[وافي999]

مسائكم ورد وزعامه يا جمهور الزعيم


في البداية اتمنى التوفيق للزعيم في6/10 امام الغرافه ..
نقاط ما قبل المباراة 1- انا اشوف ان نامي مأدي الدور بأكمل وجه ،
في الجولات الاربع الماضيه ، بس يعاب عليه لما يتقدم لمساندة الهجوم ما يرجع بسرعه ،، اتمنى من سامي وجريتس تشديد التنبيه عليه
على عدم التقدم بكثره عشان ما يفتح الجهه اليمنى ,, واذا تقدم يرجع بسرعه لاني الحظه يتقدم وما يرجع الا ببطىء هذا عيبه الوحيد .
مشاركة الزوري في المباراة الاولى اتوقع انها مخاطرة لان الزوري بعد ما يرجع من الاصابات ما يكون بالفورمه ميه بالميه يعني يبيله شووي .
لذلك اشوف الابقاء على نامي هو الافضل .. وبالنسبه لقلب الدفاع خيرات كويس وهو الخيار المتاح، لاكن لو كان المرشدي جاهز لمباراة اتمنى مشاركته لان المرشدي يدخل الفورمه بسرعه بس خوفي من قلة اللياقه بس ,

2- لكن الاهم مشاركة خالد عزيز في المحور لانه بصراحه هذا وقته ، خالد عزيز حسب علمنا انه جاهز للمباراة ،، لازم جريتس ينزله لانه الوحيد اللي بيكتم لجنينيو ، خصوصا انه جنينيو هو مصدر الخطورة الغرفاوية الاولى ، ابيه يتفرغ لجنينو ومتى ما وقفه اتوقع الغرافه بينتهي ، ابيه يضغط عليه وما يخليه يستلم الكورة بسهوله ، لان عليه تمريرات خطرة للمهاجمين .

هذه وجة نظري المتواضعه .

3- فيه حركة اتمنى من جمهور الزعيم يسونها وقت المباراة يعني نختار لنا دقيقه من وقت المباراة ونردد اسم ( جريتس ، جريتس ) لعله بهذي الحركه يعدل عن قرار الابتعاد عن الزعيم اذا شاف هذي الحركة . وعرف ان الجمهور متمسكين فيه . لان ابتعاد في هذا الوقت بيضر بالفريق بصراحة .

4ــ فيه شي مستغرب منه عقد جريتس لتدريب الهلال اعلى من عقده لتدريب المنتخب المغربي ، تخيلون ان راتبه في الشهر يصل لاكثر من 800 الف ريال سعودي مع ذلك يبي يروح ؟؟؟!!!! السؤال لماذا ؟؟ !! وللمعلوميه جريتس قد سبق له التدريب في المغرب ! توقعون له دخل ؟

في الختام اتمني ان نكون في الموعد جميعنا في درة الملاعب ,, الى اللقاء