[حـنـآ مـعـك يـآ هلآل]

بسم الله الرحمن الرحيم

يا شباب كلنا من اسبوع نكتب مواضيع .. ان ودنا الملعب يصير مليان

وما نبي ولا مكان فاضي ..

لكن وش فايدة هذا الجمهور اذا ما فيه صووت .. اذا ما فيه مؤازره

شوفوا صوت الجماهير بنص المباراه .. واصواتهم اذا جاء هدف للهلال

نلاحظ ان الصوت يرتفع اكثر .. تدرون ليه ارتفع ؟؟ لان الكل كان يرفع صوته من الفرح

تخيلوا لو اصواتنا عاليه طول المباراه والاهازيج ما توقف .. والموج يتحرك بكل المدرجات

نبي الاهازيج ما توقف .. هذا هلالنا يا شباب .. لازم نآزره .. وش الفايده حضورنا وكل واحد معه فصفص ويتفرج وساكت ؟؟

انت اذا بتسوي كذآ اجل اجلس ببيتكم .. اذا بتحضر للزعيم ’’ اذاً احضر وآزر ..

نبي من اول ما يدخل اللاعبين الين يطلعون فايزين بخمآسيه باذن الله واصوات الجماهير عاليه

كلها ساعه ونص ترى .. نكون او لا نكون

خلونا نسكّت كل من تجرأ يشكك بقوة الهلال ..

لاحظت ان الاتحاد والنصر كلهم ناوين شر على الهلال .. وهذا ما يزيدنا الا افتخار بنادينا

ياليت كل واحد مننا يحط هالكلام براسه ويشجع صح .. نبي اللاعبين ينطربووووون

نبي نشوف رقصة ويلي يوم يسوي العرضه < وبما انه مو لاعب .. اجل نبي لي يونق يسويها ههههه

نبي ياسر يسحب ويسحب ويسحب والجمهور يشجع بعالي الصوت

نبي نيفيز يسدد والجمهور يآآزر ويشجع بعالي الصوت

نبي ابو كلبشه اذا قطع الكوره يلاحظ الاصوات والاهازيج عاليه من اول المباراه

مو لازم نشوف سحبه عشان نرفع اصواتنا بالتشجيع

نبي كل ثانيه نعتبرها سحبه وكل ثانيه لمسه وكل ثانيه قول وكل ثانيه سحر من لاعبين الهلال

حتى لو ما كان فيه لمسه او سحبه

باختصار نبي اهازيج وحماس من الدقيقه الاولى الى الدقيقه الـ 90

اللي بيتابع بالتلفزيون .. ما راح نخليه يسمع التعليق .. بنغطي على صوت التعليق


نبي نجنن مخرجين التلفزيون.. كل ما قصر على صوت الجماهير ورفع صوت المعلق والا صوت الزعمآآآآآآآآء يطغى على صوت المعلق

نبي حماااااااااسسسسس هذا هلالكم ماله غير جمهوره يا شباب

وبالتوفيق للزعيم