[فيصل بن عبد الله]

السلام على من اتبع الهدى منكم

مساكم الله بالخير والرضا والعافيه

أخباركم يا جمهور الـ 41 % من السعوديين ؟؟


موضوعي هذا رسالة لكل مشجع هلالي وأتمنى تنفيذها بحذافيرها






كلنا نعلم بإن أعضاء شرف النادي أمروا بباصات تنتقل من مدن المملكة
إلى الرياض وتعبوا ودفعوا من حر مالهم لتكوين اكبر عدد من الجماهير
للوقوف في وجه الغرافه فزعة للزعيم


1- إذا كنت يا أيها المشجع الهلال تبغى تاخذ لك مكان في أحد الباصات لا تاخذه إلا وأنت قده , مانبي ناس تكون زيادة عدد , مكانك اللي بتاخذه وأنت زيادة عدد عطه غيرك يبح صوته لعيون الزعيم .

2- أرجوا من كل مشجع هلالي - إنه ما يستحي - ايه ما يستحي لأن فيه بعض الناس يستحي لا قام وقف يستحي أحد يقوله أقعد نبي نشوف ولا يستحي انه يكون هوالوحيد الواقف بين خمسه << يا حبي لهالرقم
إذا اللي جنبك مافيهم خير يقومون يشجعون قوم أنت ولا عليك من أطلق شنب .

3- ارجوا من جميع جماهير الهلال الوقوف لمدة 90 دقيقه تشجيعا للزعيم لأن دقيقه وحده كفيله بـ ولوج هدف في مرمانا.

4- اتمنى من جماهير الهلال الضغط النفسي على لاعبين الغرافه وهاذي من اصول التشجيع في أي هجمه للغرافه على الجمهور أن يطلق الصيحات وصافرات الاستهجان لزيادة توتر اللاعبين .






رسالة الى الرابطه:

أرجوا ممن له علاقة في الرابطه أن يوصل لهم بتعديل أماكنهم , فطرف الجمهور غير نافع لتحميس الجمهور كامل , أفضل مكان هو وسط الواجهة على الرابطه ان تتواجد في وسط الجمهور كي يصل صوتها لكل مشجع هلالي .



ملاحظة :
أبتعدوا عن مواضيع اللغط والإشاعات فهذه المرحلة حاسمة لو ضمنا الفوز في الذهاب لا خوف على الإياب بإذن الله
كونوا قلباً وقالباً مع الهلال .




رسالة لـ شبيه الريح وجميع أعضاء الشرف :
شكرا هي كلمة ذات أربع حروف نعلم أنها قليلة ولكن في كل حرف تتواجد اكثر من كلمة شكر مقسمة على كل جماهير الهلال .



شبيه الريح وش باقي << قالها شبيه الريح في أحدى قصائده وأنا أقول :

جماهير القرن : وش باقي , وش باقي , وش باقي ؟!!

وش باقي ../ ما سواه شبيه الريح عشان تتحمسون وتجون وتؤازرون فريقكم
وش باقي ../ ما سواه سامي الجابر اللي يقول ليه نطلب الملز ونحرم انفسنا من متعة 70 ألف متفرج؟؟
وش باقي ../ ما سووه اللعيبه يخليكم تجون : مستوى ولا احلى , بطولات ولا أحلى , أهداف , ولا أحلى , ألقاب ولا أحلى