[Blanco Soul]

السلام عليكم , كل عام والجميع بخير .. والف الف مبروك الفوز وعقبال
مانفرح في الدوحة , وعقبال مانبارك للبعض الفوز بالآسيوية .

بصراحة احززني مشهد شفته اليوم مو احزني وبس الا صدمني بصراحة يعني اخر شئ
كنت اتوقعه الشئ هذا , طبعا انا كنت حاضر الملعب من القصيم ورجعت بعد المباراة
عموما وانا طالع من الرياض وقفت عند احد المحطات وشفت بعض الباصات والسيارات
اللي محمله من جمهور الهلال لبا قلوبهم , لكن أتفاجأ ان اغلب الجمهور يتجه للمسجد والساعه , كد تعدت وحده ؟ سئلت واحد قال نصلي العشاء وبعضنا المغرب !! يعني
توصل فينا الكورة انه تخلينا ننسى او بمعنى اصح نتناسى الصلاة واهميتها يابو الله
يلعن الكورة اللي بتبعدني عن ربي , عموما انا ماالوم البعض يمكن يكون عذره انه
العسكري لاطلع ماراح يدخله لكن على كثر جياتي للملاعب اقوله بطلع اصلي وارجع
ويقول لاتتأخر !! يعني مالك عذر.. خل اي وواحد من الجمهور يحجز مقعدك لين ترجع , بصراحة صدمني المشهد هذا كثير , يعني لو واحد او اثنين حتى عشره
لكن اخش المسجد بعد مافات وقت الصلاة وأشوف المسجد كله تي شيرتات نادي الهلال , والله شئ يغبن ويقهر .

محبكم وأخوكم : محمد الحربي