[IBRAHIM7]

بسم الله الرحمن الرحيم ..
السلام عليكم ورحمة الله وبركاته

ياهلا .. ويامرحباً ..

وياهلابكم أعزائي وأحبائي وأشقائي في منتدى الهلال ..

<< سادس العيد .. طال إنتظارك .. وسئمت الإنتظار ! >>



اي مشجع هلالي يملك في قلبه ذرة زرقاء .. بالتأكيد يعرف حجم الإنتظار والشعور الذي نشعره تجاه اليوم المنتظر السادس من شوال ..

بل ومعظمنا غابت عنه هواجيس العيد والاستعداد له واجتماعات الأهل .. وراح يفكر في السادس من شوال ..

وانا من هنا أقول .. الهلالي الذي لن يحظر في 6 من شوال .. إستعباطاً .. تسحب منه البطاقة الهلالية .. ولا يجلس مع الهلاليين ..

فان لم تحظر أمام الغرافة .. فلن تحظر أبداً ..

فلن تقبل الأعذار الواهيه .. ولن يقبل فقط سوى العذر القهري ..

الهلال بحاجتك .. ولا أبالغ ان قلت انها مهمة رياضية وطنية ..

ديربي خليجي .. منقول على قنوات كثيرة .. بل ودولية .. !!

وغير النقل .. المباراة سيخرج ملخصها على 70 % من قنوات الرياضة حول العالم ..

فلا تبخل على الهلال .. بطلة جميلة أمام العالم

نعم فلنثبت اننا نادي القرن ..

<< رسالة لجمهور الرياض >>


انا رجال من القصيم بريدة قدر الله علي وكان آخر حضور لي في مباريات الهلال هو 13 / 4 / 2010

يومها كان الهلال ينازل السد في الدرة .. وكان الملعب منور بنجوم الهلال ورجالاته .. ومن ثم بالمدرب الروماني الأروع كوزمين ..

كان يومها يوم خيالي بالنسبه لي .. لاني حضرت وشجعت وشفت الزعيم عن قرب ..

رغم ان المباراة انتهت بالتعادل إلا اني عشت على هاليوم ومازلت اعيش عليه 151 يوم حتى يأتي اليوم المنتظر اللي هو سادس العيد .. إن شاء الله ..

محتفظ بالصور واشاهدها مابين الحين والآخر ..

كنت محدد مباراة بونيودكور هي المحطة القادمة .. لكن لظروف الإختبارات لم استطيع الحضور ..

ولإرتباطات الاهل لم استطيع مشاهدة جزء كبير من المباراة !!!

52 ألف مشجع هلالي تنعموا في تلك المباراة .. وعاشوا اجمل اللحظات .. وختموها مسك مع الهلال في الموسم الإستثنائي لعلي أجدها فرصة لشكرهم ..

ومابين نزال الغرافة ونزال السد .. 151 يوماً .. ذبحنا الشوق فيها ياهلال من الوريد إلى الوريد ..

هاهي الأقدار من جديد تضعنا أمام المحك .. واختبار حقيقي آخر لجمهور الهلال .. خاصة بعد الإستفتاء الأخير والتشكيك المعتاد الذي خرج في الساحة ..

إذا قالوا أن المدرجات هي الفيصل وهي الخيار الأول للحكم .. فـ لنثبت لهم من جديد .. من هو الهلال ومن هي جماهيره .. وماهي مكانته .. ( رغم انهم يعرفونها جيداً )

لن ولم يدرك الهلاليون في الرياض .. معنى كونهم يقطنون بجوار النادي .. وبجوار أسواره وبجوار ملاعبه .. وبجوار أيامه السعيدة والهنية ..

سوى عندما يرون المشجع الهلالي خارج مدينة الرياض يبكي وهو يشاهد مباراة يونيودكور خلف الشاشة ..

يشاهد الجماهير تشجع وتهتف وتغني .. واللاعبين يقدمون دروس كروية .. وهو يبكي .. ودموعه تحجب عنه مايحدث ..

يشاهد الجماهير .. تعيد وتزيد وتكرر مشاهدة مباراة بونيود كور حتى حفظنا تفاصيلها وتمريراتها .. وحفظنا ماردده الجمهور .. ودموعنا لم تمل .. ؟؟!!

أي نعمة هذه ياجمهور الرياض ؟؟!!

عزيزي الهلالي في الرياض .. شي واحد لك بقوله ..

احمد ربك في الصباح وفي المساء ..

فأنت في نعمة لن تشعر بها .. سوى عندما تقطع الأميال والكيلومترات .. وتتعذب من اجل ان تحضر مباراة واحدة ..

