[وحيد الجزيرهـ]

السلام عليكم ورحمة الله وبركاته


معاشر الزعماء اسعد الله جميع اوقاتكم باليمن والمسرات


يامن اتيت من خارج الرياض


ياهلالي لو اتيتنا لوجدتنا نحن الضيوف وانت رب المنزل


حياكم الله يامن اتيتم من خارج الرياض من جميع شتى المعموره من الغربيه من الجنوبيه من الشماليه من الشرقيه من جميع انحاء العالم حياكم الله عين غطا وعين فراش



اخواني الله الله بالحضور نبي 70 الف يهزون انحاء مدرج استاذ الملك فهد

نبي نرعب الغرافه فيجب عدم التهاون ويجب من التعاون جميعا والحضور وعدم الاتكاليه فلو كل واحد قال انا ماني بحاضر كم واحد راح يقول ذا الكلام ؟؟؟؟؟




اللي مامشيت الحين من خارج الرياض متى بتمشي مافي شي يمنعك خذها تمشيه في انحاء مملكتنا الحبيبه وعاصمتنا الرياض


نقطه مهمه لاتسمعون كلام الجماهير الثانيه من زملائك فالصديق مؤثؤ على صديقه فالبعض يحاول يقلل من الحضور فيقول كلام لايليق بجمهور الزعيم فالبعض يقول نشاهد معامله غير حسنه من بعض الجمهور كرمي الدخان او قوارير الماء فيحاولون تشويه اللقاء باي وسيلة كانت


فيجب الرد عليهم انها هذي الحركات ليست من اخلاق جمهور الزعيم الراقي



الله الله بالحضور وانا ان شاء الله من اول الحاضرين باذن الله فو الله لو تعلم عن ظروفي لتجي لو انت باخر العالم فتكفون يازعماء هذا نادي القرن نادي الهلال فالاسم ليس بالسهل تكفوووووووون الحضور واتركو المقاهي والكلام الفاضي



عندي ثقه كبيره في جمهور الزعيم فجمهورنا ليس جمهوور المجان



اللهم وفق الهلال يارب ويحسم الفوز من اول دقيقه



__________________________


عزيزي اللي مانت بحاظر للمباراة تبينا نسحبك مع رقبتك مثلا



______________________



جمهور الهلال اللي سوف تاتون من خارج الرياض

تكفون انتبهو من السرعه الجنونيه فسلامتكم غاليه على قلوبنا



اللي جاي من القصيم انتبه انتبه !!!

ترى في كامرات ساهر على طريق القصيم قبل محظة العتش او عند محطة ساسكو



________________



كلمه اخيره صدقة السر تطفى غضب الرب

[حاتم]

عووافي يالغالي
كلامك سليم وفي قمة الصميم
اذا لم نساند الهلال في هذه الوقت متى سوف نسانده
يسلموو

[*زعيم الثلج*]

بالتوفيق للزعــــــــــــــــــــــــــــــــماء كلهم فردا فردا.................

[حسن8]

جمممهـور القصيم نبغاهم متواجدين

بسبب قرب المسافه ..

وهي أقرب مدينه





_^

[غدر الوفا]

أنشاء الله أنا من أول الناس الي جايين من برا الرياض كله لعيون الهلال ولعيون أبو مساعد ...أنا الي محيرني ليه جمهور الهلال الي في الرياض يشوفون المبارة في التلفزيون ؟؟ هاذا السوال الي يبيله جواااااااااب ... وشكرا اخوي

[No E7tkak H]

::
لا تخاف الحضور راح يكون فليلي
بالتوفيق للزعيم وان شاء الله نحسمها من اول مباراهـ
شكرا لك

[نـاقـد ومـحـلـل]

بإذن الله سيكوٍن الجمهور ، على الموعد

اشكرك عزيزي على النقأط ،،

دمتـم

[وحيد الجزيرهـ]

الله لايهينكم على المررو والله يوفق الزعيم يارب ومالكم عذر ياللي مانتم حاظرين

[ولـ جلاجل ـد]

تسلم يمينك وبيض الله وجهك


اللي جاي من القصيم انتبه انتبه !!!

ترى في كامرات ساهر على طريق القصيم قبل محظة العتش او عند محطة ساسكو

ليه ينتبه قل لهم اتمنى منكم عدم السرعة لأنك كذا بتنبههم

الركاده الركاده ياجمهور الزعيم اهم شيء سلامتك

واتمنى للجميع الوصول بالسلامة

تقبل مروري
ولـ جلاجل ـد

[نادر الأسعدي]

حآآضر بآذن آلله ومعي مجموعه من آلآهل
<~ مكنسل سفرة آهلي عشآآن هآلمبآآراه
لي 4 شهور آحتريهآآآآآآآآآ
يآآرب لآتخيب دعوآآتنا

[وحيد الجزيرهـ]

الله لايهينكم على المرور والله يوفق الزعيم وانتبهو ياخوان من السرعه الزائده تكفوووون

[تفوزي زئيما]

انشاء الله يمتلي الملعب من قبل العصر

[لايهمك حكيهم ياياسر]

الله يع ـأفيك اخوي’’

وان ششاء الله الحضور يكون ممتاز’’

الكاميرات ع طول الطريق وليس لها مكان محدد’’

[itti-lal]

كلام 100%
خاصة الجمهور المسافر من مناطق عدة سواء هلاليين او من الاندية الاخرى التي اتوقع مساندتها للهلال

[FAISAL AL7RBY]

الله يعطيك الف الف الف عافيه على الموضوع الرائع

بااذن الله الحضور راح يحضر بقوه

إقتباس ترى في كامرات ساهر على طريق القصيم قبل محظة العتش او عند محطة ساسكو

يمكن يغيرون مكان الكاميرات

تقبل خالص تحياتي و تقديري لك