مع القناص ويكلمه ويصور معه ،،
تي شيرته الابيض اعتبره احد افراد الامن في الملعب ،، سلاح
نعم سلاح ،، بل ويعاقب حامله ،، ويعتقل مثل الارهابي مرافقه
فما كان من سعود الا ان نزع تي شيرته وقال للعسكري ( ماراح تردني عن الهلال)


بإسلوب الجماهير اللاتينيه : الساعه ( 5:00 )
وسط المدرج ووسط ذهول الحاظرين ، أخفى خجله بتفاعله مع الاهازيج فوق أكتافي
فوق كتفي سعود يتمايل ما اهازيج ( الموج الازرق ،، ياكلك ،، غيرها ،،






تفاعل الجماهير مع سعود : (5:30)

اولهم انا ،، من شفت حماسه للمباراة رفعته فوق ،، ودقايق والجماهير مستنكره الوضع
وبعدها ينظم لسعود عدد من الجماهير ،، بنزع تيشرتاتها ،، والهتاف للهلال معه



الموضوع بخلاصته يتكلم عن سوء تعامل الامن معنا في المدرجات ،، من تطفيش ،، وأهنات
غير سعود أخوي الثاني طلال اللي نزل من جيب الدوريه بواسطات ،، عشان يكمل المبارة

واللي غيرهم انا وانت ،، وغيرنا كل من في المدرج ،،

بكل بساطه :
سعود يقولكم ماراح نطفش من المدرج الازرق مهما كان ،
وتواجدنا ومؤازرتنا للازرق بتتواصل مادامت اوردتنا زرقاء ،

أسلوبكم في التطفيش عقيم ،،

الا على طاري سعود ،، يسألني بعد المبارة
( يقول ليش ما قلنا اليوم الكاس يلمع والعين تدمع مثل مباراة الاهلي والاتفاق ) << زعيم متعود على الذهب