لا وتعيش الأيام والليالي تعد متى تحظر ثانيه ؟؟!!

صحيح زحمه وحوسه في الرياض .. اوكي اتفق معك .. بس عندك الهلال .. يكفيك ويغنيك ..

كلمة حق :

ليس كل هلالي في الرياض معناه انه مايحظر ولا ينفع .. بالعكس فيه ناس تحضر قبل فتح البوابات وتجلس من العصر تنتظر الزعيم وتهتف وتنادي وتبذل الغالي والنفيس من أجل الكيان الهلالي ..

أشاهدهم وأحسدهم على مكانتهم .. وهناك من يبذل كل مايملك من أجل الرابطة ومن اجل خروج الجماهير الزرقاء بأجمل حلة ..

فلهم منا جزيل الشكر والعرفان ..

<< أتمنى الجمهور يرتقي لمستوى الإدارة والنجوم .. اتمنى يصبح فعلاً جمهور نادي القرن يضرب فيه المثل >>

اكيد وبلا شك وبدون منازع .. صاحب السمو الملكي الأمير عبدالرحمن بن مساعد هو أفضل رئيس نادي في المملكة .. ولا يختلف فيها اثنين

من خلالة الرسالة السامية اللي يقدمها اللي هي اعظم من كل رياضة .. ايضاً يوازي هذه الرسالة عمل جبار إحترافي قوي يقدمه ابو فيصل ..

ايضاً سامي الجابر والفريق الإداري الكبير .. ولا يهون جيريتس والفريق الفني المرعب .. اللي حقيقة أسكت جميع النقاد ..

وأصبحوا بدل ماينتقدون فنياً وكروياً وتكتيكياً .. لم يجدوا أي زلة أو عيب أو نقص .. وباتوا ينتقدون شخصياً .. لمجرد الإنتقاد ولملئ الصفحات .. فقط لا أكثر ..

ايضاً اللاعبين بقيادة الكابتن أسامة .. والفريق كله حتى الأجانب يقدموا عمل جبار .. خرجوا بالنقاط الكاملة من بداية الدوري .. وهاهم بإذن الله سيواصلون ذلك في الآسيوية والله يوفقهم ..

ونجوم الزعيم غنيين عن التعريف .. ومايحتاج أتكلم عنهم ..

لكن جمهورنا يعاب عليه بعض النقاط ..

* ماشاء الله من خلال متابعتي أجد مطالبة كبيرة من الجماهير بلبس فانيلة الفريق ( فانيلة النادي ) عند الذهاب للملعب .. وهذه اهم نقطة أشوفها مهمة جداً جداً جداً

في مظهر الجمهور الخارجي في الملعب أو خلف الشاشات .. تعبر عن حب كبير للنادي ..

فياليت من الجمهور العزيز .. يفكر فيها حبتين .. اذا كنت تبي تلبس الزي السعودي اوكي على العين والراس .. بس ياليت ترفقه بشال أو علم أزرق ..

إذا كنت تبي تلبس لبسك الرياضي المعروف بالبدلة .. فياليت تلبس زي الزعيم أفضل أو اي زي أزرق يعبر عن حبك للكيان ..

مثال بسيط : أنا اذكر جماهير سيلتيك الأسكتلندي إذا كان المباراة بزي الفريق الأساسي الأول اللي يلعب في على ارضه

تحظر بنفس الزي .. واذا صار الفريق يلعب خارج ارضه بزيه الإحتياطي الثاني .. تحظر بنفس الزي !!!

شف المشجعين الفاهمين الواعين يظهرون بصورة جميلة خلابة رائعه .. لا توصف الحقيقة ماتتخيل شكل الملعب والجمهور موحد زيه بزي الفريق

يجي واحد يقولي عشان يدعمون النادي بالدخل المادي اللي يطلعونه من ورى شرائهم للزي الرسمي للفريق ..

طيب ياحبيبي .. حنا مابعد تطورنا .. عشان الفريق يطلع من ورا التيشرتات .. طيب احظر بواجهة جميلة تعبر عن رقي الجمهور .. بالزي الرسمي للفريق ..

وإذا تطور الوضع عندنا وصار النادي يستفيد مباشرة من شراء الجمهور للزي الرسمي للفريق .. كمل دعمك وسو اللي تبي وقتها ..

اما نجلس ننتظر متى نتطور .. ونتعطل !! ونظهر بصورة سيئة .. مرفوضة بتاتاً البتة ..

