[young pyo lover]

هي مباراه للتاريخ




المباااارة المرتقبة ,, المباراة التي انتظرها كل الهلاليين 4 شهوووور
تفصلنا عنها ساعات وبضع دقائق وكم ثانية ..

المبارة اللي من بعد توفيق الله سبحانه وتعالى ومن ثم وقفة الجمهور بيكون الفوز حليف للهلال


مااكذب عليكم اذا قلتلكم هذي هي اهم مباراة في الموسم
لان باذن الله بعدها الهلال بيكون في النصف النهائي >> وهي تعتبر ثاني اهم مباراة
ومن بعدها هلالنا في طوكيو باذن الله وتوفيقه

تخيلو تخيلو مبارتين بس ,, تحتاج وقفه منا كجمهور وبعدها بتوفيق من الله هلالنا بيكون في ابو ظبي
>> طبعا اتكلم عن المبارتين اللي بتكون في ارضنا

حمستكم صح ,, حسيتو اننا قريبين من طمحونا
الكل بدون اي استثناء اي واحد بالرياض لازم يعرف اهمية هذي المباراة

اي واحد ماعنده امكانيه يدفع سعر التذكرة << تم التكفل بحوالي 2000 تذكرة مجانية بتوزع في الملعب
اي واحد ماعنده سيارة اقرب تاكسي الله لا يهينه
اي واحد ماعنده حق المشوار يتسلف مو مشكله ترا كله لعيون الهلال

بصراحة في ردود اعضاء سويت لها قتباس لانها اثرت فيني بقوة ياليت تقروها

إقتباس وهذي اسيا .. المفروض ان الملعب يمتلي في دور المجموعات مهب في ربع نهائي !! جريتس مأمل خير من الجماهير انهم يملون الملعب بـ 70 الف .. والغرافة خايفين من حضور كثيف وتفاعل قوي .. وسامي رافض تحويل المباراة للملز لان الحضور بيتجاوزون 60 الف !! ..

هذا رد ثاني

إقتباس دايم تلقاني في مباريات الهلال اروح من العصر وكل همّي هالجمهور تلقى العالم مستانسين قبل المباراة وحماس وأنا آكل اصابعي واتلفّت مرة للجهة الشماليه ومرة للجنوبيه اشوف فيه ناس والا لا .. وبعدين اطلع للمدرج اللي فوق اشيّك .. ثم اذا حسيت انهم كثير واروح من جهة الرابطه اللي يمين المنصه .. عشان اشوف صح واتحطم لكن نقول ان شاء الله بكره من العصر يمتلي الملعب !! مع إن كل خوفي بكره من الجمهور بس وزاد تخوفي يوم قريت تصريح ( جريتس وجونينيو ) بأن الحضور سيكون كبير وتخيل آخرتها يالله الواجهه اللي بقوله اللي بيتسدحون في الاستراحات ( بالله اذا ماوقفتوا مع الفريق هالمرحله متى بتوقفون ؟؟؟ ) اقسم بالله كلنا ودنا نقعد بجلسه وتلفزيون ... بس الفريق محتااااجنا .. محتااااجنا

^^^^^^
هذا الشي خلاني انقهر لان التذاكر الاقبال عليها كان ضعيف نوعا ما ,, لاني بصراحة توقعت ان نصها بينفذ قبل المباراة



المهم ابي من الكل يتوكل وكل واحد ع الملعب ,,,,


نصاااااائح


# كل واحد ياخذ اكبر عدد ممكن من اخوياه اصحابه اخوانه عيال حارته المهم اكبر عدد تقدر عليه

# حاولو قدر الامكان لبس شي ازرق

# كل واحد ياليت يتغدى بوجبه ثقيله ودسمه لانه يحتاج لطاقة كبيره وبيستهلكها في الملعب ان شاء الله

# المباراة تبدا الساعة 8:30 يعني الساعة اربعة كل واحد يتوكل وع الملعب يقطع تذكره يجلس بمكانه طبعا لاينسى يصلي المغرب ويدعي للهلال والساعة 8 عند دخول اللاعبين ارضية الملعب تبد الاهازيج والحركات ووو مهم التفااااعل جدا

# لا اوصيكم افرغو كل طاقاتكم وشجعو باعلى اصواتكم لمدة 90 دقيقة تحملو ترا ولله كله للهلال

# بعد المباراة ان شاء الله اذا فزنا عااد بتبدا الاحتفالات وكل واحد يعزم الثاني


بالله مايستاهل الهلال التعب كله ,, انتم وش عذركم ؟؟؟ وفي ناس جاية من برى الرياض كله لعيون الهلال

اختتم موضوعي بشي خطير جدا وخلنا نفوز بالخمسة على وصيف اسيا

http://www.youtube.com/watch?v=U1PnDA4RerI