[القيصر ادريانو]

السلام عليكم ورحمة الله وبركاته


حياكم الله بموضوعي .. نورتوا

طبعا انا بعالم المنتديات أحب اكتب المواضيع بالفصحى .. لكن هالمرة بكتب بالعامية

اليوم أشوف العالم يتكلمون عن مباراة الغرافة (الي ان شاء الله بنحضرها كلنا) .. والمباراة باقي عليها أكثر من اسبوعين

وناسين مباراتنا ضد الوحدة الليلة وما كأن الهلال الليلة بيلعب مباراة .. يعني هل هذا اهتمام كبير ببطولة آسيا .. أو عدم احترام الخصم ؟!

الوحدة فريق لا يستهان به ,, ولا انسى قبل عدة مواسم يوم يفوزون علينا بمكة بهدفين مقابل هدف .. لازم نهتم ونبين للاعبيننا اننا مهتمين بمباراة الوحدة

وخصوصا بالحضور للي يقدر .. طبعا انا الحمدلله ساكن بالرياض وحضرت مباراتي التعاون والفيصلي

وأتمنى من محبي الهلال المتواجدين بمكة الحضور الليلة .. عشان يحسون لاعبيننا أننا وراهم وداعمينهم وين ماكانوا

يعني مباراة الغرافة ملحقين عليها ان شاء الله .. بس خلونا بمباراة الليلة .. ولكل حادث حديث

أتمنى انكم فهمتوا قصدي .. وتراني اختصرت الموضوع بكم كلمة

شطحة: يا شباب عندي طلب بسيط .. تكفون للي يقدر يلبيه

بحلقة طاش أمس فيه لقطة للقصبي يوم يقول: انت تلعب مع الزعيم .. يالعالمي

تكفووون طالبكم للي يقدر يجيبلي اللقطة

واخيرا وليس آخرا أشكركم على متابعتكم .. واعذروني لقلة مشاركاتي بهالمنتدى لأني مشرف بمنتدى ثاني

لكن بسوي الي علي .. اخوكم المتابع من بعيد