[موهوب القصيم]

السلام عليكم ورحمة الله وبركاته

كل عام والجميع بألف خير

صراحه عندنا جمهور تقدر تقول عليهم مدمغين والا فاهين والا مدري وشسمه

البعض وده يطلع قوي عند ربعه وانه اكتشف شي جديد

صارت الجماهيريه سالفه واذكر حطيت عدة مقاطع لجمهور الزعيم وهو يملئ استاد الملك فهد وتحديت

اي نصراوي يجيبلي مقطع واحد لاحظو قلت مقطع واحد لجمهورهم مالي الملعب

ومع ذالك ماغير تشوف الهرج الزايد والمضحك بعضهم يقولي شف كيف المعلق يمدح جمهور النصر

هماي اقولكم عالم والله مدري وش تبي اقول تيس يقول احلبه

عموماً نرجع لسالفة الغباء

واحد من الجمهور الغلبان مستشهد بالسيد قوقل لأثبات جماهيرية فريقهم شوفو وش كاتب هالحبيب

إقتباس نادي النصر السعودي = 2.180.000 نادي الاهلي السعودي = 1.870.000 نادي الهلال السعودي = 1.590.000 نادي الاتحاد السعودي = 867.000

طبعاً المفهين اللي مثلهم ماغير مدح وكفو وهذا العالمي<< عالمي وله سنين ماشم بطوله

طيب على استشهاده رحت للسيد قوقل وكتبت نادي الشباب السعودي كتبتها على نفس الوزنيه اللي هو كاتبها ببحثه

يوم طلعلي هالنتيجه الحلوهـ



اف اف اف

يعني على كذا الشباب اكثر فريق عندهـ جماهيريه لأن نتائج البحث وصلت لأربع مليون تقريباً

شفتو ان السيد قوقل مايتسذب ابد

اذا بغيت تحشرلك نصراوي قله يجيب مقطع واحد بس لأستاد الملك فهد ممتلئ بجماهير فريقهم غير مباريات الاعتزال طبعاً

لأنه مناسبه مختلفه لأن من غير المعقول ان الجمهور الحاظر كله يشجعون النصر وريال مدريد محد جاء يشوفه

حتى اعتزال سامي ويوسف والتمياط مستبعد من المقارنه لنفس السبب والا تسان ترسنا المنتدى مقاطع

اهم شي لاتتحدونهم بأكثر من مقطع لأنهم لن يأتو بنصف مقطع

دمتم بود