10 نقاط ياجمهور الهلال - نادي الهلال السعودي - شبكة الزعيم

HeLaLe R@IG · #1 03/09/2010, 11:12 PM

السلام عليكم و رحمة الله و بركاته

لا أجيد المقدمات .. وببدأ بالموضوع بسرعه

وطبعا النقاط للي حاضرين المباراة في استاد الدرة ( إن شاء الله )

10 نقاط ياجمهور الهلال :

1- عدم السرعه .. سواء للي حاظرين الملعب من الرياض او خارجه .. او بالحافلات .. مانبي احد يصدم ويموت والله

2- التشجيع و المؤازرة .. يعني مو تجي وتجلس ساكت

3- اللبس الازرق .. اتمنى من الكل يلبسون ازرق .. نبي الملعب ازررق كله

4- عدم الإتكـآلية .. يعني لاتقول الملعب بيمتلي وزي كذا .. اذا اتكلنا .. بيجي الجمهور بالواجهه .. و الاطراف مافيه شي .. مانبي الاتكالية

5- الحضور بكثافه .. يعني جمع اخوياك و رح معهم .. مو تحجز لهم الكراسي ومايجون ..نبي الملعب يمتلي من الظهر

6- التشجيع الحضاري .. مانبي نسمع سب للاعبين .. ولا شتم وقذف .. وان امكن مانبي تدخين .. نبي كل لاعب حتى ولو يخطي نشجعه .. انتم وقودهم ياجمهور الزعيم

7- عدم استثناء للاعبين ..مثل التصفيق والاهازيج وترديد الاسماء.. لجميع اللاعبين .. مانبي استثناء للاعبين الكبار .. الكل نصفق له و نحييه

8- التعاون مع رجال الأمن .. لهم سوابق مع جمهور الزعيم .. اتمنى يكون اسلوبنا في الحوار معهم افضل من اسلوبهم معنا .. لانهم يحاولون يستفزونـآ

9- الصلاة .. الصلاة .. جمهور الزعيم .. الصلاة اهم من كل شي .. صل واحظر .. تكفون الصلاة لاتفوتونهـآ .. ولاتنسون انفسكم و الزعيم بالدعاء

10- أخيرا .. اجلو مواعيدكم و اعمالكم او قدموهـآ .. اجعلو 6/10/1431 .. وقت للزعيم ومخصص له ..

اتمنى اني وفقت بالنقاط .. جزانا الله و إيـآكم الخير ..

والدرة موعدنا .. ان شاء الله ..

هلإلي : top · #2 04/09/2010, 12:01 AM

مشكور اخوي على الموضوع المناسب .. واتمنى من الاخوة الجمهور مسااندة الزعيم .. ويالليتنا بالرياض . والله يوفق الزعيم وتقبل مروري

أبومفرح · #3 04/09/2010, 12:04 AM

الله على الدرر

-----------------------------

زعيم مكاوي · #4 04/09/2010, 12:09 AM

مشكوووور اخوي

وبالتوفيق للهلال

الـهـلال511 · #5 04/09/2010, 12:14 AM

ايه والله ياليتنا بالرياض كن حضرنا كل المباريات
والله يوفق الزعيم

مروض الكوره · #6 04/09/2010, 12:23 AM

الله عليك
كتبت فابدعت
وانشالله احضر المباراه

love al hilal · #7 04/09/2010, 07:10 AM

يعطيك الف العافيه اخوي عالنقاط المهمه

بالتوفيق للزعيم

باسل الزعيم · #8 04/09/2010, 08:47 AM

اذا هم يقولون نحن شمس لنصرنا ،،
فنحن سمـــــاء لزعيمنــــــا ،،
وشمسهم ماهــــــي
الا كوكب في سمـــــــانا

м̶я.źєźǿ»20» · #9 04/09/2010, 09:00 AM

الله علييك يا ششيخ ع هالنقااااط المهمه

واهم شي السرعه يا زعمااااااااء مانبي نفقد احد وهوو حاضر مباراه الزعيم والله يحسن خاتمتنا بس

والله يعطيك اف عافيه ع هالموضوووع الرااائع طرررح راااااقي

تحياتي لك ودمت بحفظ الله ،

حاتم · #10 04/09/2010, 09:08 AM

نقاط اتوقع في غايه الاهميه والعالميه
يسلموووووووو ويعلمووووو

ıl TŏP lı · #11 04/09/2010, 09:11 AM

إقتباس

الرسالة الأصلية كتبت بواسطة HeLaLe R@IG


	9- الصلاة .. الصلاة .. جمهور الزعيم .. الصلاة اهم من كل شي .. صل واحظر .. تكفون الصلاة لاتفوتونهـآ .. ولاتنسون انفسكم و الزعيم بالدعاء

أهم شي قلته

يارجال تكفون نبي الملعب يمتلي

عـااشـق ســـــاام 6 · #12 04/09/2010, 09:13 AM

بصراحة نقاط في غاية ..

الاهمية .... واهم نقطة ذكرتها بلا شكـ الصلاة ... والثانية الحضور المبكر ... والثالثة ..المؤازرة .. وعدم الاكتفاء بالجلوس بل بتشجيع الفريق من اول دقيقة حتى اخرها ...

شاكر لكــ اخوي على الموضوع ....

تقبل ودي وتحياتي !! ...

وبالتوفيق للزعيم

..Haifa.. · #13 04/09/2010, 09:16 AM

والله ألتزم بكل القوانييييين بس دخلوني الملاعب

الله يوفق الزعيم مشكلتي مااقدر اجي بس والله قلبي معاكم
و راح ادعي لكم وللهلال و ياحظ الهلال فيكم (ما شاء الله)

تمنيتكـ بأحلآمي · #14 04/09/2010, 09:24 AM

ان شاءالله يكون الجمهور على ماعودنا به ,,,يارب

بالتوفيق للزعيم ,,

شكراا اخوي عالكلام الطيب والرااائع

fINAL · #15 04/09/2010, 10:03 AM

,,

موضوع جميل قدا

وان شاء الله تتطبق هالنقاط

وجزاك الله الف خير