* تكفون لا احد يلبس لي لبس أصفر .. ولا احمر ولا اخضر .. والله تاثر على شكل الجمهور الخارجي من بعيد ..

ياليت نفللها 70 ألف أزرق فقط فقط فقط .. لعل الصور تتحدث .. عن تاثير اللبس الأزرق .. واللبس الأبيض .. وباقي الألوان .. على الدوائر الممارسات الخاطئة من الجمهور ..



http://img102.herosh.com/2010/09/03/181637403.jpg



http://img105.herosh.com/2010/09/03/831168156.jpg



http:///2010/09/03/876242667.jpg



http://img102.herosh.com/2010/09/03/167416771.jpg

حطيت رابطين عشان لا خرب واحد .. الثاني يشتغل ..

* عندما يزور الحبيب محبوبه .. يحرص على اهداءه اي شي لو هو بسيط ..

فـ ياليت اي مشجع قادم يحضر بهدية بسيطة للهلال ونجومه وجماهيره وإدارته .. يهديه لنادي القرن في آسيا ..

فالهلال أهدانا الكثير من لحظات الفرح والسعادة .. بل وأهدانا المجد والتاريخ والبطولات والألقاب

فلا تبخلوا للهلال ونجومه بعلم .. أو شالات .. أو عبارة تشجيعية .. أو اي شي يخطر في بالك .. فما تتخيلون أثرها في النفس .. حتى على زملائك المجشعين ..

أو أقل الإيمان بزي أزرق .. !!

* بعض الأخوان الله يصلحهم مسويين ثقل مايتفاعل مع مراوح الشالات و الزلزال و الحركات حقات الجمهور

بس يقعد ويرتز ولا يهاوش على الحكم ولا على الفريق .. << -- طيب وشوله جاي اجل خلك ببيتكم .

ياشباب المؤازره والدعم ضروري .. والتفاعل مع الرابطة بالحركات اللي تظهر الجمهور بشكل ولا أروع ضرورية خصوصاً في مباريات دولية مثل هذه تعكس صورة حلوه عن الرياضة هنا في البلد ..

فـ ياليت ياليت من الشباب والاخوان اللي يحظرون يتفاعلون .. وخل الثقل وقت ثاني ..

الهلال يستاهل منا أكثر من كذا .. وهذا هو دورنا فياليت نأديه بالشكل المطلوب .. عشان نستاهل لقب جمهور نادي القرن الجمهور الأفضل في آسيا ..

* ثقافة ياأحضر بالواجهة أو ماأحضر .. خطأ ياجماهير الهلال .. بعض الجماهير يرفض وبشدة سالفة اتابع المباراة خلف المرمى ..

ليش ماادري ؟ مايفكر بالفريق والدعم اللي هو دورنا كله بالدعم بالحضور بالملعب ..

فياليت المشجع يضحي ويحظر في اي مكان .. لو إن شاء الله فوق غرفة المعلق ..

المهم الحضور والمساندة .. وعندما يحظر 60 أو 70 ألف مشجع ( إن شاء الله يآآرب ) نرسل رسالة للنادي لإدارته للاعبيه بان الجماهير ايضاً مركزة على الآسيوية وتبيها باللي هوبه !

فـ ياليت ياأخوان .. الشخص يعي بدوره .. ويعي بأهمية حظوره وبالزي حق الفريق .. والله يوفق ..

* اغلب الجمهور يطالب بإلغاء فكرة الحضور المجاني .. علشان مانشوف الدخلاء على الرياضة .. ومانشوف مخربين .. ومانشوف أشكال تقرف الواحد اثناء متابعة المباراة ..

وحقيقة ماينلامون .. وبعد المفرقعات والشغلات الجديدة .. ينخاف من الحضور المجاني .. خصوصاً ان العذال كثير .. وأصحاب القلوب السوداء في الموعد دائماً وأبداً ..

* الدخان والفصفص .. اكثر من اعتزل الحضور في الملاعب .. بسبب الدخان أو الفصفص ..

فالمدخنين .. يزقر وينفخ بوجهك ولا يهمه أحد .. أقل شي اطلع ورح للمخرج .. ودخن بالهواء على كيفك .. مانبي بيئة ولا نبي شي .. بس نبي نتابع المباراة زين ..

الفصفص .. ياليت اللي ينقم مايلوف على خلق الله .. يلتزم في المنطقة المخصصة له ..

وشكراً للجمهور الهلالي الوفي المخلص ..

شكراً لكل من في قلبه ذرة زرقاء ..

وان شاء الله انها ليلة سعيدة للجميع .. بإذن الله سننام وقلوب غامرة بالسعادة بإذن الله ..

