[هلالي غييييير]

الم يتبادر الى اذهانكم السؤال التالي :

لماذا لم تعاقب لجنة الانضباط نادي الوحده بعد اطلاق ( المفرقعات ) في مباراته امام الهلال على الرغم ان التعاون عوقب في الجوله السابقه لنفس السبب تحديدا
الجواب :

1- مادام الهلال فايز ترى ( مهوب ) لازم تعطيه حقوقه خلاص يحمدون ربهم انهم فايزين ( وطبعا هذي مثل سياسة الحكام لاصار الهلال فايز مهوب لازم ضربات الجزاء ولا فاولات ولا اي شي يكفيهم الفوز )

2- السبب الاهم انه قبل مباراة الهلال بيوم والتي رميت فيها المفرقعات حدثت نفس الحادثه في مباراة الشباب والنصر والمباراة كانت على ارض النصر والسؤال الذي يتبادر الى اذهان لجنة الانضباط ( اذا كان الحكم ماقصر معهم في المباراة وبغو يطقونه وعلى رأسهم رئيسهم وشلون لو نقلنا مباراة للنصر وش بيسوي فينا فيصل بن تركي .... لا لا فكنا وخلو الموضوع يمر ولا تعاقبون الوحده عشان مايثار الموضوع )

الحقيقه استغرب من وسائل الاعلام لماذا لم تثر مثل هذا الموضوع
فريق يعاقب لان جمهوره اطلق المفرقعات واخر يفعل جمهوره نفس الفعل تماما بعد ثلاثة ايام ولا يعاقب

تخيل لو كانت المفرقعات حدثت في مباراة الهلال على ارضه والوحده يقابل فريقا اخر هل سيعاقب الوحده ؟

بالتاكيد نعم فليحمد الوحده ربه لان النصر شمله برحمة اللجان

[ولـد زايـد]

..

المثل وش يقول وأنا اخوك [ لقد أسمعت لو نآديت حيآآ ]

خلاص احنا تعودنا على اللجنه وسوء قراراتها ، ومانقول الا حسبنا الله ونعم الوكيل

..

[ملك الرومان radoi]

الحمدالله والشكر بس هاذي تعتبرها لجنه انضباط
؟؟؟؟
مانقول الا (( ان الله يمهل ولا يهمل ))
لاهنت عالطرح ..

[احساس الهلال20]

ياخوي والله اللجنه نايمه وماحولك احد وبقولك شي
لاترتجي منهم شي ابد الا اذا كان القرار على الهلال تعال تفرج على الاجتماع الطاري
اللهم وفق الهلال فوق كل وتحت كل سما

[هلالي صحناوي]

ايه لا حياة لمن تنادي

الله جعله يجي اليوم اللي الاتحاد السعودي كله يزااال عن بكره ابيه بلجانه وبكل مافيه من اكبر راس حتى اكبر راس

هذاك اليوم اللي بنشوف فيه العدل ان شاء الله

[سعودي الهلالي]

يع’ــطيك العــــــــــــآفية

[هلالي غييييير]

اللي فعلا مستغرب ان الموضوع ما اثير ابدا

ولا تطرق له اي اعلامي وكأنه ماحصل شي ويقولون ان الهلال مسيطر على الاعلام والنصر ماعنده اعلام

[هلالي وافتخر]

لجنة ما تطبق قراراتها الا على الاندية الضعيفة ....
لكن ضد ناديهم المدلل اذن من طين واذن من عجين
مستحيل تصدر بحقه اي عقووبة .. ويحمد ربه الوحدة
فعلا انها ما كانت في مباراة الهلال

[حلا الهلاليه]

ياليت لجنة الإنحطاط يكفون شرهم عن الزعيم ونجومه وجماهيره..

يعطيك العاافيه..

[هلالي لي العز والفخر]

لجنة الانظباااااااااط وغيرها ماتقدر توقف الزعيم باذن الواحد الاحـــــد

[KendeL]

يا أخوي أنا كنت حضر المباراة و اللي رموا المفرقعات أخوياي هم هلالين و رموها أول مرة بعد الهدف الأول للهلال

و بعد الهدف الثاني رموها .. و لما بدأ العسكر يتجمعوا قدام مدرجنا عشان يشوفوا من اللي يرميها .. راحو لمدرج

الوحدة و رموها و شافهم العسكري و أنمسك واحد .. مدري إن جابوه على التلفزيون حتى هو لابس أسبانيا الطقم الكحلي

فقط للتوضيح .. تقبل مروري

[هلالي غييييير]

إقتباس الرسالة الأصلية كتبت بواسطة KendeL يا أخوي أنا كنت حضر المباراة و اللي رموا المفرقعات أخوياي هم هلالين و رموها أول مرة بعد الهدف الأول للهلال و بعد الهدف الثاني رموها .. و لما بدأ العسكر يتجمعوا قدام مدرجنا عشان يشوفوا من اللي يرميها .. راحو لمدرج الوحدة و رموها و شافهم العسكري و أنمسك واحد .. مدري إن جابوه على التلفزيون حتى هو لابس أسبانيا الطقم الكحلي فقط للتوضيح .. تقبل مروري

شكرا لك على التوضيح

انا ما اقصد هذا بالضبط
انا اقصد ان المباراة على ارض الوحده مثل العقوبه اللي عاقبوها التعاون مع ان الفاعل من جماهير النصر

اقصد ان بالتحديد ان الفعل واحد في ثلاث مباريات ( التعاون يعاقب ) ( والوحده لعيون النصر مابتعاقب )

[$الشفق الأزرق$]

الله يعطيك العافيه

وخل العالم تفرقع بس بعيد عن الناس بمكان فاضي خخخخخ

[هلالي غييييير]

هههههههههههههههههههههههههه

ياليت يجي اليوم والعقوبات ماتحتاج لفرقعه اعلاميه عشان تتطبق

[خ ـــواطر هلاليه]

اللجنه في سبآأأت عميييق

تستيقظ لـ تطبق اللأنظمه واللوآئح على الزعيم

وآمآ الأنديه الثانيه فـ مسسآكين