وموعدنا الدرة بإذن الله ..

في النهاية عندي بعض النقاط ودي اسردها لكم ..

* في مباراة الهلال السابقة .. العساكر الشطار .. كأننا شياطين موب جماهير الهلال .. !!

لا تدخل بشال فيه ارقام .. ؟؟؟!!! لا تدخل بفانيلة فيها ارقام

لا تدخل بفانيلة فيها موبايلي .. يعني أحسن شي لا تدخل الملعب اطلع برا ..

ولا آخر الإستهبال .. يوم شلحني كلي .. اخذ الشال مني الأزرق مع الأبيض .. قلت ليه خير ان شاء الله

قال معك شال ثاني أحمد ربك .. يعني غيرك سحبنا شاله وهو مامعه إلا هو .. انت معك 2 يكفي واحد .. احمد ربك !!!

خير ان شاء الله ؟؟!!

بصراحه لا تعليق .. والضابط واقف ..

حتى فيه احد الجماهير رفض انه يفصخ الفانيلة قال لا ابدخل فيها .. قال مو عاجبك كلامنا قال ايه ابدخل بالفانيلة ..

علطول جاء الضابط .. وقاله مانت داخل يعني مانت داخل .. تلتزم بالقوانين زيك زي غيرك ..

استغفر الله العظيم .. لا تعليق .. وتبون رياضتنا تتطور بعد .. ؟؟!!

* اتمنى ايضاً من العساكر اللي بالإستاد مايطردوننا بعد نهاية المباراة مباشرة .. ياليت يعطونا فرصة نحتفل مع الفريق ولو عشر دقايق .. احسن من نحتفل في الشوارع .. !!!

وياليت هذا الشي يتم بتنسيق مع إدارة الملعب وإدارة النادي .. هذا ممثل الوطن وهذه مهمة وطنية ..

* من أجمل ماأثلج صدري هالايام .. هي اني حصلت طفل يمشي في شوارع بريدة وسالته من وين اشتريت فانيلة الزعيم الجديدة ..

قالي من محل .. وعرفته .. وسيدا على المحل لاني من زمان ادورها .. قال خلصت كل اللي عندنا !!

ياسلام ياجمهور الزعيم ..

* الملك عبدالله الله يحفظه بعد مامنع الفتوى من أي واحد .. ودك يمنع التصاريح .. هههههههههه بصراحه هابين علينا بتصاريح مدري وش تبي

صارت الإثارة والضجة كلها حول التصاريح ونسينا اللي بالملعب !!!

* اتمنى في نهاية هالموسم مثل ماخرجنا من الموسم الماضي بإحصائيات تؤكد ان الحضور الهلالي في المدرجات أعلى حظور

نحافظ أيضاً نحن الجماهير على لقبنا .. ونواصل تحطيم الأرقام القياسية .. فما أجمل الجمهور الوافي .. ما أجمل الوفاء مع هالنادي القاري الأبرز النادي وفي معنا ولازم نرد له هالوفاء ..

* الله يكحل عيونكم جميعاً بكاس آسيا ..

وندعي شخصيات كبيرة لحضور الحفل .. مثل صاحب السمو الملكي الأمير محمد بن فيصل والإدارات السابقة المعاصره .. وطبعاً في مقدمة الحضور جميع اعضاء شرف الهلال البارزين والداعمين ..

اولاريو كوزمين .. تفاريس وكماتشو وباكيتا .. المدرب الهولندي إديموس .. إداري من نادي ستيوا بوخارست ..

الثنيان والنعيمة ومنصور الاحمد وفيصل ابو اثنين وحسين الحبشي ووالد نواف العابد والعمدة وفهد المفرج وعبدالعزيز الخثران وعمر الغامدي ونواف التمياط واخوه صفوق والتيماوي .. وووو..

* لو سمح الله وحنا جايين من القصيم للرياض يوم المباراة إذا طفت بي السيارة انا وخويي.. سلمولي على الزعيم .. وقولوله ودي اجي .. بس ماكتب الله ..

بس ان شاء الله ماتطفى .. ههههههههههههههههه

ان شاء الله بإذن الله تعالى ربنا يوفقنا ..

اللهم وفق الهلال دائماً وابداً في اي مكان وزمان ..




اعاهدك ..

انسى الحزن .. مادام قلبي لك يحن ..

وبتذكر أيام الفرح .. واطير وياها بفرح

واعيشها مهما تكون

لاجل انك انت مهما تبتعد .. تبقى قريب ..

تبقى قرييييب ..